ಕಳೆದು ಹೋಗಿದ್ದ ರಿಂಗ್ ಸಿಕ್ಕಿದ್ದು ಹೇಗೆ ಗೊತ್ತಾ?

ಬಿಗ್‍ಬಾಸ್ ಮನೆಯ ಪ್ರಣಯದ ಪಕ್ಷಿಗಳಾಗಿದ್ದ ಅರವಿಂದ್ ಮತ್ತು ದಿವ್ಯಾ ಬಿಗ್‍ಬಾಸ್ ಮನೆಯಲ್ಲಿ ಸಖತ್ ಮುದ್ದಾಗಿ ಕಾಣಿಸಿಕೊಳ್ಳುತ್ತಾರೆ. ನಿನ್ನೆ ಬಿಗ್‍ಬಾಸ್ ನೀಡಿರುವ ಟಾಸ್ಕ್ ಅನ್ವಯವಾಗಿ ಪ್ರೀತಿ ಪಾತ್ರರಿಗೆ ಉಡುಗೊರೆಯನ್ನು ನಿಡಬೇಕಾಗಿತ್ತು. ಆಗ ದಿವ್ಯಾ ಅರವಿಂದ್ ಅವರಿಗೆ ತಮ್ಮ ತಂದೆ ಕೊಟ್ಟ್ ಉಂಗುರವನ್ನು ನೀಡಿದ್ದರು.

ನಾನು ತುಂಬಾ ಮಾತನಾಡಲ್ಲ. ಮಾತಿಲ್ಲದೇ ಅವಳಿಗೆ ಅರ್ಥ ಮಾಡಿಕೊಳ್ಳುತ್ತಾಳೆ ಎಂದು ಪ್ರೀತಿಯಿಂದ ಅರವಿಂದ್ ಅವರು ದಿವ್ಯಾಗೆ ಬಲೂನ್ ಕೊಟ್ಟಿದ್ದಾರೆ. ಅರವಿಂದ್ ಜೀವ ಪರ್ಯಂತ ನನ್ನ ಜೊತೆಗೆ ಇರಬೇಕು. ನಾನು ನನ್ನ ಅಪ್ಪಾಜಿ ಕೊಟ್ಟಿರುವ ರಿಂಗ್ ಅನ್ನು ಅರವಿಂದ್‍ಗೆ ಕೊಡುತ್ತೇನೆ ಎಂದು ದಿವ್ಯಾ ಹೇಳುತ್ತಿರುವಾಗ ಅರವಿಂದ್ ಕಣ್ಣೀರು ಹಾಕಿದ್ದಾರೆ. ದಿವ್ಯಾ ತನ್ನ ಕೈಯಲ್ಲಿರುವ ಉಂಗುರವನ್ನು ತೆಗೆದು ಅರವಿಂದ್ ಅವರಿಗೆ ಹಾಕಿ ಪ್ರೀತಿಯಿಂದ ಇಬ್ಬರು ತಬ್ಬಿಕೊಂಡಿದ್ದಾರೆ.

ಪ್ರೀತಿಯಿಂದ ದಿವ್ಯಾ ಕೊಟ್ಟ ಉಂಗುರವನ್ನು ಅರವಿಂದ್ ಖುಷಿಯಿಂದ ಹಾಕ್ಕೋತಾರೆ. ಸ್ವಲ್ಪ ಹೊತ್ತಾದ ಮೇಲೆ ನೋಡಿದರೆ ಕೈಬೆರಳಲ್ಲಿರೋ ಉಂಗುರ ಕಾಣ್ತಾ ಇಲ್ಲ. ಅರವಿಂದ್ ಇಡೀ ಮನೆ ಹುಡುಕಾಡಿದ್ದಾರೆ. ಸಿಕ್ಕಿದ್ದನ್ನೆಲ್ಲಾ ಜಾಲಾಡ್ತಾರೆ. ಇದು ಗೊತ್ತಾಗಿ ಮನೆಯವರೆಲ್ಲಾ ರಿಂಗ್ ಹುಡುಕುವುದಕ್ಕೆ ಅರವಿಂದ್‍ಗೆ ಸಹಾಯ ಮಾಡ್ತಾರೆ. ಪ್ರತಿಯೊಬ್ಬರು ಉಂಗುರವನ್ನು ಹುಡುಕಿದ್ದಾರೆ ಯಾರಿಗೂ ಸಿಕ್ಕಿಲ್ಲ.

ಅಲ್ಲೇ ಕೂತಿರೋ ದಿವ್ಯಾಗೆ ಏನಾಗ್ತಿದೆ ಅಂತ ಯಾರೂ ಹೇಳ್ತಿಲ್ಲ. ಹುಡುಕ್ತಾ ಇರುವಷ್ಟೂ ಹೊತ್ತು ಅರವಿಂದ್ ಕಣ್ಣು ಒದ್ದೆಯಾಗಿದೆ. ರಿಂಗ್ ಹುಡುಕಿ ಸಿಗದೆ ಇದ್ದಾಗ. ನಾನು ನೀನು ಕೊಟ್ಟಿರುವ ಉಂಗುರವನ್ನು ಕೆಳೆದುಕೊಂಡಿದ್ದೇನೆ. ಆದರೆ ಹುಡುಕುತ್ತೇನೆ ಎಂದು ದಿವ್ಯಾಗೆ ಹೇಳುವಾಗ ದಿವ್ಯಾ ಮಾತ್ರ ಏನು ಮಾತನಾಡದೆ ಸುಮ್ಮನೇ ಕುಳಿತಿದ್ದಾರೆ. ಅರವಿಂದ್ ಅಳುವುದನ್ನು ಕಂಡ ದಿವ್ಯಾ ಬೇಡಾ ನೀವು ಅಳಬೇಡಿ ನನಗೆ ಬೇಜಾರ್ ಇಲ್ಲ ಎಂದು ಹೇಳಿ ಸಮಾಧಾನ ಮಾಡಿದ್ದಾರೆ. ಅರವಿಂದ್ ಕಣ್ಣಂಚಲಿ ನೀರು ತುಂಬಿಕೊಂಡಿತ್ತು.

ಅರವಿಂದ್ ಇಡೀ ಮನೆಯಲ್ಲಿ ಜಾಲಾಡಿದ್ದಾರೆ. ಮನೆಯ ಸ್ಪರ್ಧಿಗಳು ಒಂದು ಟಾಸ್ಕ್ ನಂತೆ ಎಲ್ಲರೂ ಒಟ್ಟಾಗೆ ಸೇರಿ ಹುಡುಕಿದ್ದಾರೆ. ಯಾರಿಗೂ ರಿಂಗ್ ಸಿಗದೆ ಇದ್ದಾಗ ಅರವಿಂದ್ ಕ್ಯಾಮೆರಾ ಮುಂದೆ ನಿಂತು ಬಿಗ್‍ಬಾಸ್ ರಿಂಗ್ ಕಾಣುತ್ತಿಲ್ಲ. ಕ್ಯಾಮೆರಾ ಕಣ್ಣಿಗೆ ಏನಾದರೂ ಬಿದ್ದಿದ್ದರೆ ಹೇಳಿ ಎಂದು ಮನವಿ ಮಾಡಿದ್ದಾರೆ. ಸ್ವಲ್ಪ ಸಮಯದ ನಂತರ ಅರವಿಂದ್ ಓಡಿ ಹೋಗಿ ಮತ್ತೆ ದಿವ್ಯಾ ಬಳಿ ಬಂದಿದ್ದಾರೆ. ಆಗ ಕಳೆದು ಹೋಗಿದ್ದ ರಿಂಗ್ ಸಿಕ್ಕಿರುವ ವಿಚಾರವನ್ನು ಹೇಳಿದ್ದಾರೆ.

ನಾನು ಕ್ರೀಮ್ ಹಾಕಿಕೊಳ್ಳುತ್ತಿರುವಾಗ ನನ್ನ ಒಳ ಉಡುಪಿನಲ್ಲಿ ಸಿಕ್ಕಿಕೊಂಡಿತ್ತು. ಇದೀಗ ಸಿಕ್ಕಿದೆ ಎಂದು ಹೇಳುತ್ತಾ ಇಬ್ಬರು ತಬ್ಬಿಕೊಂಡಿದ್ದಾರೆ. ಇದನ್ನು ನಿನ್ನ ಹತ್ರ ಇಟ್ಟ್ಕೊಂಡಿರು ನಾನು ಮತ್ತೆ ನಿನ್ನಿಂದ ತಗೊಳ್ಳತ್ತೇನೆ ಎಂದು ಅರವಿಂದ್ ದಿವ್ಯಾಗೆ ಹೇಳಿದ್ದಾರೆ.

ದಿವ್ಯಾ, ಅರವಿಂದ್ ಜೋಡಿ ಬಿಗ್‍ಬಾಸ್ ನೀಡಿದ ಜೋಡಿ ಟಾಸ್ಕ್ ನಿಂದ ಜೊತೆಯಾಗಿರುವ ಈ ಜೋಡಿ ಬಿಟ್ಟು ಹೋಗುವಂತೆ ಕಾಣುತ್ತಿಲ್ಲ. ಪ್ರತಿ ನಿತ್ಯ ಒಂದಲ್ಲ ಒಂದು ವಿಚಾರವಾಗಿ ಸುದ್ದಿಯಾಗುತ್ತಿದ್ದಾರೆ. ಇದೀಗ ಇಬ್ಬರು ಕಳೆದು ಹೋಗಿದ್ದ ರಿಂಗ್ ಸಿಕ್ಕಿರುವ ಖುಷಿಯಲ್ಲಿದ್ದಾರೆ.