ಗೋವಿಂದರಾಜನಗರ ವಿಧಾನಸಭಾ ಕ್ಷೇತ್ರದಲ್ಲಿ ದ್ರಾವಣ ಸಿಂಪಡಣೆ ವಾಹನ ಲೋಕಾರ್ಪಣೆ

ಬೆಂಗಳೂರು: ಗೋವಿಂದರಾಜನಗರ ವಿಧಾನಸಭಾ ಕ್ಷೇತ್ರದ ಕೋವಿಡ್-19 ಮೇಲ್ವಿಚಾರಣೆ ಉಸ್ತುವಾರಿ ಸಚಿವರಾಗಿ ನೇಮಕಗೊಂಡಿರುವ ವಸತಿ ಸಚಿವ ವಿ.ಸೋಮಣ್ಣ ಅವರು ಇಂದು ಗೋವಿಂದರಾಜನಗರ ವಿಧಾನಸಭಾ ವ್ಯಾಪ್ತಿಯ 9 ವಾರ್ಡುಗಳಲ್ಲಿ ಸೋಂಕು ನಿವಾರಕ ದ್ರಾವಣ ಸಿಂಪಡಿಸುವ 9 ವಾಹನಗಳನ್ನು ತಾವೇ ರಸ್ತೆಗಳಲ್ಲಿ ದ್ರಾವಣ ಸಿಂಪಡಿಸುವ ಮೂಲಕ ಲೋಕಾರ್ಪಣೆಗೊಳಿಸಿದರು.

ಬಡ ಜನರು ವಾಸ ಮಾಡುವ ಪ್ರದೇಶಗಳಲ್ಲಿನ ಕಿರಿದಾದ ರಸ್ತೆಗಳನ್ನು ಗಮನದಲ್ಲಿರಿಸಿಕೊಂಡು ಈ ವಾಹನಗಳನ್ನು ಸಜ್ಜುಗೊಳಿಸಲಾಗಿದೆ ಎಂದು ಈ ಸಂದರ್ಭದಲ್ಲಿ ಹೇಳಿದ ಸಚಿವರು, ಜನರು ಆತಂಕ, ಭಯಗಳಿಂದ ಹೊರ ಬಂದು ಮಾಸ್ಕ್ ಧಾರಣೆ, ಅಂತರ ಹಾಗೂ ಶುಚಿ ಕಾಪಾಡುವ ಮೂಲಕ ಕೋವಿಡ್ ಎದುರಿಸಲು ಸೂಚನೆ ಸಲಹೆ ಮಾಡಿದರು.