Friday, 22nd September 2017

Recent News

ನಿಯಂತ್ರಣ ತಪ್ಪಿದ ಬಸ್ ವೇಗವಾಗಿ ಬಂದು ವ್ಯಕ್ತಿಗೆ ಡಿಕ್ಕಿ- ಆತ ಎದ್ದು ಸೀದಾ ಬಾರ್‍ನೊಳಗೆ ಹೋದ!

ಲಂಡನ್: ಚಾಲಕನ ನಿಯಂತ್ರಣ ಕಳೆದುಕೊಂಡು ವೇಗವಾಗಿ ಬಂದ ಬಸ್ ವ್ಯಕ್ತಿಗೆ ಡಿಕ್ಕಿ ಹೊಡೆದಿದ್ದು, ಆತ ನೆಲದ ಮೇಲೆ ಜಾರಿಕೊಂಡು ಸ್ವಲ್ಪ ದೂರಕ್ಕೆ ಹೋಗಿದ್ರೂ ಪ್ರಾಣಾಪಾಯದಿಂದ ಪಾರಾದ ಘಟನೆ ಇಂಗ್ಲೆಂಡಿನಲ್ಲಿ ನಡೆದಿದೆ. ಇಷ್ಟೇ ಅಲ್ಲದೆ ಬಸ್‍ನಿಂದ ಡಿಕ್ಕಿ ಹೊಡೆಸಿಕೊಂಡ ವ್ಯಕ್ತಿ ಕೂಡಲೇ ಮೇಲೆದ್ದು ಸೀದಾ ಬಾರ್‍ನೊಳಗೆ ಹೋಗಿದ್ದಾರೆ.

ಈ ಭಯಾನಕ ಘಟನೆಯ ದೃಶ್ಯಾವಳಿ ಬಾರ್‍ನ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ವ್ಯಕ್ತಿ ರಸ್ತೆ ದಾಟುತ್ತಿದ್ದ ವೇಳೆ ಹಿಂದಿನಿಂದ ವೇಗವಾಗಿ ಬಂದ ಬಸ್ ಡಿಕ್ಕಿ ಹೊಡೆದಿದೆ. ಪರಿಣಾಮ ಅವರು ಸ್ವಲ್ಪ ದೂರದವರೆಗೆ ಜಾರಿಕೊಂಡು ಬಂದು ಪಬ್‍ನ ಮುಂದೆ ಬಂದು ಬಿದ್ದಿದ್ದಾರೆ. ಘಟನೆಯಲ್ಲಿ ಬಸ್‍ನ ಮುಂಬದಿಯ ಗಾಜು ಪುಡಿಪುಡಿಯಾಗಿದೆ. ಆದ್ರೆ ಈ ವ್ಯಕ್ತಿ ಮಾತ್ರ ಮೇಲೆದ್ದು, ಏನೂ ಆಗೇ ಇಲ್ಲ ಎಂಬಂತೆ ಬಾರ್‍ನೊಳಗೆ ಹೋಗಿ ಅಚ್ಚರಿ ಮೂಡಿಸಿದ್ದಾರೆ.

ಶನಿವಾರದಂದು ಈ ಘಟನೆ ನಡೆದಿದ್ದು, ಇದರ ವಿಡಿಯೋ ಈಗ ವೈರಲ್ ಆಗಿದೆ. ಅಪಘಾತಕ್ಕೀಡಾದ ವ್ಯಕ್ತಿಯನ್ನ 53 ವರ್ಷದ ಸೈಮನ್ ಸ್ಮಿತ್ ಎಂದು ಗುರುತಿಸಲಾಗಿದೆ. ಘಟನೆಯಲ್ಲಿ ಇವರಿಗೆ ಸಣ್ಣ ಪುಟ್ಟ ತರಚು ಗಾಯಗಳು ಬಿಟ್ಟರೆ ಹೆಚ್ಚಿನ ಅಪಾಯವೇನೂ ಆಗಿಲ್ಲ.

ಸೈಮನ್ ಮೇಲೆದ್ದು, ಮೈಕೊಡವಿಕೊಂಡ್ರು. ನಂತರ ಆಂಬುಲೆನ್ಸ್ ಬಂದು ಚೆಕಪ್‍ಗಾಗಿ ಕರೆದೊಯ್ಯಲಾಯ್ತು ಎಂದು ಪರ್ಪಲ್ ಟರ್ಟಲ್ ಪಬ್‍ನ ಸಹ ಮಾಲೀಕರು ಪತ್ರಿಕೆಯೊಂದಕ್ಕೆ ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *