– ಬಿಷ್ಣೋಯ್ ಸ್ಪಿನ್ ಮೋಡಿ ವಾರ್ನರ್ ಪಡೆ ಕುಸಿತ
– 5ನೇ ಬಾರಿಗೆ ಶತಕದ ಜೊತೆಯಾಟವಾಡಿದ ಆರಂಭಿಕ ಆಟಗಾರರು
– ವಾರ್ನರ್, ಬೈರ್ಸ್ಟೋವ್ ಸ್ಫೋಟಕ ಆಟ
ದುಬೈ: ಇಂದು ದುಬೈ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಐಪಿಎಲ್-2020ಯ 22ನೇ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸನ್ ರೈಸರ್ಸ್ ಹೈದರಾಬಾದ್ ತಂಡ ಪಂಜಾಬ್ ತಂಡಕ್ಕೆ 202 ರನ್ಗಳ ದೊಡ್ಡ ಮೊತ್ತವನ್ನು ಟಾರ್ಗೆಟ್ ನೀಡಿದೆ..
ರೈಸರ್ಸ್ಗೆ ಸೂಪರ್ ಓಪನಿಂಗ್
ಆರಂಭಿಕರಾಗಿ ಕಣಕ್ಕಿಳಿದ ಡೇವಿಡ್ ವಾರ್ನರ್ ಮತ್ತು ಜಾನಿ ಬೈರ್ಸ್ಟೋವ್ ಅವರು ಉತ್ತಮ ಆರಂಭ ನೀಡಿದರು. ಐಪಿಎಲ್ನಲ್ಲಿ 5ನೇ ಬಾರಿಗೆ ಭರ್ಜರಿ ಶತಕದ ಜೊತೆಯಾಟವಾಡಿದ ಈ ಜೋಡಿ ಮೊದಲ ವಿಕೆಟ್ಗೆ 160 ರನ್ಗಳ ಕಾಣಿಕೆ ನೀಡಿತು. ವಾರ್ನರ್ 52 ಮತ್ತು ಬೈರ್ಸ್ಟೋವ್ 97 ರನ್ ಸಿಡಿಸಿ ಮಿಂಚಿದರು. ಆದರೆ 16ನೇ ಓವರಿನಲ್ಲಿ ಇಬ್ಬರು ಔಟ್ ಆದ ನಂತರ ಹೈದರಾಬಾದ್ ದಿಢೀರ್ ಕುಸಿತಕ್ಕೆ ಒಳಗಾಗಿತು. ನಂತರ ಬಂದ ಬ್ಯಾಟ್ಸ್ಮ್ಯಾನ್ಗಳು ಪೆವಿಲಯನ್ ಪೆರೇಡ್ ನಡೆಸಿದರು.
A solid 100-run partnership comes up between the @SunRisers openers.
Going strong and how ????????#Dream11IPL pic.twitter.com/BLCRRuQNc1
— IndianPremierLeague (@IPL) October 8, 2020
ಬಿಷ್ಣೋಯ್ ಬೌಲಿಂಗ್ ಮೋಡಿ
ವಾರ್ನರ್ ಮತ್ತು ಬೈರ್ಸ್ಟೋವ್ ಅವರ ಸ್ಫೋಟಕ ಬ್ಯಾಟಿಂಗ್ಗೆ ಪಂಜಾಬ್ ಬೌಲರ್ ಗಳು ತತ್ತರಿಸಿ ಹೋಗಿದ್ದರು. ಆದರೆ 16ನೇ ಓವರ್ ಬೌಲ್ ಮಾಡಿದ ರವಿ ಬಿಷ್ಣೋಯ್ ಅವರು ಒಂದೇ ಓವರಿನಲ್ಲಿ ಇಬ್ಬರು ಆರಂಭಿಕ ಜೋಡಿಯನ್ನು ಔಟ್ ಮಾಡಿ ಅದೇ ಓವರಿನಲ್ಲಿ 1 ರನ್ ನೀಡಿ ಪಂದ್ಯಕ್ಕೆ ಟ್ವಿಸ್ಟ್ ಕೊಟ್ಟರು. ಈ ಮೂಲಕ 230ರನ್ ಟಾರ್ಗೆಟ್ ನೀಡುವ ಹಂತದಲ್ಲಿದ್ದ ರೈಸರ್ಸ್ ತಂಡವನ್ನು ಪಂಜಾಬ್ ಕೊಂಚ ಕಟ್ಟಿ ಹಾಕಿತು. ಮೂರು ಓವರ್ ಬೌಲ್ ಮಾಡಿದ ಬಿಷ್ಣೋಯ್ ಮೂರು ವಿಕೆಟ್ ಪಡೆದು 29 ರನ್ ಬಿಟ್ಟುಕೊಟ್ಟರು. ಇವರಿಗೆ ಸಾಥ್ ನೀಡಿದ ಅರ್ಷ್ದೀಪ್ ಸಿಂಗ್ ಎರಡು ವಿಕೆಟ್ ಪಡೆದು ಮಿಂಚಿದರು.
An over to remember. Two BIG wickets in an over for Bishnoi.
Warner departs for 52 followed by the wicket of Bairstow who departs three short of the three-figure mark.#Dream11IPL pic.twitter.com/rxekDvBwEA
— IndianPremierLeague (@IPL) October 8, 2020
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ನಾಯಕ ಡೇವಿಡ್ ವಾರ್ನರ್ ಅವರು, ಆರಂಭಿಕರಾಗಿ ಕಣಕ್ಕಿಳಿದು ಜಾನಿ ಬೈರ್ಸ್ಟೋವ್ ಅವರ ಜೊತೆಗೆ ಹೈದರಾಬಾದ್ ತಂಡಕ್ಕೆ ಉತ್ತಮ ಆರಂಭ ನೀಡಿದರು. ಬೌಂಡರಿ ಸಿಕ್ಸರ್ ಸಿಡಿಸಿದ ಈ ಆರಂಭಿಕ ಜೋಡಿ 30 ಬಾಲಿಗೆ 50 ರನ್ಗಳ ಅರ್ಧಶತಕದ ಜೊತೆಯಾಟವಾಡಿತು. ಪರಿಣಾಮ ಪವರ್ ಪ್ಲೇ ಮುಕ್ತಾಯದ ವೇಳೆಗೆ ವಿಕೆಟ್ ಕಳೆದುಕೊಳ್ಳದೇ 57 ರನ್ ಸಿಡಿಸಿ ಹೈದರಾಬಾದ್ ತಂಡ ದೊಡ್ಡ ಮೊತ್ತ ಕಲೆ ಹಾಕುವ ಮನ್ಸೂಚನೆ ನೀಡಿತು.
FIFTY!
Warner joins the party. Brings up his half-century off 37 deliveries. This is his 46th IPL 50 and 9th in a row against #KXIP.#Dream11IPL pic.twitter.com/nSAwWymgnS
— IndianPremierLeague (@IPL) October 8, 2020
ಇದೇ ವೇಳೆ ಆರಂಭದಿಂದಲೂ ಅಬ್ಬರದ ಬ್ಯಾಟಿಂಗ್ ಮಾಡಿದ ಜಾನಿ ಬೈರ್ಸ್ಟೋವ್ ಅವರು 28 ಬಾಲಿಗೆ ಅರ್ಧಶತಕ ಸಿಡಿಸಿ ಮಿಂಚಿದರು. ಮೊದಲಿನಿಂದಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಜಾನಿ ಎರಡು ಸಿಕ್ಸರ್ ಮತ್ತು ಐದು ಬೌಂಡರಿ ಸಮೇತ ಭರ್ಜರಿ ಅರ್ಧಶತಕ ಹೊಡೆದರು. ಜೊತೆಗೆ 10 ಓವರ್ ಮುಕ್ತಾಯಕ್ಕೆ ಯಾವುದೇ ವಿಕೆಟ್ ಕಳೆದುಕೊಳ್ಳದೇ ಬ್ಯಾಟ್ ಬೀಸಿದ ಬೈರ್ಸ್ಟೋವ್ ಹಾಗೂ ವಾರ್ನರ್ ಶತಕದ ಜೊತೆಯಾಟವಾಡಿದರು. 60 ಬಾಲಿಗೆ 100 ರನ್ ಸಿಡಿಸಿದರು.
FIFTY!
Jonny Bairstow brings up his 5th IPL half-century off 28 deliveries.#Dream11IPL #SRHvKXIP pic.twitter.com/bsEsCBT8YQ
— IndianPremierLeague (@IPL) October 8, 2020
10 ಓವರಿನ ನಂತರ ಸ್ಫೋಟಕ ಆಟವಾಡಿದ ಬೈರ್ಸ್ಟೋವ್ ಮತ್ತು ವಾರ್ನರ್ 13 ಓವರ್ ಮುಕ್ತಾಯಕ್ಕೆ 138 ರನ್ ಸಿಡಿಸಿತು. ನಂತರ ನಾಯಕ ಡೇವಿಡ್ ವಾರ್ನರ್ ಅವರು ಕೂಡ 37 ಬಾಲಿಗೆ ಅರ್ಧಶತಕ ಸಿಡಿಸಿ ಮಿಂಚಿದರು. ಜೊತೆಗೆ ಆರಂಭಿಕ ಜೋಡಿ 83 ಬಾಲಿಗೆ 150 ರನ್ಗಳ ಜೊತೆಯಾಟವಾಡಿ ಮುನ್ನುಗಿತು. ಈ ವೇಳೆ 15ನೇ ಓವರಿನ ಮೊದಲನೇ ಬಾಲಿನಲ್ಲಿ ತಂಡ 160 ರನ್ ಗಳಿಸಿದ್ದಾಗ ನಾಯಕ ಡೇವಿಡ್ ವಾರ್ನರ್ ಅವರು 52 ರನ್ ಸಿಡಿಸಿ ಔಟ್ ಆದರು. ನಂತರ ಅದೇ ಓವರಿನಲ್ಲಿ 55 ಬಾಲಿಗೆ 97 ರನ್ ಸಿಡಿಸಿ ಆಡುತ್ತಿದ್ದ ಬೈರ್ಸ್ಟೋವ್ ರವಿ ಬಿಷ್ಣೋಯ್ ಅವರು ಬೌಲಿಂಗ್ ಮೋಡಿಗೆ ಔಟ್ ಆಗಿ ಪೆವಿಲಿಯನ್ ಸೇರಿದರು.
Bairstow's triple treat in one over.
Three boundaries in one Cottrell over. Runs for the taking for @jbairstow21.https://t.co/aM0mNNgKSI #Dream11IPL
— IndianPremierLeague (@IPL) October 8, 2020
ನಂತರ ಕಣಕ್ಕಿಳಿದ ಕನ್ನಡಿಗ ಮನೀಶ್ ಪಾಂಡೆಯವರು ಕೇವಲ ಒಂದು ರನ್ ಸಿಡಿಸಿ ಬಂದ ದಾರಿಗೆ ಸುಂಕ ಇಲ್ಲ ಎಂಬಂತೆ ವಾಪಸ್ ಆದರು. ನಂತರ ಮೂರು ಓವರಿನಲ್ಲಿ ಕಿಂಗ್ಸ್ ಇಲೆವೆನ್ ಬೌಲರ್ ಗಳು ಬಿಗಿವಿನ ಬೌಲಿಂಗ್ ದಾಳಿ ಮಾಡಿದರು. 16 ಮತ್ತು 17 ಓವರಿನಲ್ಲಿ ಕೇವಲ 5 ರನ್ ನೀಡಿದರು. ನಂತರ 18ನೇ ಓವರಿನಲ್ಲಿ ಅಬ್ದುಲ್ ಸಮದ್ ಅವರು ಇಲ್ಲದ ಹೊಡೆತಕ್ಕೆ ಕೈ ಹಾಕಿ ರವಿ ಬಿಷ್ಣೋಯ್ ಅವರಿಗೆ ಔಟ್ ಆದರು. ನಂತರ ಪ್ರಿಯಮ್ ಗರ್ಗ್ ಅವರು ಶೂನ್ಯಕ್ಕೆ ಔಟ್ ಆದರು.
