ಬೆಂಗಳೂರು: ಡ್ರಗ್ ಡೀಲರ್ ಅನಿಕಾ ಜೊತೆ ಸಂಪರ್ಕ ಹೊಂದಿರುವುದು ನಿಜ ಎಂದು ಬಿಗ್ ಬಾಸ್ ಸ್ಪರ್ಧಿ ಆದಂ ಪಾಷಾ ಹೇಳಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, ಒಂದು ವರ್ಷದ ಹಿಂದೆ ಕಮ್ಮನಹಳ್ಳಿಯ ಕ್ಲಬ್ ನಲ್ಲಿ ಅನಿಕಾ ಪರಿಚಯ ಆಗಿದ್ದಳು. ನಾನು ಡ್ಯಾನ್ಸರ್ ಆಗಿದ್ದರಿಂದ ಡ್ಯಾನ್ಸ್ ಕ್ಲಬ್ ಹೋದಾಗ ಅನಿಕಾ ಸಿಕ್ಕಿದ್ದಳು ಆಗಿನಿಂದ ಪರಿಚಯ ಆಗಿದ್ದಳು. ಆಫ್ರಿಕನ್ ಮ್ಯೂಸಿಕ್ ಕ್ಲಬ್‍ಗೆ ಹೋದಾಗ ನನಗೆ ಅನಿಕಾ ಪರಿಚಯವಾಗಿದ್ದಳು. ಆದರೆ ಅವಳು ಆಗ ನಿಜ ಹೆಸರು ಹೇಳಿರಲಿಲ್ಲ. ಅವಳ ಹೆಸರನ್ನು ನಿಕಿ ಎಂದು ಹೇಳಿದ್ದಳು. ಎಲ್ಲರೂ ಕ್ಲಬ್‍ಗೆ ಬರುವುದು ಮಾಮೂಲಿ ಆಗಿದ್ದರಿಂದ ನಾನು ತಲೆಕೆಡೆಸಿಕೊಳ್ಳಲಿಲ್ಲ. ನೀವು ಏನು ಮಾಡುತ್ತೀರಿ ಏನು ಎತ್ತ ಏನನ್ನೂ ಕೇಳಲಿಲ್ಲ ಎಂದು ತಿಳಿಸಿದ್ದಾರೆ.
ಒಂದೊಂದು ಬಾರಿ ಕ್ಯಾಬ್‍ಗೂ ಹಣವಿಲ್ಲದಿದ್ದಾಗ ಅನಿಕಾ ನಮಗೆ ಹಣ ನೀಡಿ ಕಳುಹಿಸುತ್ತಿದ್ದಳು. ನಾನು ಯಾವುದೇ ತಪ್ಪು ಮಾಡಿಲ್ಲ, ಹೀಗಾಗಿ ನಾನು ಯಾವುದಕ್ಕೂ ಹೆದರಿಕೊಳ್ಳುವುದಿಲ್ಲ. ಸಿನಿಮಾ ಸೆಲೆಬ್ರಿಟಿಗಳ ಜೊತೆ ನನಗೆ ನಂಟಿಲ್ಲ. ಹಾಗಾಗಿ ಯಾರು ಅನಿಕಾ ಜೊತೆ ಬರುತ್ತಿದ್ದರು ಎಂಬುದು ಗೊತ್ತಿಲ್ಲ. ನಾನು ಕ್ಲಬ್ ನಲ್ಲಿ ಸಾಲ್ಸಾ ಡ್ಯಾನ್ಸ್ ಮಾಡಲು ಹೋಗುತ್ತಿದ್ದೆ ಎಂದು ತಿಳಿಸಿದ್ದಾರೆ.
ಅವಳೊಂದಿಗೆ ಯಾರು ಇರುತ್ತಿದ್ದರು ಎಂದು ಸಹ ನಾನು ನೋಡಿಲ್ಲ. ಕ್ಲಬ್ ನಲ್ಲಿ ಡ್ಯಾನ್ಸ್ ಮಾಡಿ ಬರುತ್ತಿದ್ದೆ ಅಷ್ಟೆ. ನಾನ್ಯಾಕೆ ಬೇರೆಯವರನ್ನು ನೋಡಬೇಕು. ನಟಿ ನಯನ ಮನೆಯಲ್ಲಿ ಕೊನೆಯ ಸೆಲೆಬ್ರೆಟಿ ಪಾರ್ಟಿಯಾಗಿತ್ತು. ನಂತರ ಯಾವುದೇ ಪಾರ್ಟಿಗೆ ನಾನು ಹೋಗಿಲ್ಲ ಎಂದು ತಿಳಿಸಿದ್ದಾರೆ.
