ಬೆಂಗಳೂರು: ಮಧ್ಯಪ್ರಾಚ್ಯ ಸಂಘರ್ಷದಿಂದ ಪೆಟ್ರೋಲ್ (Petrol) ಸಿಗಲ್ಲ ಎಂಬ ವದಂತಿ ಹರಿದಾಡ್ತಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಬಂಕ್ ಗಳ ಮುಂದೆ ರಾತ್ರಿಯಿಡಿ ಕ್ಯೂ ನಿಂತು ಪೆಟ್ರೋಲ್ ಸ್ಟಾಕ್ ಮಾಡಿಕೊಳ್ತಿದ್ದಾರೆ. ಇದೀಗ ಬೆಂಗಳೂರಿನಲ್ಲಿಯೂ ಬಾಟಲ್, ಕ್ಯಾನ್ ಗಳಿಗೆ ಪೆಟ್ರೋಲ್ ಹಾಕಿಸಿಕೊಂಡು ಸ್ಟಾಕ್ ಮಾಡಲು ಮುಂದಾಗಿದ್ದಾರೆ.
ಕರ್ನಾಟಕದ (Karnataka) ವಿವಿಧ ಜಿಲ್ಲೆಗಳಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಅಭಾವದ ವದಂತಿಗಳಿಂದಾಗಿ ಪೆಟ್ರೋಲ್ ಬಂಕ್ಗಳ ಮುಂದೆ ಸಾರ್ವಜನಿಕರು ಭಾರೀ ಸಂಖ್ಯೆಯಲ್ಲಿ ಕ್ಯೂ ನಿಲ್ಲುತ್ತಿದ್ದಾರೆ. ಬೆಂಗಳೂರಿನಲ್ಲೂ ಜನ ಪೆಟ್ರೋಲ್ ಸಂಗ್ರಹಕ್ಕೆ ಮುಂದಾಗಿದ್ದಾರೆ. ಕಾರು, ಬೈಕ್ಗಳಿಗೆ ಫುಲ್ ಟ್ಯಾಂಕ್ ಪೆಟ್ರೋಲ್ ತುಂಬಿಸಿ, ಹೆಚ್ಚುವರಿಯಾಗಿ, ಬಾಟಲ್ಗಳನ್ನೂ ತರುತ್ತಿದ್ದಾರಂತೆ. ಕೆಲ ಪೆಟ್ರೋಲ್ ಬಂಕ್ಗಳಲ್ಲಿ ಬಾಟಲ್ಗಳಿಗೆ ಹಾಕೋದಕ್ಕೆ ನಿರಾಕರಿಸಿ, ನೋಟಿಸ್ ಅಂಟಿಸಲಾಗಿದೆ. ಇದನ್ನೂ ಓದಿ: ಈಗ ಚೀನಾ ಹಡಗುಗಳಿಗೂ ಶಾಕ್ – ಅನುಮತಿ ನೀಡದ ಇರಾನ್
ಬಾಟಲ್, ಕ್ಯಾನ್ಗಳಿಗೆ ಪೆಟ್ರೋಲ್ ಹಾಕಲು ಕೆಲ ಜನ ಬಂಕ್ ಸಿಬ್ಬಂದಿ ಜೊತೆ ವಾಗ್ವಾದ ನಡೆಸ್ತಿದ್ದಾರೆ. ಕ್ಯಾನ್, ಬಾಟಲ್ಗಳನ್ನ ತಂದವ್ರನ್ನ ವಾಪಾಸ್ ಕಳಿಸ್ತಿದ್ದಾರೆ. ವಾಹನ ಸವಾರರಿಗೆ ಹೇಳಿ ಹೇಳಿ ಸುಸ್ತಾಗ್ತಿದ್ದಾರೆ. ಕೇವಲ ನಿಮ್ಮ ವಾಹನಗಳಿಗೆ ಮಾತ್ರ ತುಂಬಿಸಿಕೊಳ್ಳಿ. ಹೆಚ್ಚುವರಿ ಸಂಗ್ರಹ ಮಾಡಿ ಅಭಾವ ಸೃಷ್ಟಿಸಬೇಡಿ. ಪೆಟ್ರೋಲ್ ಸ್ಟಾಕ್ ಇದೆ ಅಂತ ಜನರಿಗೆ ಬಂಕ್ ಸಿಬ್ಬಂದಿ ಮನವಿ ಮಾಡುತಿದ್ದಾರೆ.
More Read
ಜಿಲ್ಲೆಗಳಲ್ಲಿ ಪೆಟ್ರೋಲ್ ಸ್ಟಾಕ್ಗೆ ಮುಂದಾಗಿದ್ದ ಜನ, ಇದೀಗಾ ಬೆಂಗಳೂರಿನಲ್ಲಿ ಜನ ಪೆಟ್ರೋಲ್ ಸ್ಟಾಕ್ಗೆ ಮುಂದಾಗ್ತಿದ್ದಾರೆ. ತೈಲ ಕಂಪನಿಗಳಿಂದ ಪೆಟ್ರೋಲ್ ಪೂರೈಕೆಯಾಗ್ತಿದ್ದು, ಯಾವ್ದೇ ಗೊಂದಲ, ಆತಂಕ ಬೇಡ. ಹೆಚ್ಚುವರಿ ಸಂಗ್ರಹದಿಂದ ಕೃತಕ ಅಭಾವ ಸೃಷ್ಟಿಯಾಗೋದನ್ನ ಜನರೇ ತಪ್ಪಿಸಬೇಕಿದೆ. ಇದನ್ನೂ ಓದಿ: ಆಕ್ರಮಿಸಿಕೊಳ್ತೇನೆ, ಇಲ್ಲವೇ ಸ್ವತಂತ್ರಗೊಳಿಸುತ್ತೇನೆ – ವೆನೆಜುವೆಲಾ, ಇರಾನ್ ಬಳಿಕ ಮತ್ತೊಂದು ದೇಶದ ಮೇಲೆ ಟ್ರಂಪ್ ಕಣ್ಣು
