ಹನುಮನಿಗಾಗಿ ಏಳು ಅಡಿ ಎತ್ತರದ ಶ್ರೀರಾಮನ ರಾಖಿ ಸಿದ್ಧ

ಚಂಡೀಗಢ: ರಕ್ಷಾ ಬಂಧನ ಹಿನ್ನೆಲೆಯಲ್ಲಿ ಚಂಡೀಗಢದಲ್ಲಿ ಮಹಿಳೆಯರ ಗುಂಪೊಂದು ಏಳು ಅಡಿ ಎತ್ತರದ ಪರಿಸರ ಸ್ನೇಹಿ ಶ್ರೀರಾಮನ ರಾಖಿ ತಯಾರಿಸಿದ್ದು, ಇದನ್ನು ಇಲ್ಲಿಯ ಹನುಮಾನ ಮಂದಿರಕ್ಕೆ ನೀಡಲು ನಿರ್ಧರಿಸಿದ್ದಾರೆ.

ಸ್ಥಳೀಯ ನಿವಾಸಿ ಮೀನಾ ತಿವಾರಿ ನೇತೃತ್ವದಲ್ಲಿ ಮಹಿಳೆಯರ ಗುಂಪು ಕಳೆದ ಹದಿನೈದು ದಿನಗಳಿಂದ ಈ ಏಳು ಅಡಿ ಉದ್ದದ ರಾಖಿ ತಯಾರಿಸಿದ್ದಾರೆ. ಪ್ರತಿ ನಿತ್ಯ ಎರಡ್ಮೂರು ಗಂಟೆ ಕಾಲ ರಾಖಿ ತಯಾರಿಸುತ್ತಿದ್ದರು.

ಈ ವಿಶೇಷ ರಾಖಿಯಲ್ಲಿ ರಾಮನ ದೊಡ್ಡ ಭಾವಚಿತ್ರವಿದ್ದು, ಇದಕ್ಕೆ ರುದ್ರಾಕ್ಷಿಗಳು, ಕೃತಕ ಹೂಗಳು ಮತ್ತು ರಿಬ್ಬನ್ ಗಳಿಂದ ಅಲಂಕಾರ ಮಾಡಲಾಗಿದೆ. ಈ ವರ್ಷ ಆಗಸ್ಟ್ 3 ರಂದು ರಕ್ಷಾ ಬಂಧನ ಹಬ್ಬವನ್ನು ಆಚರಿಸಲಾಗುತ್ತದೆ.

ಚಂಡೀಗಢದಲ್ಲಿರುವ 32 ಅಡಿ ಉದ್ದದ ಹನುಮಾನ್ ಮೂರ್ತಿಯ ಬಲಗೈ ಈ ರಾಖಿಯನ್ನು ಕಟ್ಟಲಾಗುವುದು. ನಾವು ಪ್ರತಿವರ್ಷ ರಾಖಿಯನ್ನು ತಯಾರಿಸುತ್ತೇವೆ. ಆದರೆ ಈ ಬಾರಿ ವಿಶೇಷವಾಗಿ ಈ ರಾಖಿಯನ್ನು ತಯಾರಿಸಿದ್ದೇವೆ ಎಂದು ಮೀನಾ ತಿವಾರಿ ತಿಳಿಸಿದ್ದಾರೆ.

Chandigarh women prepare 7-feet-long eco-friendly rakhi for Lord Hanuman's statue

Read @ANI Story | https://t.co/RxmTOjpior pic.twitter.com/78NqR0eusc

— ANI Digital (@ani_digital) August 2, 2020