ಬಿಗ್ ಬಾಸ್ ಸ್ಪರ್ಧೆ ನಿವೇದಿತಾ ಗೌಡ ಇದೀಗ ಫುಲ್ ಬ್ಯುಸಿಯಾಗಿದ್ದಾರೆ. ಒಂದು ಕಡೆ ರಿಯಾಲಿಟಿ ಶೋ ಮತ್ತೊಂದು ಕಡೆ ಅವರೇ ನಂಬಿಕೊಂಡಿರುವ ರೀಲ್ಸ್ ಕಮಿಟ್ಮೆಂಟ್ ಗಳು ಇದರ ನಡುವೆ ಮತ್ತೊಂದು ಹೊಸ ಸಾಹಸಕ್ಕೆ ಕೈ ಹಾಕಿದ್ದಾರೆ. ದಿನವೀಡಿ ಆ ಸಾಹಸ ಕೆಲಸದಲ್ಲೇ ಬ್ಯುಸಿಯಾಗಿದ್ದಾರೆ. ಅದೇನು ಅನ್ನುವುದನ್ನು ಅವರು ಅಭಿಮಾನಿಗಳಿಗೆ ನಿತ್ಯವೂ ವಿಡಿಯೋ ಅಥವಾ ಫೋಟೋ ಮೂಲಕ ಅಪ್ ಡೇಟ್ ಕೊಡುತ್ತಲೇ ಇರುತ್ತಾರೆ. ಇದನ್ನೂ ಓದಿ : ಯಶ್ ಆಸೆ ಈಡೇರಿಸುತ್ತಾರಾ ತಮಿಳಿನ ಖ್ಯಾತ ನಿರ್ದೇಶಕ ಶಂಕರ್
ಸದ್ಯ ಕಾಮಿಡಿ ಶೋವೊಂದರಲ್ಲಿ ಕಲಾವಿದೆಯಾಗಿ ನಟಿಸುತ್ತಿರುವ ನಿವೇದಿತಾ ಗೌಡ, ಈ ನಡುವೆ ಮಿಸ್ಟ್ರೆಸ್ ಇಂಡಿಯಾ ಶೋನಲ್ಲಿ ಭಾಗಿಯಾಗುವ ಕನಸು ಕಂಡಿದ್ದಾರೆ. ಕೇವಲ ಭಾಗಿ ಆಗುವುದು ಮಾತ್ರವಲ್ಲ, ಅದಕ್ಕಾಗಿ ತರಬೇತಿಯನ್ನೂ ಪಡೆದುಕೊಳ್ಳುತ್ತಿದ್ದಾರೆ. ತಾವು ಏನೆಲ್ಲ ತರಬೇತಿ ಪಡೆಯುತ್ತಿದ್ದೇನೆ ಎನ್ನುವುದನ್ನು ಕೇವಲ ನಿವೇದಿತಾ ಗೌಡ ಮಾತ್ರವಲ್ಲ, ಅವರಿಗೆ ತರಬೇತಿ ಕೊಡುತ್ತಿರುವ ಸಂಸ್ಥೆಯು ಕೂಡ ಹಲವು ವಿಡಿಯೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಿದೆ. ಇದನ್ನೂ ಓದಿ : ಪ್ರಾದೇಶಿಕ ಭಾಷಾ ಮಹತ್ವ ಪ್ರಧಾನಿ ಮೋದಿ ಮಾತಿಗೆ ಸಂತಸ ವ್ಯಕ್ತ ಪಡಿಸಿದ ಕಿಚ್ಚ ಸುದೀಪ್
ಮೊದ ಮೊದಲು ಆತ್ಮವಿಶ್ವಾಸದ ಕುರಿತು ನಿವೀ ತರಬೇತಿ ಪಡೆದಿದ್ದಾರಂತೆ. ಆನಂತರ, ಸ್ಟೈಲೀಶ್ ಮ್ಯಾನರಿಸಂ, ಕ್ಯಾಟ್ ವಾಕ್ ಹೇಗೆ ಮಾಡೋದು, ಕಾಸ್ಟ್ಯೂಮ್‍ ಸೆನ್ಸ್, ಹೀಗೆ ಹಲವು ಹಂತಗಳಲ್ಲಿ ಈ ಕುರಿತು ತರಬೇತಿ ಪಡೆಯುತ್ತಿದ್ದಾರಂತೆ. ಈ ತರಬೇತಿ ಪಡೆಯುವುದಕ್ಕಾಗಿ ತಾವು ಎಷ್ಟೊಂದು ಕಷ್ಟ ಪಡುತ್ತಿದ್ದೇನೆ ಎನ್ನುವ ಮಾಹಿತಿಯನ್ನೂ ಅವರು ಹಂಚಿಕೊಂಡಿದ್ದಾರೆ. ಹಾಗಾಗಿ ಫುಲ್ ಕ್ಲಾಸಿನಲ್ಲೇ ದಿನಗಳನ್ನು ಕಳೆಯುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಇದನ್ನೂ ಓದಿ : ನಾಲ್ಕೈದು ವರ್ಷ ಪ್ರಶಾಂತ್ ನೀಲ್ ತೆಲುಗಿನಲ್ಲೇ ಲಾಕ್ : ಮತ್ತೆ ರಕ್ತದ ಹಿಂದೆ ಬಿದ್ದ ಕೆಜಿಎಫ್ ಡೈರೆಕ್ಟರ್
ಸೌಂದರ್ಯ ಸ್ಪರ್ಧೆಗಳಲ್ಲಿ ಭಾಗಿಯಾಗುವುದು ಅವರ ಕನಸಾಗಿತ್ತಂತೆ. ಅದಕ್ಕೆ ಈಗ ಅವಕಾಶ ಸಿಕ್ಕಿದೆ. ಸಿಕ್ಕಿರುವ ಅವಕಾಶವನ್ನು ಸಮರ್ಥವಾಗಿ ನಿಭಾಯಿಸುವ ನಿಟ್ಟಿನಲ್ಲಿ ಇಷ್ಟೊಂದು ತರಬೇತಿ ಪಡೆಯುತ್ತಿರುವುದಾಗಿಯೂ ಅವರು ಹೇಳಿಕೊಂಡಿದ್ದಾರೆ. ಅಲ್ಲದೇ, ತಮ್ಮಲ್ಲಿ ಏನೆಲ್ಲ ಬದಲಾವಣೆ ಆಗುತ್ತಿದೆ ಎನ್ನುವ ಕುರಿತು ಅವರು ಆಯಾ ಹಂತದ ಫೋಟೋ ಶೂಟ್ ಕೂಡ ಮಾಡಿಸಿಕೊಳ್ಳುತ್ತಿದ್ದಾರಂತೆ.
