Connect with us

Bollywood

ಪತ್ನಿ, ಪುತ್ರನ ಜೊತೆ ಹೊರ ಬಂದ ಸೈಫ್‍ಗೆ ಪೊಲೀಸರ ಸೂಚನೆ

Published

on

ಮುಂಬೈ: ಪತ್ನಿ ಕರೀನಾ ಕಪೂರ್, ಪುತ್ರ ತೈಮೂರ ಜೊತೆ ಕಡಲ ಕಿನಾರೆಗೆ ಬಂದ ನಟ ಸೈಫ್ ಅಲಿ ಖಾನ್‍ಗೆ ಪೊಲೀಸರು ಸಲಹೆ ನೀಡಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಕಾನೂನುಗಳು ಎಲ್ಲರಿಗೂ ಒಂದೇ ಎಂಬ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ.

ಲಾಕ್‍ಡೌನ್ ಹಿನ್ನೆಲೆ ಮನೆಯಲ್ಲಿ ಬಂಧಿಯಾಗಿದ್ದ ಜನ ಹೊರಗಡೆ ಸುತ್ತಾಡುತ್ತಿದ್ದಾರೆ. ಅಂತೆಯೇ ಸದಾ ಮನೆಯಿಂದ ಹೊರ ಇರುತ್ತಿದ್ದ ಸೆಲೆಬ್ರಿಟಿಗಳನ್ನು ಕೊರೊನಾ ಮನೆಯಲ್ಲಿ ಕಟ್ಟಿ ಹಾಕಿದೆ. ಸದ್ಯ ಚಿತ್ರೀಕರಣಗಳು ಆರಂಭಗೊಳ್ಳದಿದ್ದರೂ ಹೊರಗಡೆ ಸುತ್ತಾಡಲು ಸರ್ಕಾರ ನಿಯಮಗಳನ್ನ ಸಡಿಲಿಕೆ ಮಾಡಿದೆ.

ಲಾಕ್‍ಡೌನ್ ಸಡಿಲಿಕೆ ಆಗಿದ್ದರಿಂದ ನಟ ಸೈಫ್ ಅಲಿ ಖಾನ್ ಕುಟುಂಬದ ಜೊತೆ ಮುಂಬೈನ ಮರೀನ್ ಡ್ರೈವ್ ಬಳಿಯ ಕಡಲ ಕಿನಾರೆಗೆ ಬಂದಿದ್ದರು. ಈ ವೇಳೆ ಸ್ಥಳದಲ್ಲಿದ್ದ ಪೊಲೀಸ್ ಅಧಿಕಾರಿ ಮಕ್ಕಳನ್ನು ಹೊರಗಡೆ ಕರೆದುಕೊಂಡು ಬರಬಾರದು ಅಂತ ಸಲಹೆ ನೀಡಿದ್ದಾರೆ.

ಕೊರೊನಾ ವೈರಸ್ ಆತಂಕದ ಹಿನ್ನೆಲೆಯಲ್ಲಿ ಸರ್ಕಾರ ಕೆಲ ಕಟ್ಟುನಿಟ್ಟಿನ ಕ್ರಮಗಳನ್ನು ಜಾರಿಗೊಳಿಸಿದೆ. 10 ವರ್ಷದೊಳಗಿನ ಮಕ್ಕಳು, 60 ವರ್ಷ ಮೇಲ್ಪಟ್ಟ ಹಿರಿಯರು, ಗರ್ಭಿಣಿಯರಿಗೆ ಮನೆಯಿಂದ ಹೊರ ಬರದಂತೆ ಲಾಕ್‍ಡೌನ್ ಮಾರ್ಗಸೂಚಿಯಲ್ಲಿ ಸೂಚಿಸಿದೆ.

Click to comment

Leave a Reply

Your email address will not be published. Required fields are marked *