Connect with us

Bengaluru City

ಆಟೋದಲ್ಲಿ ಬಂದು ನಾಯಿಯನ್ನು ಕದ್ದೊಯ್ದ ಕಳ್ಳ

Published

on

– ಕಳ್ಳತನದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ನಾಯಿಗಳ ಕಳ್ಳತನ ಜಾಸ್ತಿಯಾಗಿದ್ದು, ಬೆಲೆ ಬಾಳುವ ನಾಯಿಯನ್ನು ಕಳ್ಳರು ಕದ್ದುಕೊಂಡು ಹೋಗುತ್ತಿದ್ದಾರೆ.

ಸಿಲಿಕಾನ್ ಸಿಟಿಯಲ್ಲಿ ಇತ್ತೀಚೆಗೆ ಬೆಲೆ ಬಾಳುವ ಶ್ವಾನವನ್ನು ಸಾಕುವ ಟ್ರೆಂಡ್ ಶುರುವಾಗಿದೆ. ಇದರ ಜೊತೆಗೆ ಇವುಗಳನ್ನು ಕದ್ದುಕೊಂಡು ಹೋಗುವವರು ಜಾಸ್ತಿಯಾಗಿದ್ದಾರೆ. ಅಂತೆಯೇ ಇಂದು ಬಸವನಗುಡಿ ಎನ್‍ಆರ್ ಕಾಲೋನಿ ನಿವಾಸಿ ಮೋನಿಕಾ ಅವರ ನಾಯಿಯನ್ನು ಕಳ್ಳತನ ಮಾಡಲಾಗಿದೆ.

ಮೋನಿಕಾ ಅವರು ಮನೆಗೆಲಸದಲ್ಲಿ ನಿರತರಾಗಿದ್ದಾಗ ಅವರ ಕಪ್ಪು ಬಣ್ಣದ ನಾಯಿ ರಸ್ತೆಯತ್ತ ಹೋಗಿದೆ. ಈ ವೇಳೆ ಆಟೋದಲ್ಲಿ ಅಲ್ಲಿಗೆ ಬಂದ ಕಳ್ಳ ಅದನ್ನು ಹಿಡಿದುಕೊಂಡು ಆಟೋದಲ್ಲಿ ಹಾಕಿಕೊಂಡು ಪರಾರಿಯಾಗಿದ್ದಾನೆ. ಇದು ಮಿಶ್ರತಳಿಯ ನಾಯಿ ಆಗಿದ್ದು, ಇದಕ್ಕೆ ‘ಲಿಯೋ’ ಎಂದು ಹೆಸರಿಡಲಾಗಿತ್ತು. ಜೊತೆಗೆ ಇದು ಸುಮಾರು 5 ಸಾವಿರ ರೂ. ಬೆಲೆ ಬಾಳುತ್ತೆ ಎಂದು ಮಾಲಕಿ ಮೋನಿಕಾ ಹೇಳಿದ್ದಾರೆ.

ಸದ್ಯ ನಾಯಿಯನ್ನು ಆಟೋದಲ್ಲಿ ಬಂದು ಹಿಡಿದುಕೊಂಡು ಹೋಗುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಈ ಸಂಬಂಧ ಬಸವನಗುಡಿ ಪೊಲೀಸ್ ಠಾಣೆಯಲ್ಲಿ ನಾಯಿ ಕಳ್ಳನ ವಿರುದ್ಧ ದೂರು ದಾಖಲಾಗಿದೆ.

Click to comment

Leave a Reply

Your email address will not be published. Required fields are marked *