ಮುಂಬೈ: ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಹಾಗೂ ಸೈಫ್ ಅಲಿ ಖಾನ್ ತಮ್ಮ ಎರಡನೇ ಮಗುವಿನ ಹೆಸರು ಹಾಗೂ ಫೋಟೋವನ್ನು ಇಲ್ಲಿಯವರೆಗೂ ಬಹಿರಂಗ ಪಡಿಸಿರಲಿಲ್ಲ. ಆದರೆ ಇದೀಗ ಕರೀನಾ ಕಪೂರ್ ತಂದೆ ರಣ್‍ಧೀರ್ ಕಪೂರ್‍ರವರು ಮಗುವಿನ ಮೊದಲ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.
ರಣ್‍ಧೀರ್ ಕಪೂರ್‍ರವರು ತಮ್ಮ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಮಗುವಿನ ಫೋಟೋ ಶೇರ್ ಮಾಡಿಕೊಂಡಿದ್ದು, ಮಗು ನೋಡಲು ತೈಮೂರ್ ಅಲಿ ಖಾನ್ ರೀತಿಯೇ ಇರುವುದನ್ನು ಕಾಣಬಹುದಾಗಿದೆ. ಬಳಿಕ ಆದ್ಯಾಕೋ ರಣ್‍ಧೀರ್ ಕಪೂರ್ ಅವರು ಫೋಟೋವನ್ನು ಸೋಶಿಯಲ್ ಮೀಡಿಯಾದಿಂದ ತಕ್ಷಣಕ್ಕೆ ರಿಮೂವ್ ಮಾಡಿದ್ದಾರೆ. ಆದರೂ ಅಭಿಮಾನಿಗಳು ಮಗುವಿನ ಫೋಟೋವನ್ನು ಶೀಘ್ರವೇ ಸೇವ್ ಮಾಡಿಕೊಂಡು ವೈರಲ್ ಮಾಡಿದ್ದಾರೆ.
ಈ ಮುನ್ನ ಮಹಿಳಾ ದಿನಾಚರಣೆ ದಿನದಂದು ಕರೀನಾ ತಮ್ಮ ಎರಡನೇ ಮಗುವಿನ ಮೊದಲ ಫೋಟೋವನ್ನು ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದರು. ಫೋಟೋದಲ್ಲಿ ಮಗುವನ್ನು ಎತ್ತಿಕೊಂಡಿರುವುದನ್ನು ನೋಡಬಹುದಾಗಿದೆ.
View this post on Instagram
