ತನ್ನ ಸೊಂಡಿಲಲ್ಲಿ ಬಾಟಲಿ ಹಿಡಿದು ಹಾಲು ಕುಡಿದ ಆನೆಮರಿ- ವಿಡಿಯೋ ವೈರಲ್

– ಆನೆಮರಿಯ ಮುಗ್ಧತೆಗೆ ನೆಟ್ಟಿಗರು ಫಿದಾ

ನೈರೋಬಿ(ಕೀನ್ಯಾ): ಕೇರಳದಲ್ಲಿ ಗರ್ಭಿಣಿ ಆನೆಗೆ ಅನಾನಸು ಹಣ್ಣಿನಲ್ಲಿ ಸ್ಫೋಟಕ ಇಟ್ಟು ಹತ್ಯೆಗೈದಿದ್ದು, ದೇಶಾದ್ಯಂತ ಭಾರೀ ವಿರೋಧ ವ್ಯಕ್ತವಾಗಿತ್ತು. ದೇವರ ನಾಡಿನಲ್ಲಿ ನಡೆದ ಈ ಘಟನೆ ನಡೆಸಿದ ಕ್ರೂರಿಗಳ ವಿರುದ್ಧ ಕೂಡಲೇ ಕಠಿಣ ಕ್ರಮ ಕೈಗೊಳ್ಳಬೇಕು ಎಂಬ ಆಗ್ರಹ ಕೂಡ ವ್ಯಕ್ತವಾಗಿತ್ತು. ಈ ಮಧ್ಯೆ ಇದೀಗ ಕೀನ್ಯಾದಲ್ಲಿ ಆನೆಮರಿಯೊಂದು ಹಾಲು ಕುಡಿಯುತ್ತಿರುವ ವಿಡಿಯೋ ಭಾರೀ ಸದ್ದು ಮಾಡುತ್ತಿದೆ.

ಹೌದು. ಆನೆಮರಿ ಓಡಿಕೊಂಡು ಬಂದು ಪುಟ್ಟ ಮಕ್ಕಳಂತೆ ಬಾಟಲಿಯಲ್ಲಿ ಹಾಲು ಕುಡಿಯುತ್ತಿರೋ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 39 ಸೆಕೆಂಡ್ ಇರೋ ಈ ವಿಡಿಯೋ ಟಿಟ್ಟರ್ ನಲ್ಲಿ ಅಪ್ಲೋಡ್ ಆಗಿದ್ದು, ಇದೂವರೆಗೂ ಸಾವಿರಾರು ಬಾರಿ ವೀಕ್ಷಣೆಯಾಗಿದೆ.

ವಿಡಿಯೋದಲ್ಲೇನಿದೆ..?
ಶೆಲ್ಡ್ರಿಕ್ ವೈಲ್ಡ್ ಲೈಫ್ ಸಂಸ್ಥೆ ಸಿಬ್ಬಂದಿ, ತಾಯಿಯನ್ನು ಕಳೆದುಕೊಂಡಿರುವ ಪುಟ್ಟ ಆನೆಮರಿಗೆ ದಿನಾ ಬಾಟಲಿ ಮೂಲಕವೇ ಹಾಲು ಕೊಡುತ್ತಿದ್ದಾರೆ. ಆನೆ ಮರಿ ಕೂಡ ಬಾಟಲಿ ಕಂಡ ತಕ್ಷಣ ಸಿಬ್ಬಂದಿಯನ್ನು ಹಿಂಬಾಲಿಕೊಂಡು ಓಡೋಡಿ ಬಂದು ತನ್ನ ಸ್ಥಳದಲ್ಲಿ ನಿಂತು ಪುಟ್ಟ ಮಕ್ಕಳಂತೆ ಬಾಟಲಿಯಲ್ಲಿ ಹಾಲು ಕುಡಿಯುತ್ತದೆ. ಅದರಲ್ಲೂ ಬಾಟಲಿಯನ್ನು ತನ್ನ ಸೊಂಡಿಲಿನಲ್ಲಿ ಹಿಡಿದುಕೊಳ್ಳಲು ಪ್ರಯತ್ನಿಸುತ್ತಿರುವುದು ನೆಟ್ಟಿಗರನ್ನು ಮಂತ್ರಮುಗ್ಧರನ್ನಾಗಿಸಿದೆ.

Maktao is on a mission to get back quickly for one of two bottles of milk. Orphans at our Nursery sleep in stockades to offer warmth & protection during the night, and explore the protected forest by day with their Keepers. Meet the herd at: https://t.co/2AIu1Bjokn pic.twitter.com/7xVRS1XUxc

— Sheldrick Wildlife Trust (@SheldrickTrust) June 10, 2020

ಆನೆಮರಿ ಹಾಲು ಕುಡಿಯುತ್ತಿರುವುದನ್ನು ಸ್ಥಳದಲ್ಲಿದ್ದವರು ವಿಡಿಯೋ ಮಾಡಿದ್ದು, ಆ ವಿಡಿಯೋವನ್ನು ಶೆಲ್ಡ್ರಿಕ್ ವೈಲ್ಡ್ ಲೈಫ್ ಎಂಬ ಟ್ವಿಟ್ಟರ್ ಅಕೌಂಟಿನಲ್ಲಿ ಅಪ್ಲೋಡ್ ಮಾಡಲಾಗಿದೆ. ವಿಡಿಯೋ ಅಪ್ಲೋಡ್ ಆಗುತ್ತಿದ್ದಂತೆಯೇ ನೆಟ್ಟಿಗರು ಆನೆ ಮರಿಯ ಮುಗ್ಧತೆಯನ್ನು ಕಂಡು ಕಮೆಂಟ್ ಮಾಡಲು ಆರಂಭಿಸಿದ್ದಾರೆ.

ಅದರಲ್ಲಿ ಒಬ್ಬರು ಯಾವ ರೀತಿಯ ಹಾಲನ್ನು ಅದಕ್ಕೆ ನೀಡುತ್ತಿದ್ದೀರಿ ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ಸಿಬ್ಬಂದಿ, ನಮ್ಮ ಸಂಸ್ಥೆಯಲ್ಲೇ ಆನೆಮರಿಗಾಗಿ ವಿಶೇಷ ಹಾಲನ್ನು ತಯಾರಿಸಲಾಗುತ್ತಿದೆ. ಹೆಚ್ಚು ಪೌಷ್ಠಿಕಾಂಶ ಇರುವ ಹಾಲನ್ನು ನೀಡಲಾಗುತ್ತಿದೆ. ಅನೇಕ ಸಂಶೋಧನೆಗಳ ಬಳಿಕ ಆನೆಮರಿಗಾಗಿಯೇ ವಿಶೇಷ ಹಾಲು ಮೀಸಲಿಡಲಾಗಿದೆ ಎಂದು ತಿಳಿಸಿದ್ದಾರೆ.

What kind of milk do they get?

— Brad Small (@BradSmall) June 10, 2020