ಮದ್ವೆ ಆಗೋದು ಹೇಳಿ ಸೆಕ್ಸ್- ಗರ್ಭಿಣಿಯಾಗ್ತಿದ್ದಂತೆ ಬಯಲಾಯ್ತು ಪ್ರೇಮಿಯ ಕರಾಳ ಮುಖ

– ಮತಾಂತರ, ಗರ್ಭಪಾತಕ್ಕೆ ಒತ್ತಡ, ಕಿರುಕುಳ
– ವಿಚ್ಛೇದನ ಮಹಿಳೆಗೆ ಹಿಂದೂ ಅಂತ ಹೇಳಿಕೊಂಡಿದ್ದ ಪ್ರಿಯಕರ

ಲಕ್ನೊ: ಉತ್ತರ ಪ್ರದೇಶದಲ್ಲಿ ಲವ್ ಜಿಹಾದ್ ಪ್ರಕರಣ ಬೆಳಕಿಗೆ ಬಂದಿದ್ದು, ನೊಂದ ಮಹಿಳೆ ನ್ಯಾಯಕ್ಕಾಗಿ ಮೊರೆ ಹೋಗಿದ್ದಾರೆ. ಯುವಕ ಪ್ರೀತಿಸುವಾಗ ತಾನೋರ್ವ ವಿಚ್ಛೇದಿತ ಮತ್ತು ಹಿಂದೂ ಅಂತ ಪರಿಚಯ ಮಾಡಿಕೊಂಡಿದ್ದನು. ಮಹಿಳೆ ಗರ್ಭಿಣಿ ಆಗುತ್ತಿದ್ದಂತೆ ನೀಚ ಪ್ರೇಮಿ ಮುಸ್ಲಿಂ ಅನ್ನೋ ವಿಚಾರ ಬೆಳಕಿಗೆ ಬಂದಿದೆ.

ಉತ್ತರ ಪ್ರದೇಶದ ಬಾಗಪತ್ ಜಿಲ್ಲೆಯಲ್ಲಿ ಲವ್ ಜಿಹಾದ್ ಪ್ರಕರಣ ಬೆಳಕಿಗೆ ಬಂದಿದೆ. ಖಾಸಗಿ ಆಸ್ಪತ್ರೆಯಲ್ಲಿ ನರ್ಸ್ ಆಗಿದ್ದ ಗಂಡನಿಂದ ದೂರವಾಗಿದ್ದ ಮಹಿಳೆಗೆ ವರ್ಷದ ಹಿಂದೆ ಯುವಕನೋರ್ವನ ಪರಿಚಯವಾಗಿತ್ತು. ಪರಿಚಿತನಾದವನು ತನ್ನನ್ನು ಅಕ್ಷ ಎಂದು ಹೇಳಿಕೊಂಡಿದ್ದನು.

ಸುಳ್ಳು ಕಥೆ: ತಾನೋರ್ವ ಖಾಸಗಿ ಆಸ್ಪತ್ರೆಯ ವೈದ್ಯನಾಗಿದ್ದು, ಬಿಡುವಿನ ವೇಳೆ ಹರಿಯಾಣದ ಸಿನಿಮಾಗಳಲ್ಲಿ ನಟಿಸುತ್ತೇನೆ. ಪತ್ನಿಯಿಂದ ವಿಚ್ಛೇದನ ಪಡೆದುಕೊಂಡು ಮಗು ಸಹ ಇದೆ ಎಂದು ಕಥೆ ಕಟ್ಟಿದ್ದನು. ಮಗುವಿನ ಆರೈಕೆಗಾಗಿ ಮತ್ತೊಂದು ಮದುವೆ ಆಗಲು ನಿರ್ಧರಿಸಿರುವ ಕುರಿತು ಹೇಳಿಕೊಂಡಿದ್ದನು. ಮಹಿಳೆಯ ಜೊತೆಗಿನ ಸ್ನೇಹ ಪ್ರೇಮವಾಗಿ ಬದಲಾಗಿತ್ತು. ಮಹಿಳೆ ಜೊತೆ ಹಲವು ಬಾರಿ ದೇವಸ್ಥಾನಕ್ಕೂ ತೆರಳಿ ಪೂಜೆಯಲ್ಲಿ ಭಾಗಿಯಾಗಿದ್ದನು. ಇದನ್ನೂ ಓದಿ: ಯುವತಿ ಕೊಲೆ ಪ್ರಕರಣಕ್ಕೆ ಟ್ವಿಸ್ಟ್- ಮತಾಂತರಕ್ಕೆ ಒಪ್ಪದ್ದಕ್ಕೆ ಕೊಲೆ, ಲವ್ ಜಿಹಾದ್ ಎಂದ ಪೋಷಕರು

More Read

ನ್ಯೂಕ್ಲಿಯರ್ ಬೆದರಿಕೆಗೆ ಭಾರತ ಬಗ್ಗಲ್ಲ: ಪಾಕ್‌ಗೆ ಪ್ರಧಾನಿ ಮೋದಿ ತಿರುಗೇಟು

ಶರಣರ ನಾಡಿನ ಆರಾಧ್ಯದೈವ ಲಿಂಗೈಕ್ಯ – ಅಂತಿಮ ಇಚ್ಛೆಯಂತೆ ಶರಣಬಸವೇಶ್ವರರ ದರ್ಶನ ಪಡೆದು ಕೊನೆಯುಸಿರೆಳೆದ ಮಹಾದಾಸೋಹಿ

ಕೆಲ ದಿನಗಳ ಒಡನಾಟದ ಬಳಿಕ ಮಹಿಳೆಗೆ ನಿನ್ನನ್ನು ಮದುವೆ ಆಗುತ್ತೇನೆ ಎಂದು ನಂಬಿಸಿ ದೈಹಿಕ ಸಂಪರ್ಕ ಬೆಳೆಸಿದ್ದಾನೆ. ಗರ್ಭಿಣಿಯಾಗುತ್ತಿದ್ದಂತೆ ತನ್ನನ್ನು ಮದುವೆ ಆಗುವಂತೆ ಮಹಿಳೆ ಅಕ್ಷ್ ಬಳಿ ಕೇಳಿಕೊಂಡಿದ್ದಳು. ಮದುವೆ ಪ್ರಸ್ತಾಪ ಬಂದಾಗ ಆತನ ನಿಜವಾದ ಹೆಸರು ಅಕ್ರಂ ಖುರೇಷಿ ಎಂಬುವುದು ಗೊತ್ತಾಗಿದೆ. ಇದನ್ನೂ ಓದಿ: ಮೂವರು ಹೆಂಡ್ತೀರು, ನಾಲ್ವರು ಮಕ್ಕಳು – ಅಪ್ರಾಪ್ತೆಯ ರೇಪ್, ಪ್ರಕಟವಾಯ್ತು ಲವ್ ಜಿಹಾದ್ ಕೇಸ್

ಮತಾಂತರಕ್ಕೆ ಒತ್ತಡ: ಮಹಿಳೆ ಮದುವೆ ಆಗುವಂತೆ ಹೇಳಿದಾಗ ಅಕ್ರಂ ಹಿಂದೂ ಧರ್ಮದಿಂದ ಇಸ್ಲಾಂಗೆ ಮತಾಂತರ ಆಗಬೇಕು ಮತ್ತು ಗರ್ಭಪಾತ ಮಾಡಿಸಿಕೊಳ್ಳಬೇಕೆಂದು ಕಂಡೀಷನ್ ಹಾಕಿದ್ದನು. ಆರೋಪಿ ಅಕ್ರಂನಿಗೆ ಈಗಾಗಲೇ ಮದುವೆಯಾಗಿದ್ದು ಎರಡು ಮಕ್ಕಳಿರುವ ವಿಚಾರ ಮಹಿಳೆಗೆ ತಿಳಿದಿದೆ. ಪತ್ನಿಯಿಂದಲೂ ಅಕ್ರಂ ಡಿವೋರ್ಸ್ ಪಡೆದುಕೊಂಡಿರಲಿಲ್ಲ. ಇದನ್ನೂ ಓದಿ: ಲವ್ ಜಿಹಾದ್ ಪ್ರಕರಣ ಸಾಬೀತು – ಪ್ರೀತಿಗಾಗಿ ಅಬುಧಾಬಿಗೆ ಹಾರಿದ ಕ್ರಿಶ್ಚಿಯನ್ ಯುವತಿ

ವೀಡಿಯೋ ತೋರಿಸಿ ಬ್ಲ್ಯಾಕ್‍ಮೇಲ್: ಮಹಿಳೆ ಮತಾಂತರ ಮತ್ತು ಗರ್ಭಪಾತಕ್ಕೆ ಒಪ್ಪದಿದ್ದಾಗ ತನ್ನ ಜೊತೆಗೆ ಕಳೆದ ಕೆಲ ಖಾಸಗಿ ವೀಡಿಯೋಗಳನ್ನು ತೋರಿಸಿ ಬೆದರಿಕೆ ಹಾಕಿದ್ದನು. ಕೊನೆಗೆ ಅಕ್ರಂ ಬೆದರಿಸಿ ಮಹಿಳೆಯನ್ನ ಮತಾಂತರಗೊಳಿಸಿದ್ದನು. ನಿನ್ನನ್ನು ಜೊತೆಯಲ್ಲಿ ಇಟ್ಟುಕೊಳ್ಳಲು ಸಾಧ್ಯವಿಲ್ಲ ಎಂದು ವೀಡಿಯೋ ತೋರಿಸಿ ಬೆದರಿಸುತ್ತಿದ್ದನು ಅಂತ ಮಹಿಳೆ ಆರೋಪಿಸಿದ್ದಾರೆ. ಇದನ್ನೂ ಓದಿ: ಲವ್ ಜಿಹಾದ್ ಹೆಸರಲ್ಲಿ 46 ಯುವತಿಯರ ಮಾರಾಟ-ವೈರಲ್ ಫೋಟೋ ಸತ್ಯ

ಮಹಿಳೆಗೆ ಅಕ್ರಂ ಒಂದು ವರ್ಷದಿಂದ ಕಿರುಕುಳ ನೀಡಿದ್ದಾನೆ. ಮಹಿಳೆ ಹಿಂದೂ ಧರ್ಮದಲ್ಲಿಯೇ ಇರಲು ಇಷ್ಟಪಟ್ಟಿದ್ದು, ಆತನಿಂದ ದೂರ ಬಂದಿದ್ದಾರೆ. ಮಹಿಳೆಯ ದೂರಿನನ್ವಯ ಪ್ರಕರಣ ದಾಖಲಿಸಿಕೊಳ್ಳಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಇದನ್ನೂ ಓದಿ: ಬೆಂಗ್ಳೂರಿನಲ್ಲಿ ಲವ್ ಜಿಹಾದ್- ಮುಸ್ಲಿಂ ಹುಡುಗನನ್ನು ವರಿಸಿದವಳು ಸೂಸೈಡ್