‘ಅಮೃತಾ ಅಪಾರ್ಟ್‍ಮೆಂಟ್ಸ್’ ರೋಚಕ ಟೀಸರ್ ರಿಲೀಸ್

– ಥ್ರಿಲ್ಲರ್, ಸಸ್ಪೆನ್ಸ್ ಚಿತ್ರ ಅಮೃತಾ ಅಪಾಟ್ಮೆಂಟ್ಸ್

ಬೆಂಗಳೂರು: ಹೆಸರೇ ಹೇಳುವಂತೆ ‘ಅಮೃತಾ ಅಪಾರ್ಟ್‍ಮೆಂಟ್ಸ್’ ಅಪಾರ್ಟ್‍ಮೆಂಟ್ಸ್ ಅನ್ನು ಕೇಂದ್ರೀಕರಿಸಿ ತಯಾರಾದ ಫ್ಯಾಮಿಲಿ ಥ್ರಿಲ್ಲರ್ ಚಿತ್ರ. ಸಿನಿಮಾ ಬಗ್ಗೆ ಭಾರೀ ಚರ್ಚೆ ನಡೆಯುತ್ತಿರುವಾಗಲೇ, ‘ಅಮೃತಾ ಅಪಾರ್ಟ್‍ಮೆಂಟ್ಸ್’ನ ಎದೆ ಝಲ್ ಎನಿಸುವ ಆಕರ್ಷಕ ಟೀಸರ್ ಹಾಗೂ ಪೋಸ್ಟರ್ ರಿಲೀಸ್ ಆಗಿದೆ.

ಮೈಸೂರಿನ ಹುಡುಗ, ಉತ್ತರ ಭಾರತದ ಹುಡುಗಿ ಪಾತ್ರಧಾರಿ ಪ್ರೇಮಿಗಳು ಅಪಾರ್ಟ್‍ಮೆಂಟ್‍ಗೆ ಬಂದಾಗ ಮುಂದೆ ಊಹಿಸಲಾಗದ ಘಟನೆ ನಡೆಯುತ್ತೆ. ಅದುವೇ ಕಥೆಯ ಮೂಲವಾಗಿ ವಿಚಿತ್ರಗಳು ನಡೆಯುತ್ತೆ. ವಿಶೇಷ ಕಥೆಯನ್ನು ರಚಿಸಿ, ನಿರ್ದೇಶಿಸಿ ಚಿತ್ರಕ್ಕೆ ಬಂಡವಾಳವನ್ನೂ ಹಾಕಿರುವುದು ಈ ಹಿಂದೆ ಮೂರು ಚಿತ್ರಗಳನ್ನ ನಿರ್ಮಾಣ ಮಾಡಿರುವ ಅನುಭವಿರುವ ಗುರುರಾಜ ಕುಲಕರ್ಣಿ.

‘ಅಮೃತಾ ಅಪಾರ್ಟ್‍ಮೆಂಟ್ಸ್’ ಚಿತ್ರದಲ್ಲಿ ಉತ್ತಮ ಕಲಾವಿದರ ದಂಡಿದ್ದು ತಾರಕ್ ಪೊನ್ನಪ್ಪ, ಊರ್ವಶಿ ಗೋವರ್ಧನ್, ಮಾನಸ ಜೋಶಿ ಮುಂತಾದವರು ಅಭಿನಯಿಸಿದ್ದಾರೆ. ಎಸ್.ಡಿ.ಅರವಿಂದ್ ಸಂಗೀತವಿದೆ. ಸುನಿಲ್ ಆರ್.ಡಿ ಹಾಗೂ ನರಸಿಂಹ ಕುಲಕರ್ಣಿ ಸಹ ನಿರ್ಮಾಣ ಮಾಡಿದ್ದಾರೆ. ಈಗಾಗ್ಲೇ ರಿಲೀಸ್ ಆದ ಟೀಸರ್ ಚಿತ್ರದ ಮೇಲಿನ ಕುತೂಹಲ ಹೆಚ್ಚಿಸಿದೆ.