Connect with us

Cinema

ವಿಶ್ವ ಸಾಗರ ದಿನ- ಬಿಕಿನಿ ತೊಟ್ಟು ತಿಮಿಂಗಿಲದ ಜೊತೆ ಈಜಿದ ಕತ್ರಿನಾ

Published

on

– ಸಾಗರದೊಳಗೆ ವಿಹರಿಸಿದ ಸೋನಾಕ್ಷಿ

ಮುಂಬೈ: ಸೋಮವಾರ ಇದ್ದ ವಿಶ್ವ ಸಾಗರ ದಿನದ ಅಂಗವಾಗಿ ಬಿಕಿನಿ ತೊಟ್ಟು ಬಾಲಿವುಡ್ ನಟಿ ಕತ್ರಿನಾ ಕೈಫ್ ತಿಮಿಂಗಿಲದ ಜೊತೆ ಈಜಿದ ವಿಡಿಯೋ ಸಖತ್ ವೈರಲ್ ಆಗಿದೆ.

ಜೂನ್ 8ರಂದು ನಡೆದ ವಿಶ್ವ ಸಾಗರದ ದಿನದ ಅಂಗವಾಗಿ ತಾವು ತಿಮಿಂಗಿಲದ ಜೊತೆಗೆ ಈಜಿದ ಹಿಂದಿನ ಒಂದು ವಿಡಿಯೋವನ್ನು ತಮ್ಮ ಇನ್‍ಸ್ಟಾಗ್ರಾಮ್ ಕತ್ರಿನಾ ಕೈಫ್ ಅವರು ಹಂಚಿಕೊಂಡಿದ್ದಾರೆ. ಇವರ ಜೊತೆ ನಟಿ ಸೋನಾಕ್ಷಿ ಸಿನ್ಹಾ ಕೂಡ ಸಾಗರದ ಒಳಗೆ ವಿಹರಿಸಿದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ಬಿಳಿ ಬಣ್ಣದ ಬಿಕಿನಿ ತೊಟ್ಟು 2016 ಫಿಲಿಪೈನ್ ಬೀಚಿನಲ್ಲಿ ನಟಿ ಕತ್ರಿನಾ ಕೈಫ್ ತಿಮಿಂಗಿಲದ ಜೊತೆ ಈಜಿದ್ದಾರೆ. ಈ ಹಳೆಯ ವಿಡಿಯೋವನ್ನು ಕತ್ರಿನಾ ವಿಶ್ವ ಸಾಗರ ದಿನದ ಅಂಗವಾಗಿ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ ನನ್ನ ಅಂತ್ಯಂತ ನಂಬಲಾಗದ ಸ್ನೇಹಿತನೊಂದಿಗೆ ಸಾಗರದಲ್ಲಿ ಒಂದು ಸುಂದರ ಕ್ಷಣ ಎಂದು ಬರೆದುಕೊಂಡಿದ್ದಾರೆ. ಕತ್ರಿನಾ ಅವರ ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.

ಇದರ ಜೊತೆಗೆ ವಿಶ್ವ ಸಾಗರ ದಿನದ ಅಂಗವಾಗಿ ನಟಿ ಸೋನಾಕ್ಷಿ ಸಿನ್ಹಾ ಕೂಡ ಸಾಗರದ ಒಳಗೆ ವಿಹಾರ ಮಾಡಿದ್ದು, ನಮ್ಮ ದೈನಂದಿನ ಜೀವನದಲ್ಲಿ ಸಾಗರದ ಪ್ರಮುಖ ಪಾತ್ರವನ್ನು ನೆನಪಿಸಿಕೊಂಡು ಈ ಸಾಗರದ ದಿನವನ್ನು ಆಚರಿಸಬೇಕು. ಸಾಗರ ನಮ್ಮ ಭೂಮಿಯ ಶ್ವಾಸಕೋಶವಿದ್ದಂತೆ. ಅದು ನಮಗೆ ಹೆಚ್ಚಿನ ಆಮ್ಲಜನಕವನ್ನು ಒದಗಿಸುತ್ತವೆ. ಸಮುದ್ರದ ಸೌಂದರ್ಯ ಮತ್ತು ಸಂಪತ್ತನ್ನು ಒಟ್ಟಿಗೆ ಆಚರಿಸುವ ದಿನವಿದು ಎಂದು ಸೋನಾಕ್ಷಿ ಬರೆದುಕೊಂಡಿದ್ದಾರೆ.

ಈ ಇಬ್ಬರ ಜೊತೆಗೆ ಬಾಲಿವುಡ್‍ನ ಮತ್ತೋರ್ವ ನಟಿ ಭೂಮಿ ಪೆಡ್ನೇಕರ್ ಅವರು ಕೂಡ ವಿಶ್ವ ಸಾಗರ ದಿನದ ಅಂಗವಾಗಿ ಇನ್‍ಸ್ಟಾಗ್ರಾಮ್‍ನಲ್ಲಿ ಪೋಸ್ಟ್ ಹಾಕಿಕೊಂಡಿದ್ದಾರೆ. ಭೂಮಿ ಸಮುದ್ರದ ದಡದಲ್ಲಿ ನಿಂತು ಫೋಟೋಶೂಟ್ ಮಾಡಿಸುತ್ತಿರುವ ವಿಡಿಯೋವನ್ನು ಹಂಚಿಕೊಂಡಿದ್ದು, ನಾನು ಸಾಗರದಲ್ಲಿ ಇರುವುದನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ಜೊತೆಗೆ ಅಲ್ಲಿ ಫೋಟೋ ಕ್ಲಿಕ್ ಮಾಡಿಸಿಕೊಳ್ಳುವುದನ್ನು ತಂಬ ಮಿಸ್ ಮಾಡಿಕೊಳ್ಳುತ್ತೇನೆ ಎಂದು ಬರೆದು ವಿಶ್ವ ಸಾಗರ ದಿನ ಎಂಬ ಹ್ಯಾಶ್‍ಟ್ಯಾಗ್ ಹಾಕಿಕೊಂಡಿದ್ದಾರೆ.

Click to comment

Leave a Reply

Your email address will not be published. Required fields are marked *