Connect with us

Corona

ಲಾಕ್‍ಡೌನ್‍ನಲ್ಲಿ ಮನೆಯಲ್ಲಿ ಸ್ನೇಹಿತನಿಗೆ ಜಾಗ ಕೊಟ್ಟ ಪತಿ – ಆತನ ಜೊತೆಗೇ ಓಡೋದ್ಲು ಪತ್ನಿ

Published

on

– ಕೊರೊನಾ ಸಂಕಷ್ಟದಲ್ಲಿ ಸಹಾಯ ಮಾಡಿದ್ದೆ ತಪ್ಪಾಯ್ತು
– 2 ತಿಂಗಳ ಪ್ರೀತಿಗಾಗಿ 20 ವರ್ಷದ ಸ್ನೇಹಕ್ಕೆ ಮೋಸ

ತಿರುವನಂತಪುರಂ: ವಿಶ್ವವ್ಯಾಪಿ ಅಟ್ಟಹಾಸ ಮೆರೆಯುತ್ತಾ ಲಕ್ಷಾಂತರ ಜೀವಗಳನ್ನು ಬಲಿ ಪಡೆದಿರುವ ಕೊರೊನಾ ವೈರಸ್ ಕರಿನೆರಳು ಈಗ ವೈವಾಹಿಕ ಸಂಬಂಧಗಳ ಮೇಲೂ ಬಿದ್ದಿದೆ. ಕೊರೊನಾ ಲಾಕ್‍ಡೌನ್‍ನಿಂದ ಊರಿಗೆ ಹೋಗಲು ಸಾಧ್ಯವಾಗದೆ ಪರದಾಡುತ್ತಿದ್ದ ಸ್ನೇಹಿತನಿಗೆ ವ್ಯಕ್ತಿಯೋರ್ವ ತನ್ನ ಮನೆಯಲ್ಲಿಯೇ ಆಶ್ರಯ ಕೊಟ್ಟಿದ್ದ. ಆದರೆ ಸ್ನೇಹಿತ ಮಾತ್ರ ವ್ಯಕ್ತಿಯ ಪತ್ನಿಯನ್ನೇ ಪ್ರೀತಿಸಿ ಆಕೆಯ ಜೊತೆ ಓಡಿಹೋಗಿದ್ದಾನೆ.

ಕೇರಳದ ಇಡುಕ್ಕಿ ಜಿಲ್ಲೆಯ 32 ವರ್ಷದ ಲೋಥಾರಿಯೋ ಎರ್ನಾಕುಲಂನಲ್ಲಿ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ. ಮಾರ್ಚ ತಿಂಗಳಲ್ಲಿ ಲಾಕ್‍ಡೌನ್ ಫೋಷಿಸಿದ ವೇಳೆ ಊರಿಗೆ ವಾಪಸ್ ಹೋಗಲು ಆಗದೆ ಮುವಾಟ್ಟುಪುಳದಲ್ಲಿ ಸಿಲುಕಿಕೊಂಡಿದ್ದ. ಆಗ ವ್ಯಕ್ತಿಗೆ 20 ವರ್ಷದ ನಂತರ ಆತನ ಬಾಲ್ಯದ ಸ್ನೇಹಿತನ ಸಂಪರ್ಕ ಸಿಕ್ಕಿತು. ಮುವಾಟ್ಟುಪುಳದಲ್ಲಿ ಇದ್ದ ಸ್ನೇಹಿತನನ್ನು ಸಂಪರ್ಕಿಸಿ ಸಹಾಯ ಕೇಳಿದ್ದನು.

ಈ ವೇಳೆ ಸ್ನೇಹಿತ ಆತನಿಗೆ ತನ್ನ ಮನೆಯಲ್ಲಿಯೇ ಇರಲು ಆಶ್ರಯ ಕೊಟ್ಟಿದ್ದನು. ಸ್ನೇಹಿತನ ಮನೆಯಲ್ಲಿ ಆತ ತನ್ನ ಪತ್ನಿ ಹಾಗೂ ಇಬ್ಬರು ಮಕ್ಕಳ ಜೊತೆ ವಾಸವಾಗಿದ್ದನು. ಏಪ್ರಿಲ್ ಅಂತ್ಯದವರೆಗೂ ಊಟ ವಸತಿ ನೀಡಿದ್ದನು. ಆದರೆ ಏಪ್ರಿಲ್ ನಂತರ ಎರ್ನಾಕುಲಂ ಕೊರೊನಾ ಮುಕ್ತವಾಗಿ ಗ್ರೀನ್ ಝೋನ್‍ಗೆ ಬಂದಿತ್ತು. ಹೀಗಾಗಿ ಅಲ್ಲಿ ಲಾಕ್‍ಡೌನ್ ಸೆಡಿಲಿಕೆ ಮಾಡಲಾಗಿತ್ತು. ಆದರೂ ಲೋಥಾರಿಯೋ ವಾಪಸ್ ತೆರಳದಿದ್ದಾಗ ಸ್ನೇಹಿತನಿಗೆ ಅನುಮಾನ ಮೂಡಿತ್ತು. ಆ ಬಳಿಕ ಸ್ವಲ್ಪ ದಿನದಲ್ಲೇ ಲೋಥಾರಿಯೋ ಸ್ನೇಹಿತನ ಪತ್ನಿ ಜೊತೆ ಇಬ್ಬರು ಮಕ್ಕಳನ್ನು ಕರೆದುಕೊಂಡು ಓಡಿ ಹೋಗಿದ್ದನು. ಆಗ ಸ್ನೇಹಿತನ ಜೊತೆ ತನ್ನ ಪತ್ನಿ ಓಡಿಹೋಗಿರುವುದಾಗಿ ಪತಿ ಪೊಲೀಸರಿಗೆ ದೂರು ನೀಡಿದ್ದನು.

ದೂರಿನ ಅನ್ವಯ ಪೊಲೀಸರು ತನಿಖೆ ಆರಂಭಿಸಿದಾಗ ಓಡಿ ಹೋಗಿದ್ದ ಲೋಥಾರಿಯೋ ಸ್ನೇಹಿತನ ಪತ್ನಿ ಹಾಗೂ ಮಕ್ಕಳ ಜೊತೆ ವಾಪಸ್ ಬಂದಿದ್ದ. ಈ ವೇಳೆ ಸ್ನೇಹಿತ ತನ್ನ ಪತ್ನಿಯನ್ನು ಕ್ಷಮಿಸಿ ಮಕ್ಕಳೊಂದಿಗೆ ಮನೆಗೆ ಕರೆದುಕೊಂಡು ಹೋಗಿದ್ದನು. ಆದರೆ ಕಳೆದ ವಾರ ಮತ್ತೆ ಮಕ್ಕಳನ್ನು ಕರೆದುಕೊಂಡು ಪತ್ನಿ ಲೋಥಾರಿಯೋ ಜೊತೆ ಪತಿ ತನ್ನ ಹೆಸರಲ್ಲಿ ಖರೀದಿಸಿದ್ದ ಕಾರಿನಲ್ಲಿಯೇ ಓಡಿಹೋಗಿದ್ದಾಳೆ. ಮನೆಯಲ್ಲಿದ್ದ ತನ್ನ ಬಂಗಾರದ ಒಡವೆಗಳನ್ನು ದೋಚಿಕೊಂಡು ಪ್ರೇಮಿ ಜೊತೆ ಪರಾರಿಯಾಗಿದ್ದಾಳೆ ಎಂದು ಪೊಲೀಸರು ಹೇಳಿದ್ದಾರೆ.

Click to comment

Leave a Reply

Your email address will not be published. Required fields are marked *