ಕಾರು ಅಪಘಾತದಲ್ಲಿ ಜನಪ್ರಿಯ ಟಿಕ್‍ಟಾಕ್ ಸ್ಟಾರ್ ದುರ್ಮರಣ

– ಇನ್‍ಸ್ಟಾಗ್ರಾಂನಲ್ಲಿ 4.32 ಲಕ್ಷ ಫಾಲೋವರ್ಸ್
– ಸಂತಾಪ ಸೂಚಿಸಿದ ಸ್ನೇಹಿತರು

ನವದೆಹಲಿ: ಜನಪ್ರಿಯ ಟಿಕ್‍ಟಾಕ್ ಸ್ಟಾರ್ ಪ್ರತೀಕ್ ಖಾತ್ರಿ ಕಾರು ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ.

ಪ್ರತೀಕ್ ಖಾತ್ರಿ ಮಂಗಳವಾರ ರಾತ್ರಿ ಮೃತಪಟ್ಟಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಮೃತ ಪ್ರತೀಕ್ ಟಿಕ್‍ಟಾಕ್ ಮತ್ತು ಇತರ ಹಲವಾರು ಪ್ಲಾಟ್‍ಫಾರ್ಮ್ ಗಳಲ್ಲಿ ತಮ್ಮ ವೀಡಿಯೋಗಳ  ಮೂಲಕ ಜನಪ್ರಿಯತೆ ಪಡೆದುಕೊಂಡಿದ್ದ. ಹೀಗಾಗಿ ಪ್ರತೀಕ್ ಸೋಷಿಯಲ್ ಮೀಡಿಯಾದಲ್ಲಿ ಖ್ಯಾತಿ ಗಳಿಸಿದ್ದರು. ತಮ್ಮ ಇನ್ಸ್ಟಾಗ್ರಾಮ್‍ನಲ್ಲಿ ಸುಮಾರು 4,32,000 ಪಾಲೋವರ್ಸ್ ಹೊಂದಿದ್ದರು.

ಪ್ರತೀಕ್ ಸಾವಿಗೆ ಅನೇಕ ಟಿಕ್‍ಟಾಕ್ ಸ್ಟಾರ್‌ಗಳು ಸಂತಾಪ ಸೂಚಿಸಿದ್ದಾರೆ. ಪ್ರತೀಕ್ ಖಾತ್ರಿ ಸ್ನೇಹಿತೆ ಆಶಿಕಾ ಭಾಟಿಯಾ ಮತ್ತು ಭಾವಿಕಾ ಕೂಡ ವಿಡಿಯೋಗಳು ಮೂಲಕ ಜನಪ್ರಿಯತೆ ಪಡೆದುಕೊಂಡಿದ್ದಾರೆ. ಇವರಿಬ್ಬರು ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಅವರೊಂದಿಗಿರುವ ಫೋಟೋವನ್ನು ಶೇರ್ ಮಾಡಿಕೊಳ್ಳುವ ಮೂಲಕ ಸಂತಾಪ ಸೂಚಿಸಿದ್ದಾರೆ.

ಆಶಿಕಾ ಭಾಟಿಯಾ, “ಪ್ರತೀಕ್ ಸಾವಿನ ಸುದ್ದಿಯನ್ನು ನಂಬುವುದು ಕಷ್ಟವಾಗಿದೆ” ಎಂದು ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಟಿಕ್‍ಟಾಕ್ ಖ್ಯಾತಿಯ ಅಮೀರ್ ಸಿದ್ದಿಕಿ ಕೂಡ ಪ್ರತೀಕ್ ಸಾವಿನ ಬಗ್ಗೆ ದುಃಖ ವ್ಯಕ್ತಪಡಿಸಿದ್ದಾರೆ.

https://www.instagram.com/p/CGCDCLrnjlV/?utm_source=ig_embed

“ಪ್ರತಿದಿನ ಎಚ್ಚರಗೊಳ್ಳುವುದು ಮತ್ತು ಕೆಲವು ದುಃಖದ ಸುದ್ದಿಗಳನ್ನು ನೋಡುವುದು ನಿಜಕ್ಕೂ ನೋವಾಗುತ್ತದೆ. ನನ್ನ ಸ್ನೇಹಿತ ಪ್ರತೀಕ್ ಖಾತ್ರಿ ನಿಧನದ ಸುದ್ದಿಯಿಂದ ನನಗೆ ಆಘಾತವಾಯಿತು. ಅಲ್ಲದೇ ಈ ಜೀವನದಲ್ಲಿ ಅನಿರೀಕ್ಷಿತವಾಗಿ ಏನೆಲ್ಲಾ ನಡೆಯುತ್ತದೆ. ಹೀಗಾಗಿ ಯಾವಾಗಲೂ ಎಚ್ಚರಿಕೆಯಿಂದ ಚಾಲನೆ ಮಾಡಿ. ಯಾಕೆಂದರೆ ನಿಮ್ಮವರಿಗಾಗಿ ನೀವು ಸುರಕ್ಷಿತವಾಗಿರಿ” ಎಂದು ನೋವಿನಿಂದ ಮನವಿ ಮಾಡಿಕೊಂಡಿದ್ದಾರೆ.

https://www.instagram.com/p/CGB_kEeFR9A/?utm_source=ig_embed