ದಿವ್ಯಾ ಸುರೇಶ್‍ರನ್ನೇ ಮದ್ವೆಯಾಗ್ತೀರಾ…?- ಅಭಿಮಾನಿಗಳ ಪ್ರಶ್ನೆಗೆ ಮಂಜು ಖಡಕ್ ಉತ್ತರ

ಬಿಗ್‍ಬಾಸ್ ಸ್ಪರ್ಧಿಮಂಜು ಪಾವಗಡ ಅವರು ತಮ್ಮ ಅಧಿಕೃತ ಇನ್‍ಸ್ಟಾಗ್ರಾಂ ಖಾತೆಯಲ್ಲಿ ಲೈವ್ ಬಂದಿದ್ದರು. ಆಗ ದಿವ್ಯಾ ಸುರೇಶ್ ಮತ್ತು ಮಂಜು ಮದುವೆ ಕುರಿತಾಗಿ ಇಂಟ್ರೆಸ್ಟಿಂಗ್ ಮಹಿತಿಯನ್ನು ಬಿಚ್ಚಿಟ್ಟಿದ್ದಾರೆ.

ನಿಮ್ಮ ನೆಚ್ಚಿನ ಕಾಮಿಡಿಯನ್, ನಿಮ್ಮ ಮುಂದಿನ ಪ್ರಾಜೆಕ್ಟ್ ಯಾವುದು, ಬಿಗ್‍ಬಾಸ್ ಕುರಿತಾಗಿ ಹೀಗೆ ಹಲವು ಪ್ರಶ್ನೆಗಳನ್ನು ಕೇಳಿದ ಅಭಿಮಾನಿಗಳು ಬಿಗ್‍ಬಾಸ್ ಮನೆಯಲ್ಲಿ ಜೊತೆಗೆ ಇರುತ್ತಿದ್ದ ದಿವ್ಯಾ ಸುರೇಶ್ ಕುರಿತಾಗಿ ಕೇಳಿದ್ದಾರೆ. ಆದರೆ ಮಂಜು ಮಾತ್ರ ದಿವ್ಯಾ ಸುರೇಶ್ ಕುರಿತಾಗಿ ಕೊಂಚ ಡಿಫರೆಂಟ್ ಆಗಿ ಏರು ಧ್ವನಿಯಲ್ಲಿ ಉತ್ತರಿಸಿದ್ದಾರೆ.

ಮಂಜು ಅವರ ಮದುವೆಯ ಕುರಿತಾಗಿ ಅಭಿಮಾನಿಗಳು ಸಾಕಷ್ಟು ಪ್ರಶ್ನೆಯನ್ನು ಕೇಳಿದ್ದಾರೆ. ನಿಮ್ಮ ಮದುವೆ ಯಾವಾಗ? ಹುಡುಗಿ ಯಾರು? ನೀವು ಯಾಕೆ ದಿವ್ಯಾ ಸುರೇಶ್ ಅವರನ್ನು ಮದುವೆಯಾಗಬಾರದು ಎಂದು ಪ್ರಶ್ನಿಸಿದಾಗ ಮಂಜು ಅವರು ನಾನು ಯಾಕೆ ದಿವ್ಯಾಳನ್ನು ಮದುವೆಯಾಗಬೇಕು? ನಾನು ಅವಳು ಒಳ್ಳೆಯ ಸ್ನೇಹಿತರು ಅಷ್ಟೆ ಬೇರೆ ಏನೂ ಇಲ್ಲ. ನಾನು ತಮಾಷೆ ಮಾಡುತ್ತಿದ್ದೆ ಅಷ್ಟೆ ಎಂದು ಹೇಳಿದ್ದಾರೆ. ನಾನು ಖಂಡಿತವಾಗಿಯೂ ಮದುವೆಯಾಗುತ್ತೇನೆ ಆದರೆ ದಿವ್ಯಾ ಸುರೇಶ್ ಅವರನ್ನು ಅಲ್ಲ… ಬೇರೆ ಹುಡುಗಿಯನ್ನು ನೋಡುತ್ತಿದ್ದೇನೆ ಎಂದು ಹೇಳುವ ಮೂಲಕವಾಗಿ ದಿವ್ಯಾ ಸುರೇಶ್ ಮತ್ತು ಅವರ ಮಧ್ಯೆ ಇರುವ ಗಾಸಿಪ್ ಕುರಿತಾಗಿ ತೆರೆ ಎಳೆದಿದ್ದಾರೆ.

 

View this post on Instagram

 

A post shared by Manju Pavagada (LAG MANJA) (@manjupavagada.official)

ಲೈವ್‍ನಲ್ಲಿ ಮಂಜು ಅವರು ಅಭಿಮಾನಿಗಳ ಪ್ರಶ್ನೆಗೆ ಸಖತ್ ಮಜವಾಗಿ ಉತ್ತರ ಕೊಟ್ಟಿದ್ದಾರೆ. ಮಂಜು ಲೈವ್‍ನಲ್ಲಿಯೇ ಸಾಕಷ್ಟು ಕಾಮಿಡಿಯನ್ನು ಮಾಡಿದ್ದಾರೆ. ಬಿಗ್‍ಬಾಸ್ ಜರ್ನಿ ಕುರಿತಾಗಿ ಕೆಲವು ನೆನಪುಗಳನ್ನು ಹಂಚಿಕೊಂಡಿದ್ದಾರೆ. 10 ವಾರಗಳು ನನ್ನ ಸಪೋರ್ಟ್ ಮಾಡಿದ ಎಲ್ಲರಿಗೂ ಧನ್ಯವಾದ ಹೀಗೆ ಸಪೋರ್ಟ್ ಮಾಡಿ ಮುಂದಿನ ದಿನಗಳಲ್ಲಿ ಎಂದು ಹೇಳಿದ್ದಾರೆ.