ತಿರುವನಂತಪುರ: ಇಂಗ್ಲಿಷ್ ಭಾಷೆ ಜ್ಞಾನ ವಿಷಯದಲ್ಲಿ ಶಶಿ ತರೂರ್ ಪ್ರತಿಭಾನ್ವಿತ ವ್ಯಕ್ತಿ ಎನ್ನುವುದು ಎಲ್ಲರಿಗೂ ತಿಳಿದ ವಿಚಾರ. ಆದರೆ ಈಗ ಅವರ ಹೆಸರನ್ನು ದುರ್ಬಳಕೆ ಮಾಡಿ ಪ್ರಚಾರಕ್ಕೆ ಪಡೆಯಲು ಆ್ಯಪ್ ಕಂಪನಿ ಮುಂದಾಗಿದೆ.
ತಮ್ಮ ಹೆಸರು ಮತ್ತು ಫೋಟೋವನ್ನು ದುರ್ಬಳಕೆ ಮಾಡಿ ಇಂಗ್ಲಿಷ್ ಕಲಿಸಲು ಮುಂದಾದ ಆ್ಯಪ್ ವಿರುದ್ಧ ಕಾಂಗ್ರೆಸ್ ಸಂಸದ ಶಶಿ ತರೂರ್ ಈಗ ಗರಂ ಆಗಿದ್ದಾರೆ.
This has been drawn to my attention by many unwitting students who were misled by this app. I wish to make it clear that I have NO connection to this app &have NOT endorsed it in any way. I will take legal action to stop the misuse of my name & image for commercial purposes. pic.twitter.com/C2dZhP47dd
— Shashi Tharoor (@ShashiTharoor) March 22, 2021
ಇಂಗ್ಲಿಷ್ ಕಲಿಕಾ ಆ್ಯಪ್ ಒಂದು ಶಶಿ ತರೂರ್ ರೀತಿಯಲ್ಲಿ ಸುಲಲಿತವಾಗಿ ಇಂಗ್ಲಿಷ್ ಮಾತನಾಡಲು ಕಲಿಸಿಕೊಡುವುದಾಗಿ ಪ್ರಚಾರ ಮಾಡಿ ಇದೀಗ ಸಂಕಷ್ಟಕ್ಕೆ ಒಳಗಾಗಿದೆ. ಈ ಕುರಿತು ಪ್ರತಿಕ್ರಿಯಿಸಿದ ತರೂರ್, ನನಗೂ ಈ ಆ್ಯಪ್ಗೂ ಯಾವುದೇ ಸಂಬಂಧವಿಲ್ಲ. ನನ್ನ ಹೆಸರು ಮತ್ತು ಫೋಟೋವನ್ನು ಬಳಸಿಕೊಂಡು ಮಕ್ಕಳನ್ನು ದಾರಿ ತಪ್ಪಿಸುವುದರೊಂದಿಗೆ ನನ್ನ ಅನುಮತಿ ಇಲ್ಲದೆ ವಾಣಿಜ್ಯ ಬಳಕೆಗೆ ನನ್ನ ಹೆಸರು ಮತ್ತು ಛಾಯಚಿತ್ರವನ್ನು ಬಳಸಿಕೊಂಡ ಈ ಆ್ಯಪ್ ವಿರುದ್ಧ ನಾನು ಕಾನೂನು ರೀತಿ ಕ್ರಮ ಕೈಗೊಳ್ಳುತ್ತೇನೆಂದು ಟ್ವೀಟ್ ಮಾಡಿದ್ದಾರೆ.
ಬ್ಲ್ಯಾಕ್ ಬೋರ್ಡ್ ರೇಡಿಯೋ ಎಂಬ ಇಂಗ್ಲಿಷ್ ಕಲಿಕಾ ಆ್ಯಪ್ ತನ್ನ ಪ್ರಚಾರಕ್ಕಾಗಿ ಶಶಿ ತರೂರ್ ಅವರ ಫೋಟೋ ಹಾಗೂ ಹೆಸರನ್ನು ಬಳಸಿಕೊಳ್ಳುತ್ತಿದ್ದಂತೆ ಸಾಮಾಜಿಕ ಜಾಲತಾಣದಲ್ಲಿ ವಿವಿಧ ರೀತಿಯಲ್ಲಿ ಶಶಿ ತರೂರ್ ಅವರನ್ನು ನೆಟ್ಟಿಗರು ಟ್ರೋಲ್ ಮಾಡುತ್ತಿದ್ದಾರೆ.
