– ಗೇಟ್ ಮುಂಭಾಗವೇ ಜೋಡಿಗಳ ತುಂಟಾಟ
ಮುಂಬೈ: ನಗರದ ಹೌಸಿಂಗ್ ಸೊಸೈಟಿ ಗೇಟ್ ಮುಂಭಾಗದ ರಸ್ತೆಯ ಮೇಲೆ ನೋ ಕಿಸ್ಸಿಂಗ್ ಜೋನ್ ಎಂದು ಬರೆಸಿದೆ. ಸದ್ಯ ಈ ಬರಹದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಮುಂಬೈನ ಬೋರಿವಲಿಯ ಸತ್ಯಂ ಶಿವಂ ಸೊಸೈಟಿ ಈ ರೀತಿ ರಸ್ತೆ ಮೇಲೆ ಬರೆಸಿದೆ. ಸಾರ್ವಜನಿಕ ಪ್ರದೇಶದಲ್ಲಿ ಚುಂಬನ ಮಾಡೋದು ಸರಿಯಲ್ಲ. ಆದ್ರೆ ಸೊಸೈಟಿ ಮುಂಭಾಗದಲ್ಲಿ ಹಲವು ಜೋಡಿಗಳು ಕಿಸ್ ಮಾಡುತ್ತಿದ್ದವು. ಸೊಸೈಟಿಯಲ್ಲಿದ್ದ ಜನರು ಅಶ್ಲೀಲ ದೃಶ್ಯಗಳನ್ನ ನೋಡಿಕೊಂಡೇ ಮನೆಗೆ ಬರುವಂತಾಗಿತ್ತು. ಜೋಡಿಗಳ ಚುಂಬನದ ಹಾವಳಿಯಿಂದಾಗಿ ಬೇಸತ್ತ ಸೊಸೈಟಿ ಗೇಟ್ ಮುಂಭಾಗದಲ್ಲಿ ದೊಡ್ಡ ಅಕ್ಷರಗಳಲ್ಲಿ ಇಲ್ಲಿ ಕಿಸ್ ಮಾಡುವಂತಿಲ್ಲ ಎಂದು ಬರೆಸಿದೆ.
ಸೊಸೈಟಿಯ ಪ್ರವೇಶ ದ್ವಾರದಲ್ಲಿಯೇ ಜೋಡಿಗಳು ಅಶ್ಲೀಲವಾಗಿ ನಡೆದುಕೊಳ್ಳುತ್ತಿದ್ದರು. ಈ ಸಂಬಂಧ ಸೊಸೈಟಿ ನಿವಾಸಿಗಳು ದೂರು ಸಲ್ಲಿಸಿದ್ದರಿಂದ ನೋ ಕಿಸ್ಸಿಂಗ್ ಝೋನ್ ಎಂದು ಬರೆಸಲಾಗಿದೆ. ಈ ರೀತಿ ಬರೆಸಿದ ಮೇಲೆ ಜೋಡಿಗಳು ಇಲ್ಲಿ ನಿಂತು ಮಾತನಾಡೋದು, ಕಿಸ್ ಮಾಡೋದು ಕಡಿಮೆಯಾಗಿದೆ ಎಂದು ಹೌಸಿಂಗ್ ಬೋರ್ಡ್ ಹೇಳಿದೆ.
ಕ್ರಮ ತೆಗೆದುಕೊಳ್ಳದ ಪೊಲೀಸರು:
ಪ್ರವೇಶ ದ್ವಾರದಲ್ಲಿಯೇ ಜೋಡಿ ಕಿಸ್ ಮಾಡುವ ವೀಡಿಯೋ ಚಿತ್ರೀಕರಿಸಿ ಸ್ಥಳೀಯ ಪೊಲೀಸರು ಮತ್ತು ಕಾರ್ಪೋರೇಟರ್ ಗೂ ಸೊಸೈಟಿಯ ಸದಸ್ಯರೊಬ್ಬರು ದೂರು ನೀಡಿದ್ದರು. ಆದ್ರೆ ಅಧಿಕಾರಿ ಮತ್ತು ಪೊಲೀಸರು ಯಾವುದೇ ಕ್ರಮ ತೆಗೆದುಕೊಳ್ಳಲಿಲ್ಲ. ನಂತರ ಸೊಸೈಟಿ ಸದಸ್ಯರು ಒಮ್ಮತದಿಂದ ಗೇಟ್ ಮುಂಭಾಗದಲ್ಲಿ ಈ ರೀತಿ ಸಾಲುಗಳನ್ನು ಬರೆಸಿದ್ದಾರೆ. ಇದನ್ನೂ ಓದಿ: ಪಬ್ಲಿಕ್ ಪ್ಲೇಸ್ನಲ್ಲಿ ಗೆಳೆಯನಿಗೆ ಖ್ಯಾತಿ ನಟಿ ಕಿಸ್
ನಾವು ಯಾವ ಜೋಡಿ ಮೇಲೆಯೂ ವೈಯಕ್ತಿಯ ದ್ವೇಷ ಇಲ್ಲ. ಆದ್ರೆ ಅವರ ಅಶ್ಲೀಲತೆ ನಡವಳಿಕೆ ಬಗ್ಗೆ ಬೇಸರವಿದೆ. ಇಂತಹ ಘಟನೆಗಳು ಪ್ರತಿನಿತ್ಯ ನಮ್ಮ ಮನೆ ಮುಂದೆಯೇ ನಡೆಯುತ್ತಿದ್ದವು. ಜೋಡಿಗಳ ಚುಂಬನದ ಹಾವಳಿಯಿಂದಾಗಿ ಹಿರಿಯರು ಮತ್ತು ಮಹಿಳೆಯರು ಹೊರಗೆ ಬರದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಸಾರ್ವಜನಿಕ ಪ್ರದೇಶಗಳಲ್ಲಿ ಅಶ್ಲೀಲವಾಗಿ ನಡೆದುಕೊಳ್ಳುವವರ ಬಗ್ಗೆ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕೆಂದು ಸೊಸೈಟಿಯ ಮುಖ್ಯಸ್ಥ ವಿನಯ್ ಆಗ್ರಹಿಸಿದ್ದಾರೆ. ಇದನ್ನೂ ಓದಿ: ಮಟಮಟ ಮಧ್ಯಾಹ್ನವೇ ಮಂಡ್ಯದ ಜಿಲ್ಲೆಯ ಕೆ.ಆರ್.ಪೇಟೆ ಬಸ್ ನಿಲ್ದಾಣದಲ್ಲಿ ಪ್ರೇಮಿಗಳ ಕಿಸ್ಸಿಂಗ್