ಕೊರೊನಾ ನಿರ್ವಹಣೆಯಲ್ಲಿ ಕಾಂಗ್ರೆಸ್ ಸರ್ಕಾರಗಳು ಬೆಸ್ಟ್ – ಗುಜರಾತ್ ಮಾಡೆಲ್ ಬೆತ್ತಲಾಗಿದೆ ರಾಗಾ ವ್ಯಂಗ್ಯ

ನವದೆಹಲಿ : ಕೊರೊನಾ ನಿರ್ವಹಣೆಯಲ್ಲಿ ಮೋದಿ ಸರ್ಕಾರ ಎಡವಿದೆ ಎಂದು ಸಾಲು ಸಾಲು ಆರೋಪ ಮಾಡುತ್ತಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಇಂದು ಗುಜರಾತ್ ಮಾಡೆಲ್ ಬಗ್ಗೆ ಪ್ರಧಾನಿ ಮೋದಿ ಅವರನ್ನ ವ್ಯಂಗ್ಯ ಮಾಡಿದ್ದಾರೆ.

ಇಂದು ಈ ಸಂಬಂಧ ಟ್ವೀಟ್ ಮಾಡಿರುವ ಅವರು ಕೊರೊನಾ ನಿಯಂತ್ರಣದಲ್ಲಿ ಗುಜರಾತ್ ಸರ್ಕಾರ ವಿಫಲವಾಗಿದೆ. ಗುಜರಾತಿನಲ್ಲಿ ಕೊರೊನಾದಿಂದ ಸಾವನ್ನಪ್ಪಿದವರ ಸಂಖ್ಯೆ ಹೆಚ್ಚು ಕೊರೊನಾದಿಂದ ಸತ್ತವರ ಪ್ರಮಾಣ 6.25% ರಷ್ಟಿದೆ ಗುಜರಾತ್ ಗೆ ಹೋಲಿಸಿಕೊಂಡರೇ ಕಾಂಗ್ರೆಸ್ ಆಡಳಿತದ ರಾಜ್ಯಗಳು ಪರಿಸ್ಥಿತಿಯನ್ನು ಉತ್ತಮವಾಗಿ ನಿರ್ವಹಿಸುತ್ತಿದೆ ಎಂದಿದ್ದಾರೆ.

”Insanity is doing the same thing over and over again and expecting different results.” – Anonymous pic.twitter.com/tdkS3dK8qm

— Rahul Gandhi (@RahulGandhi) June 13, 2020

ಮಹಾರಾಷ್ಟ್ರ 3.73%, ರಾಜಸ್ಥಾನ 2.32%, ಪಂಜಾಬ್ 2.17%, ಪುದುಚೇರಿ 1.98%, ಜಾರ್ಖಂಡ್ 0.5%, ಛತ್ತೀಸ್ಗಢದಲ್ಲಿ 0.35% ರಷ್ಟು ಸಾವನ್ನಪ್ಪಿದ್ದಾರೆ. ಗುಜರಾತ್ ಮಾಡೆಲ್ ಈಗ ದೇಶದ ಮುಂದೆ ಬೆತ್ತಲಾಗಿದೆ ರಾಹುಲ್ ಗಾಂಧಿ ಟೀಕಿಸಿದ್ದಾರೆ.

Covid19 mortality rate:

Gujarat: 6.25%
Maharashtra: 3.73%
Rajasthan: 2.32%
Punjab: 2.17%
Puducherry: 1.98%
Jharkhand: 0.5%
Chhattisgarh: 0.35%

Gujarat Model exposed.https://t.co/ObbYi7oOoD

— Rahul Gandhi (@RahulGandhi) June 16, 2020

ಹೀಗೆ ಅಂಕಿ ಅಂಶಗಳ ಸಮೇತ ಗುಜರಾತ್ ಮಾಡೆಲ್ ಅನ್ನು ತರಾಟೆಗೆ ತೆಗೆದುಕೊಂಡಿರುವ ರಾಹುಲ್ ಗಾಂಧಿ ಹಿಂದೆ ಲಾಕ್‍ಡೌನ್ ವಿಫಲವಾಗಿದೆ ಎಂದು ಆರೋಪಿಸಿದ್ದರು. ಲಾಕ್‍ಡೌನ್ ಬಳಿಕವೂ ಕೊರೊನಾ ಸೋಂಕು ಗಣನೀಯವಾಗಿ ಬೆಳೆಯುತ್ತಿರುವ ಏಕೈಕ ದೇಶ ಭಾರತ ಎಂದು ಗ್ರಾಫ್ ಮೂಲಕ ಕೇಂದ್ರ ಸರ್ಕಾರದ ವಿರುದ್ಧ ಗುಡುಗಿದ್ದರು.

This lock down proves that:

“The only thing more dangerous than ignorance is arrogance.”
Albert Einstein pic.twitter.com/XkykIxsYKI

— Rahul Gandhi (@RahulGandhi) June 15, 2020