– ಯುವಕರನ್ನೇ ನಾಚಿಸುವಂತೆ ಅಜ್ಜಿ ಡ್ಯಾನ್ಸ್
– ಅಜ್ಜಿ ಡ್ಯಾನ್ಸ್ ಗೆ ನೆಟ್ಟಿಗರು ಫಿದಾ
ಕೋಲ್ಕತ್ತಾ: ತನ್ನ ಹುಟ್ಟುಹಬ್ಬದಲ್ಲಿ ಭರ್ಜರಿ ಸ್ಟೆಪ್ಸ್ ಹಾಕುವ ಮೂಲಕ ಯುವಕರನ್ನು ನಾಚಿಸಿದ ಅಜ್ಜಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಆಗಸ್ಟ್ 10ರಂದು ಮೊಮ್ಮಗ ಗೌರವ್ ಸಹಾ ಅವರು ತಮ್ಮ ಫೇಸ್‍ಬುಕ್ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಅಜ್ಜಿಯ ಡ್ಯಾನ್ಸ್ ಗೆ ನೆಟ್ಟಿಗರು ಫಿದಾ ಆಗಿದ್ದಾರೆ.
ವಿಡಿಯೋದಲ್ಲೇನಿದೆ?
ಅಜ್ಜಿ ತನ್ನ 93ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿದ್ದಾರೆ. ಈ ವೇಳೆ 2018ರಲ್ಲಿ ಬಿಡುಗಡೆಯಾದ ಬಾಲಿವುಡ್ ನಟ ರಣವೀರ್ ಸಿಂಗ್ ಹಾಗೂ ಸಾರಾ ಅಲಿಖಾನ್ ನಟನೆಯ ಸಿಂಬಾ ಚಿತ್ರದ ಪ್ರಸಿದ್ಧ ‘ಆಂಖ್ ಮಾರೆ’ ಹಾಡಿಗೆ ಭರ್ಜರಿ ಡ್ಯಾನ್ಸ್ ಮಾಡಿದ್ದಾರೆ. ಈ ವೇಳೆ ಅಜ್ಜಿಗೆ ಮನೆಯವರು ಕೂಡ ಸಾಥ್ ನೀಡಿ ಅವರನ್ನು ಹುರಿದುಂಬಿಸುವುದನ್ನು ನಾವು ವಿಡಿಯೋದಲ್ಲಿ ಕಾಣಬಹುದಾಗಿದೆ.
ಗೌರವ್ ಸಹಾ ಮನೆಯವರು ಅಜ್ಜಿಯ ಹುಟ್ಟುಹಬ್ಬವನ್ನು ಅತ್ಯಂತ ಸಡಗರದಿಂದ ಆಚರಿಸಿದ್ದಾರೆ. ಕಲರ್ ಕಲರ್ ಬಲೂನ್ ಗಳು, ಬರ್ತ್ ಡೇ ಟೊಪ್ಪಿ ಹಾಗೂ ಚಾಕ್ಲೆಟ್ ಕೇಕ್ ನೊಂದಿಗೆ ಬರ್ತ್ ಡೇ ಆಚರಿಸಿದ್ದಾರೆ. ಅಜ್ಜಿ ಗೋಲ್ಡನ್ ಕಲರ್ ದಪ್ಪವಾದ ಬಾರ್ಡರ್ ಇರುವ ಬಿಳಿ ಸೀರೆ ಉಟ್ಟಿದ್ದಾರೆ. ಎರಡು ಚಿನ್ನದ ಸರಗಳನ್ನು ಹಾಕಿ ತನ್ನ ಕುಟುಂಬದ ಸದಸ್ಯರೊಂದಿಗೆ ಫೋಟೋಗೆ ಪೋಸ್ ನೀಡಿದ್ದಾರೆ.
ಎಲ್ಲಾ ಫೋಟೊಗಳನ್ನು ಗೌರವ್ ತಮ್ಮ ಫೇಸ್‍ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ‘ಥಮ್ಮಾಸ್ ಸ್ವೀಟ್ 93 ಹುಟ್ಟುಹಬ್ಬ’ ಎಂದು ಬರೆದುಕೊಂಡಿದ್ದಾನೆ. ವಿಡಿಯೋದೊಂದಿಗೆ ಈ ಫೋಟೋಗಳು ವೈರಲ್ ಆಗಿದ್ದು, ಅಜ್ಜಿಯ ಡ್ಯಾನ್ಸ್ ಗೆ ನೆಟ್ಟಿಗರು ಸಾಕಷ್ಟು ಕಮೆಂಟ್‍ಗಳನ್ನು ಮಾಡಿದ್ದಾರೆ.
