ಬಿಗ್ ಮನೆಯಲ್ಲಿ ಸ್ಪರ್ಧಿಗಳು ಫುಲ್ ಮಜಾ ಮಾಡುತ್ತಿದ್ದು, ಟಾಸ್ಕ್ ಜೊತೆಗೆ ಉತ್ತಮ ಮನರಂಜನೆಯನ್ನೂ ನೀಡುತ್ತಿದ್ದಾರೆ. ಪ್ರಶಾಂತ್ ಸಂಬರಗಿ ಹಾಗೂ ಚಕ್ರವರ್ತಿಯವರ ಸ್ನೇಹ ಸಹ ಗಮನಸೆಳೆಯುತ್ತಿದೆ. ಆದರೆ ಇದೀಗ ಇದ್ದಕ್ಕಿದ್ದಂತೆ ಸಂಬರಗಿ ಅವರು ಚಕ್ರವರ್ತಿ ಅವರಿಗೆ ವಿಲನ್ ಎಂದು ಹೇಳಿ ಅಚ್ಚರಿ ಮೂಡಿಸಿದ್ದಾರೆ.
ಟಾಸ್ಕ್‍ಗಳ ಮಧ್ಯೆ ಸ್ಪರ್ಧಿಗಳು ಅವರ ಆಪ್ತರೊಂದಿಗೆ ಹೆಚ್ಚು ಕಾಲ ಕಳೆಯುತ್ತಿದ್ದರು. ಆದರೆ ಇದೀಗ ಲಿವಿಂಗ್ ಏರಿಯಾದಲ್ಲಿ ಸೇರುವ ಮೂಲಕ ಹರಟೆ ಹೊಡೆದಿದ್ದಾರೆ. ಈ ವೇಳೆ ಪ್ರಶಾಂತ್ ಸಂಬರಗಿ ಅವರು ಸಿನಿಮಾದ ಪರಿಕಲ್ಪನೆ ಕುರಿತು ಮಾತನಾಡಿದ್ದು, ಯಾರಿಗೆ ಯಾವ ಪಾತ್ರ ಹೊಂದುತ್ತದೆ ಎಂಬುದನ್ನು ತಿಳಿಸಿದ್ದಾರೆ. ಈ ವೇಳೆ ಚಕ್ರವರ್ತಿ ಅವರಿಗೆ ವಿಲನ್ ಎಂದು ಹೇಳಿದ್ದು, ಅರವಿಂದ್ ಹೀರೋ, ದಿವ್ಯಾ ಉರುಡುಗ ಹಾಗೂ ದಿವ್ಯಾ ಸುರೇಶ್ ಇಬ್ಬರನ್ನೂ ಹೀರೋಯಿನ್ ಎಂದಿದ್ದಾರೆ. ವೈಷ್ಣವಿಗೆ ಮಾತ್ರ ಹೀರೋಯಿನ್ ಅಮ್ಮ ಎಂದು ಹೇಳಿ ನಗಿಸಿದ್ದಾರೆ.
ಲಿವಿಂಗ್ ಏರಿಯಾದಲ್ಲಿದ್ದಾಗ ಈಗ ಫಿಲಂ ಮಾಡೋಣ ಎಂದು ಹೇಳಿ, ಹೀರೋ ಅರವಿಂದ್, ಹೀರೋಯಿನ್ ಇಬ್ಬರು ದಿವ್ಯಾ ಉರುಡುಗ ಹಾಗೂ ದಿವ್ಯಾ ಸುರೇಶ್. ವಿಲನ್ ಚಕ್ರವರ್ತಿ, ಮಂಜು ಪೊಲೀಸ್ ಇನ್‍ಸ್ಪೆಕ್ಟರ್. ನಿಧಿ ಸುಬ್ಬಯ್ಯ ಡ್ಯಾನ್ಸರ್, ನಾನು ಸುಪಾರಿ ಕೊಡಲು ಹುಡುಗಿ ಅಣ್ಣ ವಿಲನ್. ಪ್ರಿಯಾಂಕ ಹಿರೋಯಿನ್ ಅಣ್ಣನ ಪತ್ನಿ ಎಂದು ಹೇಳಿದ್ದಾರೆ. ಅಲ್ಲದೆ ಶಮಂತ್ ಇಬ್ಬರೂ ಹುಡುಗಿಯರಿಗೆ ಸ್ಕೆಚ್ ಹಾಕುವವನು ಎಂದಿದ್ದಾರೆ. ಶುಭ ಪೂಂಜಾ ಹಳೆ ಲವ್ ಸ್ಟೋರಿ ಫ್ಲ್ಯಾಶ್ ಬ್ಯಾಕ್ ಎಂದು ಹೇಳಿದ್ದಾರೆ, ತಕ್ಷಣವೇ ಶಮಂತ್ ವೈಷ್ಣವಿ ಹೀರೋಯಿನ್ ಅಮ್ಮ ಎಂದು ಹೇಳಿದ್ದಾರೆ.
ಹೀಗೆ ಒಂದು ಸಿನಿಮಾ ಮಾಡಿದರೆ ಮನೆ ಮಂದಿ ಯಾವ್ಯಾವ ಪಾತ್ರ ನಿಭಾಯಿಸಬಹುದು ಎಂದು ಊಹಿಸಿದ್ದಾರೆ. ಒಟ್ಟಿನಲ್ಲಿ ವೀಕ್ಷಕರಿಗೆ ಸಖತ್ ಮನರಂಜನೆ ನೀಡಿದ್ದಾರೆ.
