Saturday, 18th November 2017

Recent News

ರಾಧಿಕಾ ಪಂಡಿತ್‍ಗೆ ಹುಟ್ಟುಹಬ್ಬ: ವಿಶ್ ಮಾಡಲು ಬಂದ ಅಭಿಮಾನಿಗಳಿಗೆ ಯಶ್ ದಂಪತಿಯಿಂದ ಗಿಫ್ಟ್!

ಬೆಂಗಳೂರು: ಇಂದು ನಟಿ ರಾಧಿಕಾ ಪಂಡಿತ್ ಅವರಿಗೆ 33ನೇ ಹುಟ್ಟುಹಬ್ಬದ ಸಂಭ್ರಮ. ನಟ ಯಶ್ ಅವರನ್ನು ಕೈಹಿಡಿದ ಬಳಿಕ ರಾಧಿಕಾ ಪಂಡಿತ್ ಗೆ ಮೊದಲ ಹುಟ್ಟುಹಬ್ಬ ಇದಾಗಿದೆ.

ರಾಧಿಕಾ ತಮ್ಮ ಹುಟ್ಟು ಹಬ್ಬವನ್ನು ನಗರದ ಮಲ್ಲೇಶ್ವರಂನಲ್ಲಿರೋ ತವರು ಮನೆಯಲ್ಲಿ ಆಚರಣೆ ಮಾಡ್ತಿದ್ದಾರೆ. ಏಳೂವರೆ ಕೆಜಿಯ ವಿಭಿನ್ನವಾದ ಕೇಕ್ ತಂದು ಅಭಿಮಾನಿಗಳು ರಾಧಿಕಾ ಹುಟ್ಟುಹಬ್ಬವನ್ನು ವಿಶೇಷವಾಗಿ ಆಚರಿಸಿದ್ದಾರೆ.

ಹುಟ್ಟುಹಬ್ಬಕ್ಕೆ ವಿಶ್ ಮಾಡಲು ಬಂದಿರೋ ಅಭಿಮಾನಿಗಳಿಗೆ ಯಶ್ ಹಾಗು ರಾಧಿಕಾ ಕನಕಾಂಬರ ಹೂವಿನ ಸಸಿ ನೀಡಿದ್ದಾರೆ.

ಬರ್ತ್ ಡೇ ಅಂದ್ರೆ ತುಂಬಾ ಇಷ್ಟ: ತನ್ನ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳುತ್ತೀರುವ ರಾಧಿಕಾ ಪಂಡಿತ್ ಪಬ್ಲಿಕ್ ಟಿವಿ ಜೊತೆ ಮಾತನಾಡುತ್ತಾ, ನನಗೆ ಬರ್ತ್‍ಡೇ ಆಚರಣೆ ಅಂದ್ರೆ ತುಂಬಾ ಇಷ್ಟ. ಯಾಕಂದ್ರೆ ಆ ದಿನ ನಮಗೆ ಜಾಸ್ತಿ ಪ್ರಾಮುಖ್ಯತೆ ಇರತ್ತೆ. ಮಾತ್ರವಲ್ಲದೇ ಕೇಕ್ ಕಟ್ ಮಾಡೋದು, ಬಲೂನ್ಸ್, ಹ್ಯಾಪಿ ಬರ್ತ್ ಡೇ ಅಂತಾ ಹಾಡು ಹೇಳೊದು ಅಂದ್ರೆ ನನಗೆ ಮೊದಲಿಂದಲೂ ತುಂಬಾ ಇಷ್ಟ ಅಂತಾ ತನ್ನ ಖುಷಿ ಹಂಚಿಕೊಂಡ್ರು.

ಮೂರು ಕಡೆ ಹುಟ್ಟುಹಬ್ಬ: ಇನ್ನು ಸಿನಿಮಾ ವೃತ್ತಿಗೆ ಬಂದ ಬಳಿಕ ಅಭಿಮಾನಿಗಳ ಜೊತೆ, ಅಪ್ಪ-ಅಮ್ಮನ ಜೊತೆ ಇಷ್ಟು ವರ್ಷ ಹುಟ್ಟು ಹಬ್ಬ ಆಚರಿಸುತ್ತಿದ್ದೆ. ಆದ್ರೆ ಈ ಬಾರಿ ಅತ್ತೆ-ಮಾವನ ಜೊತೆನೂ ಆಚರಣೆ ಮಾಡ್ತಾ ಇದ್ದೇನೆ. ಮನೆಯಲ್ಲಿ ಅತ್ತೆ ನನಗೆ ಇಷ್ಟವಾದ ಅಡುಗೆ ಮಾಡಿರುತ್ತಾರೆ. ಒಟ್ಟಿನಲ್ಲಿ ಈ ದಿನವನ್ನು ತುಂಬಾ ಖುಷಿಯಿಂದ ಕಳೆಯುತ್ತಿದ್ದೇನೆ ಅಂತಾ ರಾಧಿಕಾ ತಮ್ಮ ಮನದಾಳದ ಮಾತನ್ನು ಹೇಳಿದ್ದಾರೆ.

ಈ ಬಾರಿ ಜೊತೆಗಿದ್ದೇ ವಿಶ್ ಮಾಡ್ದೆ:  ಪತ್ನಿ ಹುಟ್ಟು ಹಬ್ಬದ ಬಗ್ಗೆ ಮಾತನಾಡಿದ ನಟ ಯಶ್, ಮೊದಲೆಲ್ಲ ಫೋನಲ್ಲೆ ವಿಶ್ ಮಾಡ್ತಾ ಇದ್ದೆ. ಅದು ಹುಟ್ಟು ಹಬ್ಬದ ದಿನ ರಾತ್ರಿ. ಯಾಕಂದ್ರೆ ಬರ್ತ್ ಡೇ ದಿನದಂದು ಅವರು ಸಿಗುತ್ತಿರಲಿಲ್ಲ. ಅದು ನನ್ನ ಬರ್ತ್ ಡೇ ಆಗ್ಲಿ ರಾಧಿಕಾ ಅವರ ಬರ್ತ್ ಡೇ ಆಗಿರಲಿ. ಬೆಳಗ್ಗೆ ಹೊತ್ತು ಅಭಿಮಾನಿಗಳ ಜೊತೆ ಆಚರಣೆಯಲ್ಲಿ ಬ್ಯುಸಿಯಾಗಿರ್ತೀವಿ. ಆದ್ರೆ ಈ ಬಾರಿ ಮಾತ್ರ ಮದುವೆ ಆಗಿರೋದ್ರಿಂದ ಒಟ್ಟಿಗೆ ಇದ್ದು, ವಿಶ್ ಮಾಡಿದೆ ಅಂತಾ ಹೇಳಿದ್ರು.

ಯಶ್ ದಂಪತಿ ಸಸಿ ಗಿಫ್ಟ್ ನೀಡುವುದು ಹೊಸದೆನಲ್ಲ. ಈ ಹಿಂದೆ ಅತಿಥಿಗಳಿಗೆ ಸಂಪಿಗೆ ಸಸಿ ನೀಡಿ ಮದುವೆಯ ಆಹ್ವಾನ ಪತ್ರಿಕೆಯನ್ನು ಯಶ್ ನೀಡಿದ್ದರು.

ಯಶ್ ದಂಪತಿ ಸಸಿ ಗಿಫ್ಟ್ ನೀಡುವುದು ಹೊಸದೆನಲ್ಲ. ಈ ಹಿಂದೆ ಅತಿಥಿಗಳಿಗೆ ಸಂಪಿಗೆ ಸಸಿ ನೀಡಿ ಮದುವೆಯ ಆಹ್ವಾನ ಪತ್ರಿಕೆಯನ್ನು ಯಶ್ ನೀಡಿದ್ದರು.

Leave a Reply

Your email address will not be published. Required fields are marked *