ಆಸ್ಟ್ರೇಲಿಯಾದಲ್ಲಿ ಧೋನಿ ಬ್ಯಾಟ್‍ನಿಂದ ಸಿಡಿದ ಸಿಕ್ಸರ್‌ಗಳ ವೀಡಿಯೋ ನೋಡಿ

ಸಿಡ್ನಿ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಇಂದು 40ನೇ ಹುಟ್ಟುಹಬ್ಬದ ಸಂಭ್ರಮ ಆಚರಿಸಿಕೊಂಡಿದ್ದಾರೆ. ಈ ಸಂದರ್ಭ ಮಾಹಿಗೆ ಕ್ರಿಕೆಟ್ ಆಸ್ಟ್ರೇಲಿಯಾ ಅವರ ನೆಲದಲ್ಲಿ ಮಾಹಿ ಸಿಡಿಸಿದ ಅತೀ ದೂರದ ಸಿಕ್ಸ್ ಗಳನ್ನು ನೆನಪಿಸುವ ವೀಡಿಯೋ ಒಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿ ಶುಭಾಶಯ ಕೋರಿದೆ.

ಧೋನಿ ವಿಶ್ವ ಕ್ರಿಕೆಟ್ ಕಂಡ ಚಾಣಾಕ್ಷ ನಾಯಕ, ಉತ್ತಮ ಗೇಮ್ ಫಿನಿಶರ್ ಮತ್ತು ವಿಕೆಟ್ ಹಿಂದೆ ಜಾದುಮಾಡುವ ಆಟಗಾರ. ಇದರೊಂದಿಗೆ ಧೋನಿ ತಂಡಕ್ಕೆ ಸಂಕಷ್ಟ ಎದುರಾದಾಗ ಏಕಾಂಗಿಯಾಗಿ ಮುಂದೆ ನಿಂತು ಗೆಲ್ಲಿಸಿಕೊಡಬಲ್ಲ ಶಕ್ತಿ ಹೊಂದಿದ್ದರು. ಅದಲ್ಲದೆ ಧೋನಿ ಬ್ಯಾಟ್‍ನಿಂದ ಅದ್ಭುತ ಎನಿಸುವಂತಹ ಬಾನೆತ್ತರದ ಸಿಕ್ಸ್ ಗಳು ಕೂಡ ಕಾಣಸಿಗುತ್ತಿದ್ದವು. ಧೋನಿಗೆ ಭಾರತ ಸೇರಿದಂತೆ ವಿಶ್ವದಾದ್ಯಂತ ಅಭಿಮಾನಿಗಳಿದ್ದಾರೆ. ಇಂದು ಧೋನಿ 40ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ ಆ ಪ್ರಯುಕ್ತ ಕ್ರಿಕೆಟ್ ಆಸ್ಟ್ರೇಲಿಯಾ, ಧೋನಿ ಆಸ್ಟ್ರೇಲಿಯಾ ನೆಲದಲ್ಲಿ ಸಿಡಿಸಿದ ಅದ್ಭುತ ಸಿಕ್ಸರ್‌ಗಳ ವೀಡಿಯೋ ಒಂದನ್ನು ಪೋಸ್ಟ್ ಮಾಡುವ ಮೂಲಕ ಶುಭ ಹಾರೈಸಿದೆ.

As MS Dhoni enjoys his birthday, you can enjoy some of his biggest hits on Aussie soil.

— cricket.com.au (@cricketcomau) July 7, 2021

ಧೋನಿ ಎಲ್ಲಾ ಮಾದರಿಯ ಕ್ರಿಕೆಟ್‍ನಿಂದ ಆಸ್ಟ್ರೇಲಿಯಾ ನೆಲದಲ್ಲಿ 60 ಸಿಕ್ಸ್ ಸಿಡಿಸಿದ್ದಾರೆ. ಅದರಲ್ಲೂ 2012ರಲ್ಲಿ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡ ಭಾರತ ಏಕದಿನ ಪಂದ್ಯವೊಂದರಲ್ಲಿ ಕ್ಲಿಂಟ್ ಮೆಕೆ ಬೌಲಿಂಗ್‍ನಲ್ಲಿ ಧೋನಿ ಸಿಡಿಸಿದ ಸಿಕ್ಸ್ ಅಭಿಮಾನಿಗಳ ಕಣ್ಣಂಚಲ್ಲಿ ಹಾಗೆ ಉಳಿದುಕೊಂಡಿದೆ. ಇದನ್ನೂ ಓದಿ: ಧೋನಿ ಹುಟ್ಟು ಹಬ್ಬಕ್ಕೆ ಟ್ಯಾಟೂ ಹಾಕಿಸಿಕೊಂಡ ಅಭಿಮಾನಿ

Happy birthday skip ???????????? @msdhoni pic.twitter.com/ydUQXb7ZzK

— Virat Kohli (@imVkohli) July 7, 2021

ಧೋನಿ ಹುಟ್ಟು ಹಬ್ಬದ ಪ್ರಯುಕ್ತ ಬಿಸಿಸಿಐ, ಐಸಿಸಿ, ಸಚಿನ್ ತೆಂಡೂಲ್ಕರ್, ವಿರಾಟ್ ಕೊಹ್ಲಿ, ಸುರೇಶ್ ರೈನಾ, ವೀರೇಂದ್ರ ಸೆಹ್ವಾಗ್, ಇಶಾಂತ್ ಶರ್ಮಾ, ಸೇರಿದಂತೆ ಸಾವಿರಾರು ಹಾಲಿ ಹಾಗೂ ಮಾಜಿ ಆಟಗಾರರು ಶುಭಾ ಹಾರೈಸಿದ್ದಾರೆ.