ದಿವ್ಯಾಗೆ ಮುತ್ತು ಕೊಟ್ಟ ಮಂಜು!

ಬಿಗ್‍ಬಾಸ್ ಮನೆಯಲ್ಲಿ ಅರವಿಂದ್, ದಿವ್ಯಾ ಉರುಡು ಜೋಡಿ ಬಿಟ್ಟರೆ ಮತ್ತೊಂದು ಜೋಡಿ ಎಂದರೆ ಮಂಜು ಮತ್ತು ದಿವ್ಯಾ ಸುರೇಶ್ ಜೋಡಿಯಾಗಿದೆ. ಮಂಜು ದಿವ್ಯಾಗೆ ಮುತ್ತು ಕೊಟ್ಟು ಸುದ್ದಿಯಗಿದ್ದಾರೆ.

ಈ ವಾರ ಸೇಫ್ ಆಗುವ ಸದಸ್ಯನನ್ನು ತಿಳಿಸಲು ಬಿಗ್‍ಬಾಸ್ ಸ್ಪರ್ಧಿಗಳಿಗೆ ಒಂದು ಟಾಸ್ಕ್ ನೀಡಿದ್ದರು. ಒಂದು ಪ್ರಿಂಟರ್ ಇಟ್ಟಿದ್ದರು ಅದರಲ್ಲಿ ಯಾರ ಫೋಟೋ ಮೇಲೆ ಸೇಫ್ ಎಂದು ಬರೆದುಕೊಂಡು ಬರುತ್ತದೆಯೋ ಅವರು ಸೇಫ್ ಎಂದು ಬಿಗ್‍ಬಾಸ್ ಸೂಚಿಸಿದ್ದರು.

ಮಂಜು, ರಾಜೀವ್, ದಿವ್ಯಾ ಸುರೇಶ್, ರಘು, ಪ್ರಶಾಂತ್ ಸಂಬರಗಿ, ವೈಷ್ಣವಿ ಇದ್ದರು. ಈ  ಟಾಸ್ಕ್‌ನಲ್ಲಿ ವೈಷ್ಣವಿ ಎಲಿಮಿನೇಷನ್ ಪ್ರಕ್ರಿಯೆಯಿಂದ ಬಚಾವ್ ಆಗಿದ್ದರು. ದಿವ್ಯಾ ಸುರೇಶ್ ಅವರ ಫೋಟೋ ಬಂದಾಗ ಮಂಜು ಅದನ್ನು ನೋಡಿ ಚೆನ್ನಾಗಿದ್ದೀಯಾ ಎಂದು ಫೋಟೋವನ್ನು ಎತ್ತಿಕೊಂಡು ಮುತ್ತುಕೊಟ್ಟಿದ್ದಾರೆ. ಮನೆಮಂದಿ ಎಲಿಮಿನೇಟ್ ಆಗುತ್ತಾರೆ ಎನ್ನುವುದನ್ನು ಕಾದು ನೋಡುತ್ತಿದ್ದರು. ಹೀಗಾಗಿ ಮಂಜು ಅವರು ದಿವ್ಯಾ ಫೋಟೋಗೆ ಮುತ್ತುಕೊಟ್ಟಿರುವುದನ್ನು ನೋಡಿಯು ನೋಡದಂತೆ ಸುಮ್ಮನಾಗಿದ್ದಾರೆ. ಆದರೆ ದಿವ್ಯಾ ಸುರೇಶ್ ಮಾತ್ರ ನಕ್ಕು ಸುಮ್ಮನಾಗಿದ್ದಾರೆ.

 ದಿವ್ಯಾ ಸುರೇಶ್, ಮಂಜು ನಾವು ಸ್ನೇಹಿತರು ಎಂದು ಹೇಳಿಕೊಳ್ಳುತ್ತಿರುತ್ತಾರೆ. ಈ ಜೋಡಿ ಮನೆಯಲ್ಲಿ ಈವಾರಾ ಸೇಪ್ ಆಗಿ ಉಳಿದಿದೆ. ಮುಂದೆ ಹೇಗೆ ಚೆನ್ನಾಗಿ ಆಡುತ್ತಾರೆ? ಇಬ್ಬರು ಸ್ನೇಹ ಹೀಗೆ ಮುಂದುವರೆಯುತ್ತಾ ಎಂಬುದನ್ನು ಕಾದುನೋಡಬೇಕಿದೆ.