ನವದೆಹಲಿ: ನೋಕಿಯಾ ಕಂಪನಿ ಭಾರತದ ಮಾರುಕಟ್ಟೆಗೆ 5310 ಎಕ್ಸ್‌ಪ್ರೆಸ್‌ಮ್ಯೂಸಿಕ್‌ ಹೆಸರಿನ ಡ್ಯುಯಲ್‌ ಸಿಮ್‌ ಫೀಚರ್ ಫೋನ್ ಅನ್ನು ಬಿಡುಗಡೆ ಮಾಡಿದೆ.
ಯುರೋಪಿಯನ್‌ ಮಾರುಕಟ್ಟೆಗೆ ಮಾರ್ಚ್‌ ತಿಂಗಳಿನಲ್ಲೇ ಬಿಡುಗಡೆಯಾಗಿದ್ದ ಈ ಫೋನಿಗೆ 3,399 ರೂ. ದರವನ್ನು ನಿಗದಿ ಪಡಿಸಲಾಗಿದೆ.
Advertisement
Advertisement
ಈ ಫೀಚರ್ ಫೋನ್‌ನಲ್ಲಿ ಸ್ಮಾರ್ಟ್‌ಫೋನಿನಲ್ಲಿರುವ ಅಪ್ಲಿಕೇಶನ್‌ಗಳು ರನ್‌ ಆಗುವುದಿಲ್ಲ. ಸಿಎಂಆರ್‌ ಸಂಸ್ಥೆಯೊಂದು ಯಾವುದೇ ಫೋನ್ ಆದ್ರೂ ಜನ ಫೋನನ್ನು ಹೆಚ್ಚಾಗಿ ಮ್ಯೂಸಿಕ್‌ ಕೇಳಲು ಬಳಸುತ್ತಾರೆ ಎಂದು ಅಧ್ಯಯನ ವರದಿ ನೀಡಿತ್ತು. ಹೀಗಾಗಿ ನೋಕಿಯಾ ಹೆಸರಿನಲ್ಲಿ ಫೋನ್ ತಯಾರಿಸುತ್ತಿರುವ ಎಚ್‌ಎಂಡಿ ಗ್ಲೋಬಲ್‌ ಸಂಸ್ಥೆ ಈ ಫೀಚರ್ ಫೋನ್ ಬಿಡುಗಡೆ ಮಾಡಿದೆ.
Advertisement
ಗುಣವೈಶಿಷ್ಟ್ಯಗಳು:
88.2 ಗ್ರಾಂ, ತೂಕ, ಡ್ಯುಯಲ್‌ ಸಿಮ್‌, 2.4 ಇಂಚಿನ ಟಿಎಫ್‌ಟಿ ಸ್ಕ್ರೀನ್‌(240*320 ಪಿಕ್ಸೆಲ್‌), 167 ಪಿಪಿಐ ಹೊಂದಿರುವ ಫೋನ್ ಮೀಡಿಯಾಟೆಕ್‌ ಪ್ರೊಸೆಸರ್‌ ನೀಡಲಾಗಿದೆ.
Advertisement
ಸೀರಿಸ್‌ 30+ ಸಾಫ್ಟ್‌ವೇರ್‌ ನೀಡಲಾಗಿದ್ದು ಹಿಂದುಗಡೆ ಎಲ್‌ಇಡಿ ಫ್ಲ್ಯಾಶ್‌ ಇರುವ ವಿಜಿಎ ಕ್ಯಾಮೆರಾ ಇದೆ. 2 ಜಿ ಇಂಟರ್‌ನೆಟ್‌ ಜೊತೆ ಒಪೆರಾ ಮಿನಿ, ಎಫ್‌ಎಂ ರೇಡಿಯೋ, ಎಂಪಿ3 ಪ್ಲೇಯರ್‌, ಗ್ಯಾಲರಿ, ಮೊಬೈಲ್‌ ಸ್ಟೋರ್‌, ಹವಾಮಾನ ಅಪ್ಲಿಕೇಶನ್‌ ಇದೆ.
16 ಎಂಬಿ ಆಂತರಿಕ ಮೆಮೊರಿ, 8 ಎಂಬಿ ರ‍್ಯಾಮ್‌ ಜೊತೆಗೆ ಮೈಕ್ರೋ ಎಸ್‌ಡಿ ಕಾರ್ಡ್ ಮೂಲಕ 32 ಜಿಬಿವರೆಗೆ ಮೆಮೊರಿಯನ್ನು ವಿಸ್ತರಿಸಬಹುದಾಗಿದೆ. 1200 ಎಂಎಎಚ್‌ ಬ್ಯಾಟರಿ, 3.5 ಎಂಎಂ ಹೆಡ್‌ಫೋನ್‌ ಜ್ಯಾಕ್‌ನೊಂದಿಗೆ ಬಿಡುಗಡೆಯಾಗಿದೆ.
ಜೂನ್‌ 23 ರಿಂದ ದೇಶದೆಲ್ಲೆಡೆ ಈ ಫೋನಿನ ಮಾರಾಟ ಆರಂಭವಾಗಲಿದ್ದು, ಪ್ರಿ ಆರ್ಡರ್‌ ಈಗಾಗಲೇ ಆರಂಭವಾಗಿದೆ. ನೋಕಿಯಾ.ಕಾಂ ಮತ್ತು ಅಮೇಜಾನ್‌.ಕಾಂ ಮೂಲಕ ಬುಕ್‌ ಮಾಡಬಹುದು.
