ಟಿಕ್‍ಟಾಕ್ ಪ್ರೀತಿ – ಮದ್ವೆಯಾಗ್ತಿನೆಂದು ನಂಬಿಸಿ ಯುವತಿಯನ್ನು ರೇಪ್‍ಗೈದ 4 ಮಕ್ಕಳ ತಂದೆ

– ಮದ್ವೆ ಆಗಿ ಮಕ್ಕಳಿದ್ದರೂ ಯುವತಿ ಜೊತೆ ಲವ್
– ಯುವತಿ ಜೊತೆ ನಕಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಕಾಮುಕ

ಹೈದರಾಬಾದ್: ಟಿಕ್‍ಟಾಕ್‍ನಲ್ಲಿ ಯುವತಿಯೋರ್ವಳನ್ನು ಪರಿಚಯ ಮಾಡಿಕೊಂಡಿದ್ದ ಕಾಮುಕನೋರ್ವ ಆಕೆಯನ್ನು ಪ್ರೀತಿ ಮಾಡುವ ಹಾಗೆ ನಾಟಕವಾಡಿ, ಮದುವೆ ಆಗುತ್ತೇನೆ ಎಂದು ನಂಬಿಸಿ ಆಕೆ ಮೇಲೆ ಅತ್ಯಾಚಾರ ಮಾಡಿರುವ ನೀಚ ಕೃತ್ಯ ಹೈದರಾಬಾದ್‍ನಲ್ಲಿ ಬೆಳಕಿಗೆ ಬಂದಿದೆ.

ಹೈದರಾಬಾದ್‍ನ ಓಲ್ಡ್ ಸಿಟಿ ಮೂಲದ 27 ವರ್ಷ ಯುವತಿ ಮೇಲೆ ಆರೋಪಿ ಅಕ್ಬರ್ ಶಾ(34) ಅತ್ಯಾಚಾರ ಮಾಡಿದ್ದಾನೆ. ಅಕ್ಬರ್‍ಗೆ ಈಗಾಗಲೇ ಮದುವೆ ಆಗಿ ನಾಲ್ಕು ಮಕ್ಕಳಿದ್ದಾರೆ. ಆದರೂ ಮೋಸದ ಪ್ರೀತಿ ಜಾಲದಲ್ಲಿ ಯುವತಿಯನ್ನು ಬೀಳಿಸಿ ಈ ದುಷ್ಕೃತ್ಯವೆಸೆಗಿದ್ದಾನೆ. ಸಂತ್ರಸ್ತ ಯುವತಿ ಟಿಕ್‍ಟಾಕ್‍ನಲ್ಲಿ ಅನೇಕ ವಿಡಿಯೋಗಳನ್ನು ಹಾಕುತ್ತಿದ್ದಳು. ಇದನ್ನು ನೋಡಿಸ ಅಕ್ಬರ್ ವಿಡಿಯೋಗಳಿಗೆ ಲೈಕ್ ಮಾಡುತ್ತಿದ್ದ. ಹೀಗೆ ಟಿಕ್‍ಟಾಕ್‍ನಲ್ಲೇ ಇಬ್ಬರಿಗೂ ಪರಿಚಯವಾಗಿ ಸ್ನೇಹಿತರಾದರು.

ಹೀಗೆ ಕೆಲ ದಿನಗಳ ಸ್ನೇಹ ಮುಂದುವರೆದು, ಅಕ್ಬರ್ ಯುವತಿಯ ಮೊಬೈಲ್ ನಂಬರ್ ಪಡೆದ ಗಂಟೆಗಟ್ಟಲೇ ಫೋನಿನ್ನಲ್ಲಿ ಮಾತಾಡಲು ಆರಂಭಿಸಿದ. ಬಳಿಕ ಸ್ನೇಹ, ಪ್ರೀತಿಗೆ ತಿರುಗಿ ತನ್ನ ಮೋಸದ ಜಾಲದಲ್ಲಿ ಅಕ್ಬರ್ ಯುವತಿಯನ್ನು ಬೀಳಿಸಿಕೊಂಡು ಮದುವೆಯಾಗುವುದಾಗಿ ನಂಬಿಸಿದ. ಅಷ್ಟೇ ಅಲ್ಲದೆ ಯುವತಿಯ ಕುಟುಂಬದ ಸಮ್ಮುಖದಲ್ಲೇ ಆಕೆ ಜೊತೆ ನಕಲಿ ನಿಶ್ಚಿತಾರ್ಥ ಕೂಡ ಮಾಡಿಕೊಂಡದ್ದ. ಹೀಗಾಗಿ ಯುವತಿ ಅಕ್ಬರ್ ನನ್ನು ಹೆಚ್ಚು ನಂಬಿದಳು.

ಇದೇ ನಂಬಿಕೆಯನ್ನು ದುರಪಯೋಗ ಪಡೆಸಿಕೊಂಡ ಅಕ್ಬರ್, ಒಂದು ದಿನ ತನ್ನ ತಂಗಿ ಮನೆಗೆ ಯುವತಿಯನ್ನು ಕರೆದೊಯ್ದಿದ್ದನು. ಆಗ ಮಹಿಳೆ ಅತ್ಯಾಚಾರ ಎಸೆಗಿದನು. ಅಷ್ಟೇ ಅಲ್ಲದೆ ನಿಶ್ಚಿತಾರ್ಥವಾದ ಮೇಲೆ ಇನ್ನೊಮ್ಮೆ ಆಕೆ ಮೇಲೆ ಅತ್ಯಾಚಾರ ಮಾಡಿದನು. ಹೀಗಾಗಿ ತಾನು ಮೋಸ ಹೋಗಿದ್ದೇನೆ ಎಂದು ವಿಚಾರ ಗೊತ್ತಾದ ಮೇಲೆ ಸಂತ್ರಸ್ತೆ ಆರೋಪಿ ವಿರುದ್ಧ ದೂರು ನೀಡಿದ್ದಾಳೆ ಎಂದು ಪೊಲೀಸರು ತಿಳಿಸಿದರು. ಆರೋಪಿ ವಿರುದ್ಧ ವಂಚನೆ ಹಾಗೂ ಅತ್ಯಾಚಾರದ ಪ್ರಕರಣ ಹಾಕಿದ್ದು, ತನಿಖೆ ಆರಂಭಗೊಂಡಿದೆ ಎಂದು ಪೊಲೀಸರು ಹೇಳಿದರು.