ನೂರಾರು ಮಾಡೆಲ್‍ಗಳು ವೇದಿಕೆ ಮೇಲೆ ಕ್ಯಾಟ್ ವಾಕ್ ಮಾಡಿರುವುದನ್ನು ನಾವು ನೋಡಿದ್ದೇವೆ. ಆದರೆ ಹಸು ಕ್ಯಾಟ್ ವಾಕ್ ಮಾಡಿರುವುದನ್ನು ಎಲ್ಲೂ ಕೂಡ ನೋಡಿರಲು ಸಾಧ್ಯವಿಲ್ಲ. ಆದರೆ ಇತ್ತೀಚೆಗೆ ಹಸುವೊಂದು ರಸ್ತೆ ಮಧ್ಯೆ ಮಾಡೆಲ್‍ಗಳಂತೆ ಸ್ಟೈಲ್ ಆಗಿ ಕ್ಯಾಟ್‍ವಾಕ್ ಮಾಡಿದೆ. ಇದೀಗ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ವೀಡಿಯೋದಲ್ಲಿ ಕಂದು ಮತ್ತು ಬಿಳಿ ಮೈ ಬಣ್ಣ ಹೊಂದಿರುವ ಹಸುವೊಂದು ರಸ್ತೆ ಮಧ್ಯೆ ತಲೆ ಅಲ್ಲಡಿಸುತ್ತಾ, ಹೆಜ್ಜೆ ಮೇಲೆ ಹೆಜ್ಜೆ ಹಾಕುತ್ತಾ ಕ್ಯಾಟ್ ವಾಕ್ ಮಾಡಿದೆ. ಈ ಹಸುವಿನ ಹಿಂದೆ ಹಲವಾರು ಹಸುಗಳು ನಡೆದುಕೊಂಡು ಬರುತ್ತಿರುತ್ತದೆ. ಹಸು ಮುಂದೆ ಕ್ಯಾಟ್‍ವಾಕ್ ಮಾಡಿ ನಡೆಯುತ್ತಿದ್ದರೆ, ಉಳಿದ ಹಸುಗಳು ಹಿಂದೆ ಬರುತ್ತಿರುವುದು, ಸೆಲೆಬ್ರೆಟಿಗಳ ಹಿಂದೆ ಬಾಡಿಗಾರ್ಡ್‍ಗಳು ಬರುವಂತೆ ಕಾಣಿಸುತ್ತದೆ. ಸದ್ಯ ಈ ಅಪರೂಪದ ಹಸುವಿನ ಬೆಕ್ಕಿನ ನಡುಗೆ ವೀಡಿಯೋ ನೆಟ್ಟಿಗರ ಗಮನ ಸೆಳೆಯುತ್ತಿದೆ. ಇದನ್ನೂ ಓದಿ: ಕರುವಿನ ಮೇಲೆ ಕುಳಿತು ಕಿಕಿ ಡ್ಯಾನ್ಸ್ ಮಾಡಿದ ಹಳ್ಳಿ ಪೋರರು!
ಈವರೆಗೂ ನಾಯಿ, ಬೆಕ್ಕು, ಪುಟ್ಟ ಆನೆಮರಿ ಹೀಗೆ ಹಲವು ಮುದ್ದಾದ ಪ್ರಾಣಿಗಳ ವೀಡಿಯೋ ನೋಡಿ ತಮ್ಮ ಒತ್ತಡವನ್ನು ಜನ ಕಡಿಮೆ ಮಾಡಿಕೊಳ್ಳುತ್ತಿದ್ದರು. ಆದರೆ ಹಸುವಿನ ಕ್ಯಾಟ್ ವಾಕ್ ವೀಡಿಯೋ ನೋಡಿ ಎಲ್ಲರ ಮುಖದಲ್ಲಿಯೂ ನಗು ಬೀರಿದೆ ಹಾಗೂ ಎಲ್ಲರ ಮನ ಗೆಲ್ಲುತ್ತಿದೆ. ಇದನ್ನೂ ಓದಿ: ಮನೆಯೊಡತಿ ಜೊತೆ ಜೋಶ್‍ನಲ್ಲಿ ಕುಣಿದ ಎಮ್ಮೆಯ ವೀಡಿಯೋ ವೈರಲ್
