ಮುಂಬೈ: ಬಹುಭಾಷಾ ನಟಿ, ವರದನಾಯಕ ಬೆಡಗಿ ಸಮೀರಾ ರೆಡ್ಡಿ ತೂಕ ಇಳಿಸಿಕೊಂಡು ಮತ್ತೆ ಫಿಟ್ ಆಗಿದ್ದಾರೆ. ತೂಕ ಇಳಿಕೆ ಮಾಡಿಕೊಂಡಿರುವ ಫೋಟೋಗಳನ್ನು ಸಮೀರಾ ರೆಡ್ಡಿ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದು, ವೈರಲ್ ಆಗಿವೆ.
ಫೋಟೋ ಜೊತೆಗೆ ಕೆಲ ಸಾಲುಗಳನ್ನು ಬರೆದುಕೊಂಡಿರುವ ಸಮೀರಾ ರೆಡ್ಡಿ, ದೀಪಾವಳಿ ವೇಳೆಗೆ ನಾನು ಮತ್ತಷ್ಟು ಫಿಟ್ ಆಗುತ್ತೇನೆ ಎಂದು ಹೇಳಿಕೊಂಡಿದ್ದಾರೆ. ಜೊತೆಗೆ ತಮ್ಮ ಡಯಟ್ ಪ್ಲ್ಯಾನ್ ಸಹ ಹಂಚಿಕೊಂಡಿದ್ದಾರೆ.
ಕೆಲವೊಮ್ಮೆ ಫೋಟೋಗಳು ಮೋಸ ಮಾಡುತ್ತೆ. ಆದ್ರೆ ಇವತ್ತಿನ ಫೋಟೋಗಳು ಸತ್ಯ. ನಾನು ಕಳೆದ ಕೆಲ ದಿನಗಳಿಂದ ವರ್ಕೌಟ್ ಮಾಡ್ತಿದ್ದೀನಿ. ಅದರ ರಿಸಲ್ಟ್ ಸಿಕ್ಕಿದೆ. ಆದ್ರೂ ಹೊಟ್ಟೆ ಭಾಗದಲ್ಲಿ ಬೊಜ್ಜು ಇದೆ. ಕೆಲ ತಿಂಗಳಲ್ಲೇ ಇದು ಕರಗುತ್ತೆ. ನಾನು ಹಳೆಯ ಫೋಟೋ ನೋಡಿದಾಗ ವರ್ಕೌಟ್ ಮಾಡೋಕೆ ಸ್ಪೂರ್ತಿ ಸಿಗುತ್ತೆ. ಹಾಗಾಗಿ ಹೆಚ್ಚು ಹೆಚ್ಚು ವರ್ಕೌಟ್ ಮಾಡುತ್ತಿದ್ದೇನೆ ಎಂದು ಹೇಳಿದ್ದಾರೆ.
ಇದುವರೆಗೂ ಸೇರಿ ಕೆಲ ಇಂಚು ಕಡಿಮೆ ಆಗಿದೆ. ಶುಗರ್ ಕಂಟ್ರೋಲ್, ವಾರಕ್ಕೆ ನಾಲ್ಕು ಬಾರಿ ಯೋಗ, ಬ್ಯಾಡ್ಮಿಂಟನ್ ಆಟ ನನ್ನ ಪ್ಲಾನ್. ಇದೇ ಲೈಫ್‍ಸ್ಟೈಲ್ ಮುಂದೆಯೂ ಫಾಲೋ ಮಾಡೋ ಉತ್ಸಾಹ ನನ್ನಲಿದೆ. ದೀಪಾವಳಿ ವೇಳೆಗೆ ಮೊದಲಿನಂತಾಗೋದು ನನ್ನ ಗುರಿ. ನಿಮ್ಮ ಅಭಿಪ್ರಾಯ ಏನು? ಅಂತ ಕೇಳಿದ್ದಾರೆ.
View this post on Instagram
ಸಮೀರಾ ರೆಡ್ಡಿ 2013ರಲ್ಲಿ ತೆರೆಕಂಡಿದ್ದ ವರದನಾಯಕ ಸಿನಿಮಾದಲ್ಲಿ ನಟಿಸಿದ್ದರು. 2014ರಲ್ಲಿ ಅಕ್ಷಯ್ ವರ್ದ್ ಜೊತೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಬಳಿ ಬಣ್ಣದ ಲೋಕದಿಂದ ದೂರ ಉಳಿದಿದ್ದಾರೆ. ಸಮೀರಾ ರೆಡ್ಡಿ ಒಂದು ಗಂಡು ಮತ್ತು ಒಂದು ಹೆಣ್ಣು ಮಗುವಿನ ತಾಯಿ.
View this post on Instagram
