ಬೆಂಗಳೂರು: ವರನಟ ಡಾ. ರಾಜ್ ಕುಮಾರ್ ಮಕ್ಕಳಾದ ಶಿವರಾಜ್ ಕುಮಾರ್ ಹಾಗೂ ಪುನೀತ್ ರಾಜ್ ಕುಮಾರ್ ಕುಟುಂಬ ಗಾಜನೂರಿಗೆ ಭೇಟಿ ಕೊಟ್ಟಿದೆ.
ಹ್ಯಾಟ್ರಿಕ್ ಹೀರೋ ಹಾಗೂ ಪವರ್ ಸ್ಟಾರ್ ಕುಟುಂಬ ಗಾಜನೂರಿಗೆ ತೆರಳಿ ಒಂದು ದಿನ ಅಲ್ಲಿಯೇ ಕಳೆದಿದೆ. ಇತ್ತ ಹುಟ್ಟೂರಿಗೆ ಭೇಟಿ ಕೊಟ್ಟಿದ್ದರಿಂದ ಅಲ್ಲಿನ ಸ್ಥಳೀಯರ ಸಂಭ್ರಮ ಕೂಡ ಮುಗಿಲುಮುಟ್ಟಿತು.
ರಾಜ್ ಕುಮಾರ್ ಪುತ್ರರನ್ನು ಬಹಳ ಹತ್ತಿರದಿಂದ ನೋಡಿ ಸ್ಥಳೀಯರು ಸಂತಸ ವ್ಯಕ್ತಪಡಿಸಿದ್ದಾರೆ. ಇನ್ನು ಹಿರಿ ಜೀವಗಳಿಗೆ ಮಾತ್ರ ತಮ್ಮೂರಿನ ಮಕ್ಕಳು ಬಂದಿದ್ದಾರೆಂಬ ಖುಷಿ ಬೇರೆ. ಒಟ್ಟಿನಲ್ಲಿ ರಾಜ್ ಪುತ್ರರನ್ನು ಕಂಡ ಅವರ ಅಭಿಮಾನಿಗಳು ನಟರೊಂದಿಗೆ ಸೆಲ್ಫಿ ತೆಗೆದುಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ. ಇದನ್ನೂ ಓದಿ: ಮಗನ ಜೊತೆಗಿನ ಕ್ಯೂಟ್ ಸೆಲ್ಫಿ ಶೇರ್ ಮಾಡಿದ ನಟಿ ಮೇಘನಾ
View this post on Instagram
ಶಿವರಾಜ್ ಕುಮಾರ್ ಅವರು ತಮ್ಮ ತಂದೆ ರಾಜ್ ಕುಮಾರ್ ಅವರ ಅಚ್ಚುಮೆಚ್ಚಿನ ಆಳದ ಮರದ ಕೆಳಗಡೆ ಕುಳಿತು ಫೋಟೋ ತೆಗೆಸಿಕೊಂಡಿದ್ದಾರೆ. ಬಳಿಕ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇತ್ತ ಪವರ್ ಸ್ಟಾರ್ ಕೂಡ ತಮ್ಮ ಬಾಲ್ಯದ ಗೆಳೆಯರು ಹಾಗೂ ಅಲ್ಲಿನ ಹಿರಿಯರೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಂಡು ಸಂತಸ ಪಟ್ಟಿದ್ದಾರೆ.
ಒಟ್ಟಿನಲ್ಲಿ ಗಾಜನೂರಿನಲ್ಲಿ ದೊಡ್ಮನೆ ಮಕ್ಕಳು ಇಡೀ ದಿನ ಕಳೆದಿದ್ದು, ಸಂಭ್ರಮ ಮನೆ ಮಾಡಿತ್ತು. ಶೀಟುಂಗ್ ಸಮಯದಲ್ಲಿ ಬಿಡುವಿನ ವೇಳೆ ಡಾ. ರಾಜ್ ಕುಮಾರ್ ಕೂಡ ಆಗಾಗ ಗಾಜನೂರಿಗೆ ತೆರಳಿ ವಿಶ್ರಾಂತಿ ಪಡೆದಿದ್ದನ್ನು ಇಲ್ಲಿ ನಾವು ಸ್ಮರಿಸಿಕೊಳ್ಳಬಹುದಾಗಿದೆ.
