ನವದೆಹಲಿ: ಗಾಜಿಯಾಬಾದ್‍ನ ಇಂದಿರಾಪುರಂ ಪ್ರದೇಶದ ಜೈಪುರಿಯಾ ಶಾಂಪಿಂಗ್ ಮಾಲ್‍ನಲ್ಲಿ ಭೀಕರ ಬೆಂಕಿ ಅವಘಡ ಸಂಭವಿಸಿದೆ.
ಘಟನೆ ಕುರಿತಂತೆ ಮಾಹಿತಿ ದೊರೆತ ಮೇರೆಗೆ ಕೂಡಲೇ ಸ್ಥಳಕ್ಕೆ ಅಗ್ನಿಶಾಮಕ ದಳ ಆಗಮಿಸಿ ಬೆಂಕಿನಾಂದಿಸುವ ಕಾರ್ಯ ನಡೆಸುತ್ತಿದ್ದಾರೆ. ಬೆಂಕಿ ಹೊತ್ತಿಕೊಳ್ಳಲು ಕಾರಣವೇನು ಎಂಬುವುದ ಕುರಿತಂತೆ ಸದ್ಯ ಯವುದೇ ಮಾಹಿತಿ ದೊರೆತಿಲ್ಲ.
ಶಾಪಿಂಗ್ ಮಾಲ್ ಹೆಚ್ಚು ಭಾಗ ಬೆಂಕಿಗಾಹುತಿಯಾಗಿದ್ದು, ಮಾಲ್ ಒಳಗೆ ಎಷ್ಟು ಜನ ಸಿಲುಕಿಕೊಂಡಿದ್ದಾರೆ ಎಂಬುದರ ಬಗ್ಗೆ ಯಾವುದೇ ಮಾಹಿತಿ ದೊರೆತಿಲ್ಲ. ಮೊದಲಿಗೆ ಮಾಲ್‍ನಲ್ಲಿ ನಡೆಯುತ್ತದ್ದ ಔತಣಕೂಟದೊಳಗೆ ಬೆಂಕಿ ಕಾಣಿಸಿಕೊಂಡಿದ್ದು, ಬಳಿಕ ಮಾಲ್ ಸುತ್ತ ಆವರಿಸಿದೆ ಎಂದು ಹೇಳಲಾಗುತ್ತಿದೆ.
ಘಟನೆ ಕುರಿತ ವೀಡಿಯೋವನ್ನು ಮಾಲ್ ಸುತ್ತಮುತ್ತಲಿದ್ದ ಅನೇಕ ಮಂದಿ ಸೆರೆಹಿಡಿದು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
