ಬೆಂಗಳೂರು: ಶುಕ್ರವಾರ ಬೆಳಗ್ಗೆ 10:18ಕ್ಕೆ ಬಿಡುಗಡೆಯಾಗಬೇಕಿದ್ದ ಕೆಜಿಎಫ್ ಚಾಪ್ಟರ್ 2 ಟೀಸರ್‌ ಇಂದು ರಾತ್ರಿ 9:29ಕ್ಕೆ ಬಿಡುಗಡೆಯಾಗಿದೆ.
ಒಟ್ಟು 2 ನಿಮಿಷ 16 ಸೆಕೆಂಡ್‌ ವಿಡಿಯೋ ಇದ್ದು ಇದರರಲ್ಲಿ ರಾಕಿ ಬಾಯ್‌ ಯಶ್, ಅಧೀರ ಸಂಜಯ್‌ ದತ್‌, ರಮೀಕಾ ಸೇನ್‌ ರವೀನಾ ಟಂಡನ್‌, ರೀನಾ ದೇಸಾಯಿ ಶ್ರೀನಿಧಿ ಶೆಟ್ಟಿ ಪಾತ್ರವನ್ನು ತೋರಿಸಲಾಗಿದೆ. ವಿಶೇಷವಾಗಿ ರಾಕಿ ಬಾಯ್‌ ಮಿಷನ್‌ ಗನ್‌ನಿಂದ ಜೀಪುಗಳ ಮೇಲೆ ಫೈರ್‌ ಮಾಡಿದ್ದು ಎರಡು ಜೀಪುಗಳು ಮೇಲಕ್ಕೆ ಹಾರಿವೆ. ಬಳಿಕ ಫೈರ್‌ ಮಾಡಿದ ಕೆಂಪಾದ ಗನ್‌ನಿಂದ ರಾಕಿ ಸಿಗರೇಟ್‌ ಹೊತ್ತಿಸುತ್ತಿರುವ ದೃಶ್ಯವನ್ನು ತೋರಿಸಲಾಗಿದೆ.
Advertisement
Advertisement
ಶುಕ್ರವಾರ ಯಶ್ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಅಭಿಮಾನಿಗಳಿಗೆ ಗಿಫ್ಟ್‌ ನೀಡಲು ಟೀಸರ್‌ ರಿಲೀಸ್‌ ಮಾಡಲು ಚಿತ್ರತಂಡ ನಿರ್ಧರಿಸಿತ್ತು. ಆದರೆ ಇಂದು ರಾತ್ರಿ ದಿಢೀರ್‌ ಆಗಿ ಕೆಜಿಎಫ್ ಸಿನಿಮಾ ಟೀಸರ್‌ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಬಿಡುಗಡೆಯಾಗಿತ್ತು.
Advertisement
ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್‌ ಆಗಿ ಟ್ರೆಂಡಿಂಗ್‌ ಆಗಿತ್ತು. ಈ ಹಿನ್ನೆಲೆಯಲ್ಲಿ ಚಿತ್ರದ ನಿರ್ದೇಶಕ ಪ್ರಶಾಂತ್‌ ನೀಲ್‌ ಗುರುವಾರ ರಾತ್ರಿ 9:02ಕ್ಕೆ ಟ್ವೀಟ್‌ ಮಾಡಿ ರಾತ್ರಿ 9:29ಕ್ಕೆ ರಿಲೀಸ್‌ ಮಾಡುತ್ತೇವೆ ಎಂದು ಟ್ವೀಟ್‌ ಮಾಡಿ ತಿಳಿಸಿದ್ದರು.
Advertisement
https://twitter.com/prashanth_neel/status/1347204512159727616
ವಿಶೇಷ ಏನೆಂದರೆ ಟೀಸರ್‌ ರಿಲೀಸ್‌ ಮಾಡುವ ವಿಚಾರ ತಿಳಿದು ಮೊದಲೇ ಅಭಿಮಾನಿಗಳು ಹೊಂಬಾಳೆ ಫಿಲ್ಮ್‌ ಯೂ ಟ್ಯೂಬ್‌ ಖಾತೆಗೆ ಬಂದಿದ್ದರು. ಒಟ್ಟು 74 ಸಾವಿರ ಜನ ರಾತ್ರಿ 9:29ಕ್ಕೆ ಹೊಂಬಾಳೆ ಫಿಲ್ಮ್‌ ಖಾತೆಯಲ್ಲಿ ಟೀಸರ್‌ ನೋಡಲು ಆಗಮಿಸಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಈಗ ಕೆಜಿಎಫ್ ಚಾಪ್ಟರ್ 2 ನಂಬರ್‌ ಒನ್‌ ಟ್ರೆಂಡಿಂಗ್‌ನಲ್ಲಿದೆ.
