ತೋಳದ ಮುಖವಾಡ ಧರಿಸಿ ಬಿದಿಯಲ್ಲಿ ಓಡಾಡುತ್ತಿದ್ದ ವ್ಯಕ್ತಿ ಅರೆಸ್ಟ್!

– ಹೊಸ ವರ್ಷದಂದು ಭಯ ಹುಟ್ಟಿಸಲು ಹೋಗಿ ಸಿಕ್ಕಿಬಿದ್ದ

ಇಸ್ಲಾಮಾಬಾದ್: ಹೊಸ ವರ್ಷಾಚರಣೆಯ ವೇಳೆ ತೋಳದ ಮಾಸ್ಕ್ ಧರಿಸಿ ಬೀದಿಯಲ್ಲಿ ಅಡ್ಡಾಡುತ್ತಿದ್ದ ವ್ಯಕ್ತಿಯನ್ನು ಬಂಧಿಸಿರುವ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ.

ಪಾಕಿಸ್ತಾನ ಖೈಬರ್-ಪಖ್ತುನ್ಖ್ವಾ ಪ್ರಾಂತ್ಯದ ವ್ಯಕ್ತಿಯೊಬ್ಬ ಹೊಸ ವರ್ಷಾಚರಣೆಯಂದು ರಾತ್ರಿ ತೋಳದ ಮುಖದ ರೀತಿಯ ಮುಖವಾಡ ಧರಿಸಿದ್ದನು. ಅಲ್ಲದೇ ಸಾರ್ವಜನಿಕರಲ್ಲಿ ಭಯವನ್ನು ಉಂಟು ಮಾಡಿದ್ದಾನೆ. ಈತ ಹೊಸ ವರ್ಷಾಚರಣೆಯ ಸಂಭ್ರಮದಲ್ಲಿರುವ ಜನರಿಗೆ ಭಯ ಹುಟ್ಟಿಸಲೆಂದೇ ಈ ರೀತಿಯ ಮುಖವಾಡ ಧರಿಸಿದ್ದನು ಎಂದು ಆತನನ್ನು ಪಾಕ್ ಪೊಲೀಸರು ಬಂಧಿಸಿದ್ದಾರೆ. ಬಂಧಿತ ವ್ಯಕ್ತಿಯ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಈ ಮುಖವಾಡ ನೋಡಲು ತುಂಬಾ ಭಯವಾಗುತ್ತಿದೆ. ಈ ತೋಳದ ಮಾಸ್ಕ್ ನೋಡಿ ಕೊರೊನಾ ಹತ್ತಿರವೂ ಸುಳಿಯುವುದಿಲ್ಲ ಎಂದು ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಈ ಚರ್ಚೆ ಮಾಡುತ್ತಿದ್ದಾರೆ.