ಬೆಂಗಳೂರು: ಬಿಗ್ಬಾಸ್ ಸೀಸನ್ 8 ರ ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದುಕೊಂಡಿರುವ ಚಕ್ರವರ್ತಿ ಚಂದ್ರಚೂಡ, ಬಿಗ್ಮನೆಯಲ್ಲಿರುವ ಇತರ ಸ್ಪರ್ಧಿಗಳೊಂದಿಗೆ ಬೆರೆಯಲು ಪ್ರಯತ್ನಿಸುತ್ತಿದ್ದಾರೆ. ತಮ್ಮ ಮಾತಿನ ಮೂಲಕವೇ ಮೋಡಿ ಮಾಡಲು ಹೊರಟಿರುವ ಚಂದ್ರಚೂಡ, ನೀನು ನೋಡುದಕ್ಕೆ ಮಾತ್ರ ಹುಡುಗಿ ಮನಸ್ಸು ಮಾತ್ರ ಹುಡುಗನ ಹಾಗೆ ಎಂದು ಸ್ಪರ್ಧಿಯೊಬ್ಬರ ಕಾಲೆಳೆದಿದ್ದಾರೆ.
ಹೌದು ಚಂದ್ರಚೂಡ ಬೆಳಗ್ಗೆ ಎದ್ದು ಪ್ರಶಾಂತ್, ರಘು ಮತ್ತು ನಿಧಿ ಸುಬ್ಬಯ್ಯ ಅವರೊಂದಿಗೆ ಮಾತಿಗಿಳಿದಿದ್ದರು. ಈ ವೇಳೆ ಮುಂದೆ ಕುಳಿದ್ದ ನಿಧಿಯನ್ನು ಕುರಿತು ನಾನು ನಿಧಿಮಾನನ್ನು ಹುಡುಗಿ ಎಂದು ನೋಡೋದೆ ಇಲ್ಲ. ಇವರು ನೋಡುದಕ್ಕೆ ಮಾತ್ರ ಹುಡುಗಿ ಮನಸ್ಸೆಲ್ಲ ಹುಡುಗನ ಹಾಗೆ ಇದೆ. ಇವರ ಸೈಕಾಲಜಿ ಪುರುಷರ ಸೈಕಾಲಜಿ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಈ ಮೊದಲು ಚಂದ್ರಚೂಡ, ನಿಧಿ ನಿಮಗೆ ನಾನು ಕಪಲ್ಬಾತ್ ಮತ್ತು ಬುದ್ಧ ವಾಕಿಂಗ್ ಹೇಳಿಕೊಡುತ್ತೇನೆ ಪ್ರತಿದಿನ ಹದಿನೈದು ನಿಮಿಷ ಇದನ್ನು ಮಾಡಬೇಕು ಇದರಿಂದ ನಿಮ್ಮ ಎನರ್ಜಿ ಹೆಚ್ಚಾಗುತ್ತದೆ ಎಂದರು. ನಂತರ ಚಂದ್ರಚೂಡ ನಾನು ಇದನ್ನು ವೈಷ್ಣವಿ ಅವರಿಗೂ ಹೇಳಿಕೊಡಬೇಕು ಬಿಗ್ಬಾಸ್ ಮನೆಯಲ್ಲಿ ಅವರ ಎನರ್ಜಿ ತುಂಬಾ ಚೆನ್ನಾಗಿದೆ. ಪಾಸಿಟಿವ್ ಎನರ್ಜಿ ಕಾಣಿಸುತ್ತಿದೆ, ನಮ್ಮ ಮುಂದೆ ಕುಳಿತಿರುವವರನ್ನು ನೋಡಿದಾಗ ಅವರ ಶಕ್ತಿಯ ಬಗ್ಗೆ ಅರಿವಾಗುತ್ತದೆ ಎಂದರು.
ಈ ವೇಳೆ ಮಾತು ಪ್ರಾರಂಭಿಸಿದ ರಘು ನಾನು ಬಿಗ್ಬಾಸ್ ಮನೆಗೆ ಬಂದ ನಂತರ ಇಲ್ಲಿ ಒಂದಿಬ್ಬರು, ಮೂವರಲ್ಲಿ ಈ ರೀತಿಯ ಎನರ್ಜಿ ನೋಡಿದ್ದೇನೆ ಎಂದರು. ನಾವು ಹೆಣ್ಣು ಗಂಡು ಅಂತ ಬೇರೆ ಬೇರೆ ನೋಡಬಾರದು ಹೆಣ್ಣು ಗಂಡು ಒಂದೇ ಎಂದು ಚಂದ್ರಚೂಡ ತಿಳಿಸಿ, ನಿಧಿ ಒಳ್ಳೆ ಹುಡುಗಿ ಆದರೆ ನೋಡುದಕ್ಕೆ ಹಾಗೆ ಕಾಣುವುದಿಲ್ಲ ಎಂದು ತಮಾಷೆ ಮಾಡಿದರು.
ಬಿಗ್ಮನೆಗೆ ಬಂದಂತಹ ಕೆಲ ಸ್ಪರ್ಧಿಗಳು ಎಲಿಮಿನೆಟ್ ಆಗಿ ಹೊರನಡೆದಿದ್ದರೆ, ಇದೀಗ ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದಿರುವ ಚಂದ್ರಚೂಡ ಮಾತ್ರ ತಮ್ಮ ಮಾತು ಮತ್ತು ವರ್ತನೆಯ ಮೂಲಕ ಬಿಗ್ಬಾಸ್ ಮನೆಯಲ್ಲಿ ಹೊಸ ಮಂದಹಾಸ ಮೂಡಿಸಿದ್ದಾರೆ. ಇದು ಮುಂದಿನ ದಿನಗಳಲ್ಲಿ ಯಾವರೀತಿ ಮುಂದುವರಿಯುತ್ತದೆ ಎಂದು ಕಾದು ನೋಡಬೇಕಾಗಿದೆ.
