ತನ್ನನ್ನು ನೆನಪಿಸಿಕೊಂಡ ರಶ್ಮಿಕಾಗೆ ಕನಸು ನನಸಾಗಲಿ ಅಂದ್ರು ರಕ್ಷಿತ್ ಶೆಟ್ಟಿ!

– ರಶ್ಮಿಕಾ, ರಕ್ಷಿತ್ ಟ್ವೀಟ್ ಫುಲ್ ವೈರಲ್

ಬೆಂಗಳೂರು: ನಿಶ್ಚಿತಾರ್ಥವಾಗಿ ಬ್ರೇಕಪ್ ಆದ ಬಳಿಕ ಇದೀಗ ನಟಿ ರಶ್ಮಿಕಾ ಮಂದಣ್ಣ ಅವರು ನಟ ರಕ್ಷಿತ್ ಶೆಟ್ಟಿಯನ್ನು ನೆನಪು ಮಾಡಿಕೊಂಡಿದ್ದು, ಎಲ್ಲರ ಅಚ್ಚರಿ ಹಾಗೂ ಕುತೂಹಲಕ್ಕೆ ಕಾರಣವಾಗಿದೆ.

ಹೌದು. ಬರೋಬ್ಬರಿ ಮೂರು ವರ್ಷಗಳ ಬಳಿಕ ರಶ್ಮಿಕಾ ತನ್ನ ಹಳೆ ಗೆಳೆಯ ರಕ್ಷಿತ್ ಶೆಟ್ಟಿಯನ್ನು ನೆನಪು ಮಾಡಿಕೊಂಡಿದ್ದಾರೆ. ಇದಕ್ಕೆ ಶೆಟ್ರು ಕೂಡ ಪ್ರತಿಕ್ರಿಯಿಸಿದ್ದು, ನಿನ್ನ ಕನಸು ನನಸಾಗಲಿ ಎಂದು ಹಾರೈಸಿದ್ದಾರೆ.

Your love and adoration to #Belageddu song has got us to an astounding 100M Views on YouTube! Taking a moment here to appreaciate Ajju for creating this marvel 🤗✨#KirikParty @shetty_rishab @AJANEESHB https://t.co/RJwB9Q1cwM

— Rakshit Shetty (@rakshitshetty) December 24, 2020

ತಾನು ಇಂದು ಸ್ಟಾರ್ ನಟಿಯಾಗಲು ಕಾರಣವಾಗಿರುವ ಕಿರಿಕ್ ಪಾರ್ಟಿ ಸಿನಿಮಾದ ‘ಬೆಳಗೆದ್ದು ಯಾರ ಮುಖವಾ’ ಹಾಡು 100 ಮಿಲಿಯನ್ ವೀವ್ಸ್ ದಾಟಿದೆ. ಈ ವಿಚಾರವನ್ನು ಮೊದಲು ರಕ್ಷಿತ್ ಶೆಟ್ಟಿ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡು ರಿಷಬ್ ಶೆಟ್ಟಿ ಹಾಗೂ ಅಜನೀಶ್ ಅನ್ನು ಟ್ಯಾಗ್ ಮಾಡಿದ್ದರು. ಈ ಬೆನ್ನಲ್ಲೇ ನಟಿ ರಶ್ಮಿಕಾ ಮಂದಣ್ಣ ಕೂಡ ತಮ್ಮ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದಾರೆ.

Belageddu – My first ever song.. Which I absolutely adore reached 100M.. 🤗🤍 I remember making this song mine.. Living through those montages.. And just finding Saanvi in me..✨
Ahh.. The journey.💃🏻✨@shetty_rishab @rakshitshetty @SamyukthaHegde @AJANEESHB @ParamvahStudios

— Rashmika Mandanna (@iamRashmika) December 24, 2020

ನನ್ನ ಮೊಟ್ಟ ಮೊದಲ ಹಾಡು ಇದು ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ರಕ್ಷಿತ್ ಶೆಟ್ಟಿಯನ್ನು ಕೂಡ ಟ್ಯಾಗ್ ಮಾಡಿ ಅಚ್ಚರಿ ಮೂಡಿಸಿದ್ದಾರೆ. ಇಬ್ಬರ ಬ್ರೇಕಪ್ ಬಳಿಕ ರಶ್ಮಿಕಾ ಇದೇ ಮೊದಲ ಬಾರಿಗೆ ರಕ್ಷಿತ್ ಶೆಟ್ಟಿಯನ್ನು ಟ್ವಿಟ್ಟರ್ ನಲ್ಲಿ ಟ್ಯಾಗ್ ಮಾಡಿ ಬಹಿರಂಗವಾಗಿ ನೆನಪಿಸಿಕೊಂಡರು. ರಶ್ಮಿಕಾ ಅವರು ರಕ್ಷಿತ್ ನನ್ನು ನೆನಪು ಮಾಡಿಕೊಳ್ಳುತ್ತಿದ್ದಂತೆಯೇ ಅಭಿಮಾನಿಗಳು ಸಾಕಷ್ಟು ಕಾಮೆಂಟ್ ಮಾಡಲು ಆರಂಭಿಸಿದ್ದು, ಸದ್ಯ ಇಬ್ಬರು ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೋಲ್ ಆಗುತ್ತಿದ್ದಾರೆ.

Grow grow and grow girl. May all your dreams come true ☺️🤗 https://t.co/WVm6BM4smk

— Rakshit Shetty (@rakshitshetty) December 25, 2020

ಇನ್ನು ರಶ್ಮಿಕಾ ಟ್ವೀಟ್‍ಗೆ ಪ್ರತಿಕ್ರಿಯಿಸಿರುವ ರಕ್ಷಿತ್, ಬೆಳೆಯುತ್ತಲೇ ಹೋಗು ಹುಡುಗಿ, ನಿನ್ನ ಕನಸುಗಳೆಲ್ಲ ನನಸಾಗಲಿ ಎಂದು ಹಾರೈಸಿದ್ದಾರೆ. ಇದಕ್ಕೆ ರಶ್ಮಿಕಾ ಕೂಡ ಎಮೋಜಿ ಹಾಕುವ ಮೂಲಕ ಪ್ರತಿಕ್ರಿಯಿಸಿದ್ದಾರೆ. ಈ ಟ್ವೀಟ್‍ಗಳು ಕೆಲವೇ ನಿಮಿಷಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ.