ಐದು ತಿಂಗಳಿಂದ ವಿಧವಾ ವೇತನ ನೀಡದ ಸರ್ಕಾರ: ಲಾಕ್‍ಡೌನ್ ಸಂಕಷ್ಟದಲ್ಲಿ ವೃದ್ಧರು

Public TV
1 Min Read
RCR Pension 1

ರಾಯಚೂರು: ಲಾಕ್‍ಡೌನ್ ಹಿನ್ನೆಲೆ ಬಹುತೇಕ ಎಲ್ಲಾ ಕೆಲಸಗಳಿಗೂ ಪೂರ್ಣವಿರಾಮ ಬಿದ್ದಿದೆ. ಇಂತಹ ಸಂದರ್ಭದಲ್ಲಿ ವಿಧವಾ ವೇತನ ,ವೃದ್ಧಾಪ್ಯ ವೇತನ , ಕಲಾವಿದರ ಪಿಂಚಣಿಯನ್ನ ಸರ್ಕಾರ ಸರಿಯಾಗಿ ನೀಡದೆ ತಡೆಹಿಡಿದಿರುವುದು ಬಡವರಿಗೆ, ವಯೋವೃದ್ಧರು, ಮಹಿಳೆಯರಿಗೆ ಸಂಕಷ್ಟದ ಪರಿಸ್ಥಿತಿ ತಂದೊಡ್ಡಿದೆ. ರಾಯಚೂರು ಜಿಲ್ಲಾಧಿಕಾರಿ ಕಚೇರಿ ಎದುರು ವಿಧವಾ ವೇತನ ನೀಡುವಂತೆ ಮಹಿಳೆಯರು ಪ್ರತಿಭಟನೆ ಮಾಡಿದರು.

RCR Pension 2 medium

ಐದು ತಿಂಗಳಿಂದ ವಿಧವಾ ವೇತನವಿಲ್ಲದೆ ಮಹಿಳೆಯರು, ವೃದ್ಧೆಯರು ಪರದಾಡುತ್ತಿದ್ದಾರೆ. ಲಾಕ್‍ಡೌನ್ ನಿಂದ ಕೆಲಸವೂ ಇಲ್ಲದೆ ಯಾವ ಆದಾಯವೂ ಇಲ್ಲದಂತಾಗಿದೆ. ಒಂದೆಡೆ ಕೆಲಸವೂ ಇಲ್ಲ, ಇನ್ನೊಂದೆಡೆ ವಿಧವಾ ವೇತನವೂ ಇಲ್ಲದೆ ಸಂಕಷ್ಟ ಎದುರಿಸುತ್ತಿದ್ದಾರೆ. ಕಳೆದ 5 ತಿಂಗಳಿಂದ ವಿಧವಾ ವೇತನ ನೀಡದೆ ಸರ್ಕಾರ ನಿರ್ಲಕ್ಷ್ಯ ವಹಿಸಿದೆ. ಹೀಗಾಗಿ ವಿಧವಾ ವೇತನ ನೀಡುವಂತೆ ಜಿಲ್ಲಾಧಿಕಾರಿ ಕಚೇರಿಗೆ ಬಂದು ಮಹಿಳೆಯರು ಮನವಿ ಸಲ್ಲಿಸಿದರು.

RCR Pension 3 medium

ಲಾಕ್‍ಡೌನ್ ಹಿನ್ನೆಲೆ ಓಡಾಡಲು ಆಗದೇ ವೃದ್ಧರು ಮನೆಯಲ್ಲೇ ಕಷ್ಟ ಅನುಭವಿಸುತ್ತಿದ್ದಾರೆ. ಸರ್ಕಾರ ನಮ್ಮ ಕಷ್ಟವನ್ನ ಅರ್ಥಮಾಡಿಕೊಂಡು ಕೂಡಲೇ ವೇತನ ಬಿಡುಗಡೆ ಮಾಡಬೇಕು ಅಂತ ಮಹಿಳೆಯರು ಜಿಲ್ಲಾಧಿಕಾರಿ ಮೂಲಕ ಸರ್ಕಾರಕ್ಕೆ ಒತ್ತಾಯಿಸಿದರು.

Share This Article
Leave a Comment

Leave a Reply

Your email address will not be published. Required fields are marked *