ಎಲಿಮಿನೇಟ್ ಭಯದಲ್ಲಿ ಬಿಗ್ ಬಾಸ್ ಸ್ಪರ್ಧಿಗಳು

ಬೆಡ್‍ರೂಂ ಕಳೆದುಕೊಂಡ ಮನೆಯ ಸದಸ್ಯರು, ಸೊಳ್ಳೆ ಕಾಟ ಚಳಿಯಲ್ಲಿ ಎಲ್ಲಿ ಜಾಗ ಸಿಗುತ್ತದೆ ಎಂದು ಹುಡುಕಿ ಒಬ್ಬರು ಒಂದೊಂದು ಕಡೆ ಮಲಗಿ ನಿದ್ರೆಗೆ ಜಾರಿದ್ದರು. ಕೆಲವರು ನಿದ್ದೆ ಬಾರದೆ ಮಧ್ಯರಾತ್ರಿಯವರೆಗೆ ಮಾತನಾಡುತ್ತಾ ಕುಳಿತಿದ್ದರು. ಬಿಗ್‍ಬಾಸ್ ಸಾಂಗ್‍ನೊಂದಿಗೆ ದಿನವನ್ನು ಆರಂಭಿಸಿದ ಮನೆ ಮಂದಿ ಈ ವಾರ ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗಿರುವ ಸ್ಪರ್ಧಿಗಳು ಎಲಿಮಿನೇಶನ್ ಕುರಿತಾಗಿ ಮಾತನಾಡಿಕೊಳ್ಳುತ್ತಿದ್ದಾರೆ.

ದಿವ್ಯಾ ಉರುಡುಗ ಮತ್ತು ಅರವಿಂದ್ ನಾಮಿನೇಷನ್ ಕುರಿತಾಗಿ ಮಾತನಾಡಿಕೊಳ್ಳುತ್ತಿದ್ದಾರೆ. ನನ್ನ, ನಿಮ್ಮ ಹೆಸರು ಇರುತ್ತದೆ ಎಂದು ನಾನು ಅಂದುಕೊಂಡಿದ್ದೇನೆ ಹಾಗೆ ಆಗಿದೆ ಎಂದು ದಿವ್ಯ ಹೇಳಿದ್ದಾರೆ. ಈ ವೇಳೆ ಅರವಿಂದ್ ಹೌದು ನಮ್ಮ ಹತ್ತಿರದವರೆ ನಮ್ಮ ಹೆಸರನ್ನು ಸೂಚಿಸಿದ್ದಾರೆ. ಯಾರು ಅಂದುಕೊಂಡು ಇರುತ್ತೇವೊ ಅವರು ನಾಮಿನೇಟ್ ಮಾಡುವುದಿಲ್ಲ, ಮಾಡುವುದಿಲ್ಲ ಅಂದು ಕೊಂಡಿರುತ್ತಾರೋ ಅವರು ಮಾಡುತ್ತಾರೆ ಎಂದು ಹೇಳಿಕೊಂಡು ಇಬ್ಬರು ಮಾತ ನಾಡಿಕೊಂಡಿದ್ದಾರೆ. ಮೂರನೇ ವಾರದ ಎಲಿಮಿನೇಟ್ ಭಯ ಮನೆಯ ಸದಸ್ಯರಿಗೆ ಆರಂಭವಾಗಿದೆ.

ದಿವ್ಯ, ವಿಶ್ವ ತುಂಬಾ ಸ್ಟ್ರಾಂಗ್ ಕಂಟೆಸ್ಟಂಟ್ ಅವರು ಇಬ್ಬರು ಚಿಕ್ಕವರು ಹೊಂದಿಕೊಂಡು ಚೆನ್ನಾಗಿ ಆಡುತ್ತಾರೆ ಎಂದು ಅರವಿಂದ್ ಹೇಳಿದ್ದಾರೆ. ಹೌದು ನಿಧಿ ಮತ್ತು ಶಮಂತ್ ಕೂಡಾ ಚೆನ್ನಾಗಿ ಆಡುತ್ತಾರೆ ಎನ್ನಿಸುತ್ತಿದೆ ನಾವು ಮಾತ್ರ ಚೆನ್ನಾಗಿ ಆಟ ಆಡಬೇಕು ಎಂದು ದಿವ್ಯಾ ಹೇಳಿದ್ದಾರೆ. ದಿವ್ಯ ಮತ್ತು ಅರವಿಂದ್ ಇಬ್ಬರು ನಾವು ಸೇಫ್ ಆಗಬೇಕು ಎಂದು ಇಬ್ಬರು ಸೇರಿ ಗೇಮ್ ಪ್ಲ್ಯಾನ್ ಮಾಡಿದ್ದಾರೆ.

ಮನೆಯ ಸದಸ್ಯರು ತಮ್ಮನ್ನು ತಾವು ಬಚಾವ್ ಮಾಡಿಕೊಳ್ಳಲು ಗೇಮ್ ಪ್ಲ್ಯಾನ್ ಮಾಡುತ್ತಿದ್ದಾರೆ. ಈ ವಾರದ ಎಲಿಮಿನೇಷನ್ ಪ್ರಕ್ರಿಯೆಯಿಂದ ತಪ್ಪಿಸಿಕೊಳ್ಳಲು ಒಬ್ಬೊಬ್ಬರು ಒಂದು ರೀತಿಯ ಮಾಸ್ಟರ್ ಪ್ಲ್ಯಾನ್ ಮಾಡುತ್ತಿದ್ದಾರೆ. ಎಲ್ಲರ ನಗು ಮುಖದ ಹಿಂದೆ ನಾವು ಮಾತ್ರ ಸೇಫ್ ಆಗಬೇಕು ಎನ್ನುವುದು ಇದೆ. ಎಲ್ಲರ ಹಿಂದೆ ನಿಂತು ಆಟ ಆಡಿಸುವ ಬಿಗ್‍ಬಾಸ್ ಇವರ ಆಟವನ್ನು ನೋಡಿ ಸಖತ್ ಎಂಜಾಯ್ ಮಾಡುತ್ತಿದ್ದಾರೆ.