Tuesday, 23rd January 2018

Recent News

ಬೆಳಕು ಇಂಪ್ಯಾಕ್ಟ್: ತಾಯಿ-ಮಗಳಿಗೆ ಜೀವನ ನಡೆಸಲು ಸಿಕ್ತು ಆಸರೆ

ಹಾವೇರಿ: ಜಿಲ್ಲೆಯ ಶಿಗ್ಗಾಂವಿ ತಾಲೂಕಿನ ಹಿರೇಮಣಕಟ್ಟಿ ಗ್ರಾಮದ ಬಡಕುಟುಂಬದ ಕಥೆ. ಫಜಲುನಿಸ್ಸ್ ಬಡೇಮಿಯ್ಯಾ ಹುಟ್ಟುತ್ತಾ ಅಂಧೆ, ತಾಯಿ ಶಕುಂದಿ ಬಡೇಮಿಯ್ಯಾಗೆ 70 ವರ್ಷ, ತಂದೆ ತೀರಿ ಹೋಗಿದ್ದಾರೆ. ವಯಸ್ಸಾದ ಅಂಧ ಮಗಳಿಗೆ 70ರ ತಾಯಿಯೇ ಆಸರೆ.

ಕಳೆದ 20 ವರ್ಷಗಳಿಂದ ತಾಯಿ ಮತ್ತು ಮಗಳು ಬಳೆ ವ್ಯಾಪಾರ ಹಾಗೂ ಜಾಕೇಟ್ ಪೀಸ್ ವ್ಯಾಪಾರ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಅಲ್ಲದೇ ಪ್ರತಿ ತಿಂಗಳು ಸರ್ಕಾರದಿಂದ ಬರುವ ಅಂಗವಿಕಲ ವೇತನ 1200 ರೂಪಾಯಿ ತೆಗೆದುಕೊಂಡು ತಮ್ಮ ತುತ್ತಿನ ಚೀಲವನ್ನ ತುಂಬಿಸಿಕೊಳ್ತಿದ್ದರು.

ಮಗಳು ಫಜಲುನಿಸ್ಸ್ ಬಡೇಮಿಯ್ಯಾ ಮತ್ತು ತಾಯಿ ಶಕುಂದಿ ಬಡೇಮಿಯ್ಯಾ ಪಬ್ಲಿಕ್ ಟಿವಿಯ ಬೆಳಕು ಕಾರ್ಯಕ್ರಮ ಬಂದು ಸ್ವಾಭಿಮಾನದ ಜೀವನ ನಡೆಸಲು ಸೀರೆ ವ್ಯಾಪಾರಕ್ಕೆ ಸಹಾಯ ಮಾಡಿ ಎಂದು ಕೇಳಿ ಕೊಂಡಿದ್ದರು. ಸ್ವಾಭಿಮಾನದ ಜೀವನ ಕಟ್ಟಿಕೊಳ್ಳಲು 25 ಸಾವಿರ ರೂ. ಬೆಲೆ ಬಾಳುವ ಸೀರೆಗಳನ್ನು ಒದಗಿಸಿದ್ದು, ತಾಯಿ-ಮಗಳ ಕನಸು ಇಂದು ನನಸಾಗಿದೆ. ಈಗ ವಯಸ್ಸಾದ ತಾಯಿ ಮತ್ತು ಅಂಧ ಮಗಳು ನೆಮ್ಮದಿಯ ಜೀವನ ಮಾಡುತ್ತಿದ್ದಾರೆ ಸಂತಸದಿಂದ ಇದ್ದಾರೆ. ಸಹಾಯ ಮಾಡಿದ ಪಬ್ಲಿಕ್ ಟಿವಿಯ ಬೆಳಕು ಕಾರ್ಯಕ್ರಮಕ್ಕೆ ಧನ್ಯವಾದ ಹೇಳಿದ್ದಾರೆ.

ಸ್ವಾಭಿಮಾನದ ಜೀವನಕ್ಕಾಗಿ ವ್ಯಾಪಾರ ಮಾಡುತ್ತಿರುವ ವಯಸ್ಸಾದ ತಾಯಿ ಮತ್ತು ಅಂಧೆ ಮಗಳು ಸಂತಸಗೊಂಡಿದ್ದಾರೆ. ಇವರ ವ್ಯಾಪಾರದಲ್ಲಿ ಅಭಿವೃದ್ಧಿಗೊಂಡು ನೆಮ್ಮದಿ ಜೀವನ ಮಾಡಲಿ ಎಂಬುದು ಪಬ್ಲಿಕ್ ಟಿವಿಯ ಬೆಳಕು ಕಾರ್ಯಕ್ರಮದ ಆಶಯ.

Leave a Reply

Your email address will not be published. Required fields are marked *