ಬೆಂಗಳೂರು: ಪಾರಿಜಾತ ಸಿನಿಮಾ ಮೂಲಕ ಕನ್ನಡಿಗರ ಮನೆ ಮಾತಾಗಿರುವ ನಟಿ ಐಂದ್ರಿತಾ ರೇ ಇತ್ತೀಚೆಗೆ ನಟ ದಿಗಂತ್ ಅವರೊಂದಿಗೆ ವಿವಾಹವಾಗಿರುಚವುದು ತಿಳಿದೇ ಇದೆ. ಇದೀಗ ಅವರು ಜಾಲಿ ಮೂಡ್‍ನಲ್ಲಿದ್ದು, ಬೆಟ್ಟ ಗುಡ್ಡಗಳ ಅಲೆದಾಟದಲ್ಲಿ ತೊಡಗಿದ್ದಾರೆ. ಇದೇ ಸಂದರ್ಭದಲ್ಲಿ ಸಾಹಸಮಯ ಪ್ರಯತ್ನವೊಂದನ್ನು ಮಾಡಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಲಾಕ್‍ಡೌನ್ ಸಮಯದಲ್ಲಿ ಐಂದ್ರಿತಾ ರೇ ಹಾಗೂ ದಿಗಂತ್ ಕುಟುಂಬದವರು ಫುಲ್ ಎಂಜಾಯ್ ಮಾಡುತ್ತಿದ್ದು, ವಿವಿಧ ಸ್ಥಳಗಳಿಗೆ ಭೇಟಿ ನೀಡುತ್ತಿದ್ದಾರೆ. ವಿಶೇಷವಾಗಿ ಬೆಟ್ಟ, ಗುಡ್ಡಗಳ ಪ್ರದೇಶಗಳಿಗೆ ತೆರಳುತ್ತಿದ್ದು, ಸಾಹಸಮಯ ಸ್ಟಂಟ್ ಮಾಡುತ್ತಿದ್ದಾರೆ. ಕಡಿದಾದ ದೊಡ್ಡ ಬಂಡೆಗಳನ್ನು ಏರುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಈ ತಂಡದಲ್ಲಿ ದಿಗಂತ್ ಸಹ ಇದ್ದು, ಅವರದ್ದೇ ಗುಂಪು ಕಟ್ಟಿಕೊಂಡು ಗುಡ್ಡಗಳಿಗೆ ಹೋಗುತ್ತಿದ್ದಾರೆ.
View this post on Instagram
With this bunch @diganthmanchale @muddyfingerss @gujjurazak @kungfu_yogi @arjunhc
ಐಂದ್ರಿತಾ ರೇ ಈ ಎಲ್ಲದರ ಅಪ್‍ಡೇಟ್‍ಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದು, ಇದಕ್ಕೆ ಅಭಿಮಾನಿಗಳು ಸಹ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಕಮೆಂಟ್ ಮಾಡುವ ಮೂಲಕ ತಮ್ಮ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ. ಇನ್‍ಸ್ಟಾಗ್ರಾಮ್ ಪೋಸ್ಟ್‍ನಲ್ಲಿ ಬರೆದುಕೊಂಡಿರುವ ಅವರು, ನಿಜವಾಗಿಯೂ ಇದು ತುಂಬಾ ಕಠಿಣ, ಇದು ನನ್ನ ಮೂರನೇ ಪ್ರಯತ್ನ, ಹಗ್ಗ ಹಾಗೂ ಯಾವುದೇ ಸುರಕ್ಷತಾ ಪರಿಕರಗಳಿಲ್ಲದೆ ಹತ್ತಿದ್ದಕ್ಕೆ ಒಂದು ಕ್ಷಣ ಹೃದಯ ಬಡಿತವೇ ನಿಂತತಾಯಿತು. ಆದರೆ ಇದೆಲ್ಲ ಮಾಡುವುದಕ್ಕೆ ಸಾಧ್ಯವಾಗಿದ್ದು ಇವರಿಂದಲೇ ಎಂದು ಪತಿ ದಿಗಂತ್ ಸೇರಿದಂತೆ ನಾಲ್ವರನ್ನು ಟ್ಯಾಗ್ ಮಾಡಿದ್ದಾರೆ. ಇವರ ಪ್ರೋತ್ಸಾಹದಿಂದಲೇ ಪೂರ್ತಿ ಮೇಲಕ್ಕೆ ಹತ್ತಲು ಸಾಧ್ಯವಾಯಿತು. ಮೇಲೆ ಹೋದಾಗ ಅದ್ಭುತ ಸಂತೋಷವಾಯಿತು ಎಂದು ಬರೆದುಕೊಂಡಿದ್ದಾರೆ.
ಇದಕ್ಕೆ ಅಭಿಮಾನಿಗಳು ಅಮೇಜಿಂಗ್ ಆದರೆ ಹುಷಾರು ಎಂದು ಕಮೆಂಟ್ ಮಾಡಿದ್ದಾರೆ. ಐಂದ್ರಿತಾ ರೇ ಪತಿ ಹಾಗೂ ತಮ್ಮ ಟೀಮ್ ಜೊತೆಗೆ ಸೈಕ್ಲಿಂಗ್ ಸೇರಿದಂತೆ ವಿವಿಧ ರೀತಿಯ ದೇಹ ದಂಡಿಸುವ ಚಟುವಟಿಕೆಯಲ್ಲಿ ತೊಡಗಿದ್ದಾರೆ. ಫುಲ್ ಫಿಟ್ನೆಸ್ ರೀತಿಯ ಚಟುವಟಿಕೆಗಳನ್ನು ಮಾಡುತ್ತಿದ್ದಾರೆ.
View this post on Instagram
ಐಂದ್ರಿತಾ ರೇ ಸದ್ಯ ಗರುಡ ಹಾಗೂ ಪ್ರೇಮಂ ಪೂಜ್ಯಂ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ಲಾಕ್‍ಡೌನ್ ಹಿನ್ನೆಲೆ ಸಿನಿಮಾ ಶೂಟಿಂಗ್ ಸ್ಥಗಿತಗೊಂಡಿರುವುದರಿಂದ ತಮ್ಮ ಸ್ನೇಹಿತರು ಹಾಗೂ ಕುಟುಂಬದವರೊಂದಿಗೆ ಕಾಲ ಕಳೆಯುತ್ತಿದ್ದಾರೆ. ಗರುಡ ಸಿನಿಮಾ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದ್ದರೆ, ಪ್ರೇಮಂ ಪೂಜ್ಯಂ ಚಿತ್ರೀಕರಣ ಹಂತದಲ್ಲಿದೆ. ವಿವಾಹದ ಬಳಿಕವೂ ಐಂದ್ರಿತಾ ಎರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.
