ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚ್ತಿರುವ ಪ್ರಭಾಸ್‌ಗೆ(Darling Prabhas) ಜಿಎಸ್‌ಟಿ ಅಧಿಕಾರಿಗಳು ಶಾಕ್ ಕೊಟ್ಟಿದ್ದಾರೆ. ಪ್ರಭಾಸ್ ಅವರ ಕಂಪನಿ ಮೇಲೆ ಜಿಎಸ್‌ಟಿ ಅಧಿಕಾರಿಗಳು ರೇಡ್ ಮಾಡಿದ್ದಾರೆ.
`ಬಾಹುಬಲಿ’ (Bahubali) ಸೂಪರ್ ಸಕ್ಸಸ್ ನಂತರ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಿರುವ ನಟ ಪ್ರಭಾಸ್ ಇದೀಗ ಪ್ಯಾನ್ ಇಂಡಿಯಾ ಸ್ಟಾರ್ ಗುರುತಿಸಿಕೊಂಡಿದ್ದಾರೆ. ಇದೀಗ ಪ್ರಭಾಸ್ ಸಿನಿಮಾ ಅಷ್ಟೇ ಅಲ್ಲ, ಅವರದ್ದೇ ನಿರ್ಮಾಣ ಸಂಸ್ಥೆ ಕೂಡ ಇದೆ. ಯುವಿ ಕ್ರಿಯೇಷನ್ಸ್ ನಿರ್ಮಾಣ ಸಂಸ್ಥೆಗೆ ಪ್ರಭಾಸ್ ಕೂಡ ಪಾರ್ಟ್‌ನರ್ ಆಗಿ ಸಾಥ್ ನೀಡಿದ್ದಾರೆ. ಇದೀಗ ಸಂಸ್ಥೆಯ ಮೇಲೆ ರೇಡ್ ಆಗಿದೆ.
ಹೆಸರಾಂತ ನಿರ್ಮಾಣ ಸಂಸ್ಥೆಗಳಲ್ಲಿ ಒಂದಾಗಿರುವ ಯುವಿ ಕ್ರಿಯೇಷನ್ಸ್(Uv Creations) ಮೇಲೆ ದಾಳಿ ನಡೆದಿರುವ ವಿಚಾರ ಸೌತ್‌ನಲ್ಲಿ ಸಂಚಲನ ಮೂಡಿಸಿದೆ. ತೆರಿಗೆ ವಂಚಿಸಿರುವ ಶಂಕೆಯಿಂದ ಮಂಗಳವಾರ ಜಿಎಸ್‌ಟಿ ಅಧಿಕಾರಿಗಳು ಪ್ರಭಾಸ್ ಕಂಪನಿಯ ಮೇಲೆ ಶೋಧ ನಡೆಸಿದ್ದಾರೆ. ಯುವಿ ಸಂಸ್ಥೆಯ ಆದಾಯಕ್ಕೂ ಜಿಎಸ್‌ಟಿ ಲೆಕ್ಕಾಚಾರಕ್ಕೂ ಸಾಕಷ್ಟು ವ್ಯತ್ಯಾಸ ಇದೆ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ. ಇದನ್ನೂ ಓದಿ:ಡಯಟ್ ಕಾರಣದಿಂದಾಗಿ ಖ್ಯಾತ ನಟ ಕಲ್ಯಾಣ್ ಕುಮಾರ್ ಸೊಸೆ ನಿಧನ?
ಹೈದರಾಬಾದ್‌ನ ಕಪುರಿ ಹಿಲ್ಸ್ನಲ್ಲಿರುವ ಯುವಿ ಕ್ರಿಯೇಷನ್ಸ್ ಕಂಪನಿಯಲ್ಲಿ ಶೋಧ ನಡೆಸಿದ್ದ ವೇಳೆ ೬ ಕೋಟಿಗೂ ಹೆಚ್ಚು ಜಿಎಸ್‌ಟಿ ಬಾಕಿ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇನ್ನೂ ಯುವಿ ಸಂಸ್ಥೆಗೆ ಸಂಬAಧಿಸಿದ ದಾಖಲೆಗಳನ್ನು ಅಧಿಕಾರಿಗಳು ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿದು ಬಂದಿದೆ.
