ಬೆಂಗಳೂರು: ಪರಿಚಿತ ಯುವಕನೊಬ್ಬ ಮನೆಗೆ ನುಗ್ಗಿ ಯುವತಿಯನ್ನು ಅತ್ಯಾಚಾರ ನಡೆಸಿರುವ ಘಟನೆ ನಗರದ ಕುಮಾರಸ್ವಾಮಿ ಲೇಔಟ್‍ನಲ್ಲಿ ನಡೆದಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಚಂದ್ರಶೇಖರ್ ಬಂಧಿತ ಯುವಕ. ನೊಂದ ಯುವತಿಯ ಮನೆಯ ಬಳಿ ವಾಸವಾಗಿದ್ದ ಚಂದ್ರಶೇಖರ್ ಕಳೆದ 3 ತಿಂಗಳಿನಿಂದ ತನ್ನನ್ನು ಮದುವೆ ಆಗುವಂತೆ ಟಾರ್ಚರ್ ಕೊಡುತ್ತಿದ್ದನು. ತನ್ನ ಮೊಬೈಲ್ ನಂಬರ್ ನೀಡಿ ಕೊಟ್ಟು ಫೋನ್ ಮಾಡುವಂತೆ ಚಂದ್ರಶೇಖರ್ ಪೀಡಿಸುತ್ತಿದ್ದನು ಎಂದು ತಿಳಿದು ಬಂದಿದೆ.
ಏಪ್ರಿಲ್ 7 ರಂದು ಮನಗೆ ನುಗ್ಗಿ ಯುವತಿ ಮೇಲೆ ಅತ್ಯಾಚಾರ ಎಸೆಗಿದ್ದಾನೆ. ಈ ವೇಳೆ ಯುವತಿ ತಾಯಿಯ ಕೈಗೆ ಚಂದ್ರಶೇಖರ್ ಸಿಕ್ಕಿದ್ದಾನೆ. ಇದರಿಂದ ಭಯಭೀತನಾದ ಚಂದ್ರ ಯುವತಿಯ ತಾಯಿಯನ್ನು ತಳ್ಳಿ ಮನೆಯಿಂದ ಪರಾರಿಯಾಗಿದ್ದನು.
ಈ ಸಂಬಂಧ ಕುಮಾರಸ್ವಾಮಿ ಲೇಔಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
