– 17 ಕೋಟಿ ಬ್ಯಾರಲ್ ತೈಲ ಸಮುದ್ರದಲ್ಲೇ ಲಾಕ್
ನವದೆಹಲಿ/ಟೆಹ್ರಾನ್/ವಾಷಿಂಗ್ಟನ್: ಇರಾನ್ vs ಇಸ್ರೇಲ್-ಅಮೆರಿಕ ಯುದ್ಧದಿಂದ ಉಂಟಾಗಿರುವ ಇಂಧನ ಬಿಕ್ಕಟ್ಟು ನಿವಾರಿಸಲು ವಾಷಿಂಗ್ಟನ್ ತಾತ್ಕಾಲಿಕವಾಗಿ ನಿರ್ಬಂಧಗಳನ್ನ ತೆಗೆದುಹಾಕಿದೆ. ಈ ಬೆನ್ನಲ್ಲೇ ಭಾರತೀಯ ತೈಲ ಸಂಸ್ಕರಣಾ ಕಂಪನಿಗಳು ಇರಾನ್ನಿಂದ ತೈಲ (Iranian Oil) ಖರೀದಿಸಲು ಎದುರು ನೋಡುತ್ತಿವೆ. ಅದಕ್ಕಾಗಿ ಕೇಂದ್ರ ಸರ್ಕಾರದ ನಿರ್ದೇಶನಗಳಿಗೆ ಕಾಯುತ್ತಿವೆ ಎಂದು ವರದಿಗಳು ತಿಳಿಸಿವೆ.
ಇರಾನ್ನಿಂದ ತೈಲ ಖರೀದಿಸುವುದಾಗಿ ಭಾರತದ ಮೂರು ಸಂಸ್ಕರಣಾ ಕಂಪನಿ (Indian Refiners) ಮೂಲಗಳು ತಿಳಿಸಿವೆ. ಅದಕ್ಕಾಗಿ ಪಾವತಿ ನಿಯಮಗಳಂತಹ ವಿವರಗಳ ಕುರಿತು ಕೇಂದ್ರ ಸರ್ಕಾರ (Central Government) ನಿರ್ದೇಶನ ಹಾಗೂ ವಾಷಿಂಗ್ಟನ್ನ ಸ್ಪಷ್ಟತೆಗಾಗಿ ಕಾಯುತ್ತಿವೆ ಎಂದು ತಿಳಿದುಬಂದಿದೆ. ಇದನ್ನೂ ಓದಿ: ಇರಾನ್ ಅಧ್ಯಕ್ಷರ ಜೊತೆಗೆ ಪ್ರಧಾನಿ ಮೋದಿ ಮಾತು – ಮೂಲ ಸೌಕರ್ಯಗಳ ಮೇಲಿನ ದಾಳಿಗೆ ಖಂಡನೆ
ಭಾರತೀಯ ತೈಲ ಸಂಸ್ಕರಣಾ ಕಂಪನಿಗಳು ಏಷ್ಯಾದ ಇತರ ತೈಲ ಆಮದುದಾರರಿಗಿಂತ ಕಡಿಮೆ ಕಚ್ಚಾ ದಾಸ್ತಾನನ್ನು ಹೊಂದಿವೆ. ಅಮೆರಿಕವು ಸಮುದ್ರ ಮಾರ್ಗದಲ್ಲಿ ಇರಾನ್ ತೈಲ ಖರೀದಿಸಲು 30 ದಿನಗಳ ಕಾಲ ನಿರ್ಬಂಧ ತೆಗೆದುಹಾಕಿದ ನಂತರ ಇರಾನ್ನಿಂದ ತೈಲ ಖರೀದಿಸಬಹುದೇ ಎಂಬುದನ್ನು ಪರಿಶೀಲಿಸುತ್ತಿದ್ದಾರೆ. ಇದನ್ನೂ ಓದಿ: ಇರಾನ್ನ ನಟಾಂಜ್ ಪರಮಾಣು ಸೌಲಭ್ಯದ ಮೇಲೆ ಏರ್ಸ್ಟ್ರೈಕ್ – ವಿಕಿರಣ ಸೋರಿಕೆ ಆಗಿಲ್ಲ
ಯಾವುದಕ್ಕೆ ವಿನಾಯಿತಿ ಅನ್ವಯ?
ವಿದೇಶಿ ಆಸ್ತಿ ನಿಯಂತ್ರಣ ಕಚೇರಿಯ ಪ್ರಕಾರ, ಮಾರ್ಚ್ 20 ರಂದು ಅಥವಾ ಅದಕ್ಕೂ ಮುನ್ನ ಅನುಮೋದಿತ ಟ್ಯಾಂಕರ್ಗಳು ಸೇರಿದಂತೆ ಯಾವುದೇ ಹಡಗಿನಲ್ಲಿ ತುಂಬಿಸಿ ಏಪ್ರಿಲ್ 19ರ ಒಳಗೆ ಬಿಡುಗಡೆ ಮಾಡಲಾದ ತೈಲಕ್ಕೆ ಈ ವಿನಾಯಿತಿ ಅನ್ವಯಿಸುತ್ತದೆ. ಇದು ಯುದ್ಧ ಪ್ರಾರಂಭವಾದಾಗಿನಿಂದ ಅಮೆರಿಕ ಮೂರನೇ ಬಾರಿಗೆ ನೀಡಿರುವ ತಾತ್ಕಾಲಿಕ ವಿನಾಯ್ತಿ ಆಗಿದೆ. ಇದನ್ನೂ ಓದಿ: ವಾಣಿಜ್ಯ ಸಿಲಿಂಡರ್ ಬದಲು ಗೃಹಬಳಕೆ ಸಿಲಿಂಡರ್ ಬಳಕೆ – ಹೋಟೆಲ್, ಡಾಬಾಗಳ ಮೇಲೆ ದಾಳಿ
More Read
17 ಕೋಟಿ ಬ್ಯಾರೆಲ್ ತೈಲ ಲಾಕ್
ಮಧ್ಯಪ್ರಾಚ್ಯ ಕೊಲ್ಲಿಯಿಂದ ಚೀನಾ ಸಮೀಪದ ವರೆಗೆ ಸಮುದ್ರ ಮಾರ್ಗದವರೆಗೆ ಹರಡಿರುವ ಹಡಗುಗಳಲ್ಲಿ ಸುಮಾರು 170 ಮಿಲಿಯನ್ (17 ಕೋಟಿ) ಬ್ಯಾರೆಲ್ಗಳಷ್ಟು ಇರಾನಿನ ಕಚ್ಚಾ ತೈಲವು ಸಮುದ್ರದಲ್ಲೇ ಸಿಲುಕಿಕೊಂಡಿದೆ ಎಂದು ಕೆಪ್ಲರ್ನ ಕಚ್ಚಾ ತೈಲ ಮಾರುಕಟ್ಟೆ ದತ್ತಾಂಶದ ಹಿರಿಯ ವ್ಯವಸ್ಥಾಪಕ ಎಮ್ಯಾನುಯೆಲ್ ಬೆಲೋಸ್ಟ್ರಿನೊ ಹೇಳಿದ್ದಾರೆ. ಅಮೆರಿಕ ವಿನಾಯ್ತಿಯಿಂದ ಇದನ್ನ ಅನ್ಲಾಕ್ ಮಾಡಬಹುದೇ ಅನ್ನೋದನ್ನ ಕಾದುನೋಡಬೇಕಿದೆ.
