ದೀಪಾವಳಿ ಸಂಭ್ರಮಾಚರಣೆ ಎಲ್ಲೆಡೆ ಮನೆಮಾಡಿದೆ. ದೀಪಾವಳಿ ಹಬ್ಬಕ್ಕೆ ರುಚಿಯಾಗಿರುವ ಸಿಹಿತಿಂಡಿ ಇಲ್ಲ ಅಂದ್ರೆ ಹೇಗೆ ಹಬ್ಬ ಎನ್ನಿಸಿಕೊಳ್ಳುತ್ತದೆ. ಈ ರುಚಿಯಾದ ಎರಡು ಸ್ವೀಟ್ ಮಾಡುವುದರೊಂದಿಗೆ ಹಬ್ಬದ ಸಂಭ್ರಮವನ್ನು ಇನ್ನಷ್ಟು ಹೆಚ್ಚಿಸಬಹುದಾಗಿದೆ.
ಗೋಧಿ ಹಲ್ವಾ/ ಗೋಧಿ ಹಾಲುಬಾಯಿ
ಬೇಕಾಗುವ ಸಾಮಗ್ರಿಗಳು:
* ನೆನಸಿಟ್ ಗೋಧಿ- 1 ಕಪ್
* ನೀರು- 3 ಕಪ್
* ಬೆಲ್ಲದ ಪುಡಿ-1 ಕಪ್ ಬೆಲ್ಲ
* ಏಲಕ್ಕಿ- 4
* ಪಿಂಚ್ ಕೇಸರಿ – ಅದನ್ನು 2 ಟೀಸ್ಪೂನ್ ನೀರಿನಲ್ಲಿ ನೆನೆಸಿಟ್ಟಿರಬೇಕು
* ಕತ್ತರಿಸಿದ ಗೋಡಂಬಿ ತುಂಡುಗಳು – 2 ಟೀ ಸ್ಪೂನ್
* ತೆಂಗಿನ ಎಣ್ಣೆ ಅಥವಾ ತುಪ್ಪ – 3 ರಿಂದ 3.5 ಟೀ ಸ್ಪೂನ್
ಮಾಡುವ ವಿಧಾನ:
* 6 ರಿಂದ 8 ಗಂಟೆಗಳ ಕಾಲ ಅಥವಾ ರಾತ್ರಿಯಿಡೀ ಗೋಧಿಯನ್ನು ತೊಳೆದು ನೆನೆಸಿಡಬೇಕು.
* ಬೆಲ್ಲಕ್ಕೆ 1/4 ಕಪ್ ನೀರನ್ನು ಹಾಕಿ ಚೆನ್ನಾಗಿ ಕುದಿಸಿ ಅದನ್ನು ಸೋಸಿ ಎತ್ತಿಟ್ಟುಕೊಳ್ಳಿ.
* ನೆನೆಸಿದ ಗೋಧಿಗೆ ಅರ್ಧ ಕಪ್ ನೀರನ್ನು ಹಾಕಿ ಚೆನ್ನಾಗಿ ಪೇಸ್ಟ್ ಮಾಡಿ ಸೋಸಿ.
* ರುಬ್ಬಿ ಸೋಸಿ ತೆಗೆದಿರುವ ನೀರನ್ನು, ಸೊಸಿ ತೆಗೆದಿರುವ ಬೆಲ್ಲದ ನೀರಿಗೆ ಸೇರಿಸ ಬೇಕು.
* ಈ ಮಿಶ್ರಣಕ್ಕೆ ಏಲಕ್ಕಿ ಸೇರಿಸಿ ಕಡಿಮೆ ಉರಿಯಲ್ಲಿ ಪ್ಯಾನ್ ಇರಿಸಿ ತಿರುಗಿಸುತ್ತಾ ಇರಬೇಕು.
* ಈ ಮಿಶ್ರಣವು ದಪ್ಪವಾಗಲು ಪ್ರಾರಂಭಿಸಿದ ನಂತರ ಉರಿ ಕಡಿಮೆ ಮಾಡಿ, 1 ಟೀಸ್ಪೂನ್ ತೆಂಗಿನ ಎಣ್ಣೆ ಅಥವಾ ತುಪ್ಪ ಸೇರಿಸಬೇಕು.
* ಕೇಸರಿ ನೀರು, ಮತ್ತು ಗೋಡಂಬಿ ತುಂಡುಗಳನ್ನು ಸೇರಿಸಿ ಮಿಶ್ರಣ ದಪ್ಪವಾಗುವವರೆಗೆ ಒಲೆ ಮೇಲೆ ಇಟ್ಟು ಬಿಸಿ ಮಾಡಿಟ್ಟುಕೊಳ್ಳಿ.
* ತುಪ್ಪವನ್ನು ಸವರಿರುವ ತಟ್ಟೆಗೆ ಈ ಮಿಶ್ರಣವನ್ನು ಹಾಕಿ ತಣ್ಣಗಾಗಲು ಇಡಬೇಕು.
* ನಂತರ ಚಾಕುಗೆ ಸ್ವಲ್ಪ ತುಪ್ಪ ಸವರಿ ಹಲ್ಬಾಯಿಯನ್ನು ಕತ್ತರಿಸಿದರೆ ಹಬ್ಬಕ್ಕೆ ಗೋಧಿ ಹಾಲುಬಾಯಿ ಸವಿಯಲು ಸಿದ್ಧವಾಗುತ್ತದೆ.
ಕಜ್ಜಾಯ
ನೆನೆಸಿದ ದೋಸೆ ಅಕ್ಕಿ- 1 ಕಪ್
ಬೆಲ್ಲ -1 ಕಪ್
ಎಳ್ಳು- 1 ಸ್ಪೂನ್
ಗಸಗಸೆ _ 1 ಸ್ಪೂನ್
ಏಲಕ್ಕಿ- 1/2 ಸ್ಪೊನ್
ಅಡುಗೆ ಎಣ್ಣೆ
ಮಾಡುವ ವಿಧಾನ:
* ಒಂದು ದಿನ ಮೊದಲೇ ನೆನಸಿಟ್ಟ ಅಕ್ಕಿಯನ್ನು ಒಂದು ಬಟ್ಟೆಯ ಮೇಲೆ ಹಾಕಿ ಸೋಸಿ ನೀರು ತೆಗೆದು ಅಕ್ಕಿಯನ್ನು ಒಣಗಿಬೇಕು.
* ಒಣಗಿರುವ ಅಕ್ಕಿಯನ್ನು ಮಿಕ್ಸಿಗೆ ಹಾಕಿ ನುಣ್ಣಗೆ ಪೌಡರ್ ಮಾಡಿಕೊಳ್ಳಬೇಕು.
* ಪುಡಿ ಮಾಡಿರುವ ಅಕ್ಕಿಯನ್ನು ಚೆನ್ನಾಗಿ ಜರಡಿಯಿಂದ ಸೋಸಿ ತೆಗೆಯಬೇಕು.
* ಒಂದು ಪಾತ್ರೆಗೆ ಬೆಲ್ಲ ಮತ್ತು ನೀರನ್ನು ಹಾಕಿ ಪಾಕ ಗಟ್ಟಿಯಾಗಿ ಉಂಡೆ ರೂಪಕ್ಕೆ ಬರುವವರೆಗೆ ಬಿಸಿ ಮಾಡಬೇಕು.
* ಈ ಬೆಲ್ಲದ ಪಾಕಕ್ಕೆ ಎಳ್ಳು, ಗಸಗಸೆ, ಏಲಕ್ಕಿ ಪೌಡರ್ ಹಾಕಿ ಸ್ವಲ್ಪ ಬಿಸಿ ಮಾಡಬೇಕು.
* ಬೆಲ್ಲದ ಪಾಕಕ್ಕೆ ಅಕ್ಕಿ ಹಿಟ್ಟನ್ನು ಹಾಕಿ ಚೆನ್ನಾಗಿ ಗಟ್ಟಿಯಾಗುವರೆಗೆ ಬಿಸಿಮಾಡಿ ತಣ್ಣಗಾಗಲು ಬಿಡಬೇಕು.
* ಈ ಮಿಶ್ರಣದಿಂದ ಸಣ್ಣ ಸಣ್ಣದಾಗಿರುವ ಉಂಡೆಗಳನ್ನು ಮಾಡಿ ರೊಟ್ಟಿಯಂತೆ ಕಜ್ಜಾಯವನ್ನು ತಟ್ಟಬೇಕು.
* ಈ ಕಜ್ಜಾಯವನ್ನು ಎಣ್ಣೆ ಬಾಣಲೆಯಲ್ಲಿ ಬಿಟ್ಟು ಫ್ರೈ ಮಾಡಿಕೊಳ್ಳಿ.
* ಈಗ ರುಚಿ ರುಚಿಯಾಗಿರುವ ಕಜ್ಜಾಯ ಸವಿಯಲು ಸಿದ್ಧವಾಗುತ್ತದೆ.
