– ಮಹಿಳಾ ಚಾಲಕಿ ಕೆಲಸಕ್ಕೆ ವಿವಿಎಸ್ ಲಕ್ಷ್ಮಣ್ ಸಲಾಂ
ಹೈದರಾಬಾದ್: ಕೋವಿಡ್ ಸೋಂಕಿನಿಂದ ಚೇತರಿಸಿಕೊಂಡ ಕೊರೊನಾ ವಾರಿಯರನ್ನು 140 ಕಿಮೀ ಕ್ರಮಿಸಿ ಮಹಿಳಾ ಆಟೋ ಡ್ರೈವರ್ ಒಬ್ಬರು ಡ್ರಾಪ್ ಮಾಡಿರುವ ಘಟನೆ ಮಣಿಪುರದ ಇಂಪಾಲ್ನಲ್ಲಿ ನಡೆದಿದೆ.
ಕೊರೊನಾ ಸೋಂಕಿಗೆ ಒಳಗಾಗಿದ್ದ ನರ್ಸ್ ಒಬ್ಬರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿ ಬಿಡುಗಡೆಯಾಗಿದ್ದರು. ಆದರೆ ಅವರನ್ನು ಮನೆಗೆ ಡ್ರಾಪ್ ಮಾಡಲು ಸ್ಥಳೀಯ ವಾಹನ ಚಾಲಕರು ನಿರಾಕರಿಸಿದ್ದರು. ಈ ವೇಳೆ ವಾರಿಯರ್ ಸಹಾಯಕ್ಕೆ ಬಂದ ಮಹಿಳಾ ಆಟೋ ಚಾಲಕಿ ಎಚೆ ಲೈಬಿ ಒನಮ್, ರಾತ್ರಿ ವೇಳೆ ಸುಮಾರು 140 ಕಿಮೀ ಆಟೋ ಚಾಲನೆ ಮಾಡಿಕೊಂಡು ಹೋಗಿ ನರ್ಸ್ ಅವರನ್ನು ಮನೆ ತಲುಪಿಸಿದ್ದಾರೆ.
Eche Laibi Oinam,a lady auto-driver from Imphal,dropped a recovered Covid19 Nurse home driving 140 kms @ night after her discharge from a hospital even as others refused service.
She drove the entire night to drop the nurse safely at her destination.
Kudos to her selfless service pic.twitter.com/vzXCPMOFkh
— VVS Laxman (@VVSLaxman281) July 18, 2020
ಆಟೋ ಚಾಲಕಿ ಎಚೆ ಲೈಬಿ ಒನಮ್ ಅವರ ಈ ಕಾರ್ಯಕ್ಕೆ ಮೆಚ್ಚುಗೆ ಸೂಚಿಸಿರುವ ಟೀಂ ಇಂಡಿಯಾ ಮಾಜಿ ಆಟಗಾರ ವಿವಿಎಸ್ ಲಕ್ಷ್ಮಣ್, ಎಚೆ ಲೈಬಿ ಒನಮ್ ಅವರ ಫೋಟೋವನ್ನು ಟ್ವೀಟ್ ಮಾಡಿ ಘಟನೆ ಕುರಿತು ಮಾಹಿತಿ ನೀಡಿದ್ದಾರೆ. ಅಲ್ಲದೇ ಅವರ ನಿಸ್ವಾರ್ಥ ಸೇವೆಗೆ ಧನ್ಯವಾದ ತಿಳಿಸಿದ್ದಾರೆ.
