ಅವಧಿ ಮೀರಿದ ಮಾತ್ರೆಗಳಿಂದ ತಯಾರಾದ ದುರ್ಗಾ ದೇವಿ

– ಕಲಾವಿದನ ಕಲೆಗೆ ನೆಟ್ಟಿಗರು ಫಿದಾ

ಡಿಸ್ಪುರ್: ಇಡೀ ಜಗತ್ತು ಕೊರೊನಾ ವೈರಸ್ ನಿಂದ ನಲುಗಿ ಹೋಗಿದೆ. ಈ ವೈರಸ್ ನಿಂದ ಹೋರಾಡಲು ಪ್ರತಿಯೊಬ್ಬರಿಗೂ ಶಕ್ತಿ ನೀಡಲು ಅಸ್ಸಾಂ ಮೂಲದ ವ್ಯಕ್ತಿಯೊಬ್ಬರು ಅವಧಿ ಮೀರಿದ ಮಾತ್ರೆಗಳು ಹಾಗೂ ಇಂಜೆಕ್ಷನ್ ಬಾಟ್ಲಿಗಳಿಂದ ದುರ್ಗಾ ದೇವಿಯ ವಿಗ್ರಹವನ್ನು ತಯಾರಿಸಿದ್ದಾರೆ.

ವ್ಯಕಿಯನ್ನು ಸಂಜೀಬ್ ಬಸಾಕ್ ಎಂದು ಗುರುತಿಸಲಾಗಿದ್ದು, ಇವರು ಧುಬ್ರಿ ಜಿಲ್ಲಾಡಳಿದ ಉದ್ಯೋಗಿಯಾಗಿದ್ದಾರೆ. ಇವರು ಕಳೆದ ಕೆಲವು ವರ್ಷಗಳಿಂದ ವಿವಿಧ ರೀತಿಗಳಲ್ಲಿ ವಿಗ್ರಹಗಳನ್ನು ವಿನ್ಯಾಸಗೊಳಿಸುವುದು ಹಾಗೂ ಪರಿಸರ ಸ್ನೇಹಿ ವಿಚಾರಗಳನ್ನು ಮಂಡಿಸಿದ್ದಾರೆ. ಆದರೆ ಈ ವರ್ಷ ಕೋವಿಡ್ 19 ಬಿಕ್ಕಟ್ಟಿನ ಮಧ್ಯೆ ಹೊಸದೇನಾದರೂ ಮಾಡಬೇಕು ಎಂದು ಬಯಸಿದ್ದರು. ಸರ್ಕಾರಿ ನೌಕರ ತಯಾರಿಸಿದ ದೇವಿ ವಿಗ್ರಹ ಫೋಟೋಗಳು ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಅಲ್ಲದೆ ವ್ಯಕ್ತಿಯ ಕಲೆಗೆ ನೆಟ್ಟಿಗರು ಭೇಷ್ ಎಂದಿದ್ದಾರೆ.

ಲಾಕ್‍ಡೌನ್ ಸಮಯದಲ್ಲಿ ಜನಸಾಮಾನ್ಯರು ಔಷಧಿಗಳನ್ನು ಕೊಂಡುಕೊಳ್ಳಲು ಮೆಡಿಕಲ್ ಗಳ ಮುಂದೆ ಜನ ಸಾಲುಗಟ್ಟಿ ನಿಂತಿರುವುದನ್ನು ಗಮನಿಸಿದ್ದೆ. ಈ ಹಿನ್ನೆಲೆಯಲ್ಲಿ ಔಷಧಿಗಳಿಂದ ದುರ್ಗಾ ದೇವಿಯ ವಿಗ್ರಹವನ್ನು ತಯಾರಿಸುವ ಆಲೋಚನೆ ಮಾಡಿದೆ ಎಂದು ಬಸಾಕ್ ತಿಳಿಸಿದ್ದಾರೆ.

Assam: Sanjib Basak, an artist from Dhubri has made an idol of Goddess Durga by using expired medicines.

He says, "This year too, I've tried to make a unique idol. Since everyone is thinking about #COVID19 treatment, I decided to make the idol using medicines." (24.10.2020) pic.twitter.com/zcrZOkdtKm

— ANI (@ANI) October 24, 2020

ಕಳೆದ ವರ್ಷ ಇವರು ವಿದ್ಯುತ್ ವಯರ್ ಗಳಿಂದ ತಯಾರಿಸಿದ್ದರು. ಬಸಾಕ್ ಅವರು ಈ ವಿಗ್ರಹ ತಯಾರಿಸಲು ಸುಮಾರು 5 ತಿಂಗಳು ತೆಗೆದುಕೊಂಡಿದ್ದಾರೆ. ಸುಮಾರು 40 ಸಾವಿರ ಮಾತ್ರೆಗಳು ಹಾಗೂ ವಿವಿಧ ಬಣ್ಣಗಳ ಇಂಜೆಕ್ಷನ್ ಬಾಟ್ಲಿಗಳ ಮೂಲಕ ಅವರ ಕಲ್ಪನೆಗೆ ಆಕಾರ ನೀಡಿದ್ದಾರೆ.

ಆರಂಭದಲ್ಲಿ ಕೆಲಸದ ಒತ್ತಡ ಹಾಗೂ ಕಟ್ಟುನಿಟ್ಟಾದ ಕೊರೊನಾ ನಿಯಮಗಳಿಂದ ವಿಗ್ರಹ ತಯಾರಿಸಲು ಸಾಧ್ಯವಾಗಿರಲಿಲ್ಲ. ಕೊನೆಗೆ ಅವಧಿ ಮೀರಿದ ಮಾತ್ರೆಗಳಿಂದ ದೇವಿ ವಿಗ್ರಹ ತಯಾರಿಸಲು ಪ್ಲಾನ್ ಮಾಡಿದೆ ಎಂದರು. ಮಾತ್ರೆಗಳನ್ನು ಅಂಟಿಸಲು ಪೇಪರ್ ಹಾಗೂ ಥರ್ಮೋಕಾಲ್ ಗಳನ್ನು ಬಳಸಿರುವುದಾಗಿಯೂ ಬಸಾಕ್ ವಿವರಿಸಿದ್ದಾರೆ.