ದಾವಣಗೆರೆ: ತನ್ನ ಕರುವಿಗಾಗಿ ಎಮ್ಮೆಯೊಂದು ಬೈಕ್ ಹಿಂದೆ ಕಿಲೋಮೀಟರ್ ದೂರ ಓಡಿರುವ ಘಟನೆ ಜಿಲ್ಲೆಯ ಹರಿಹರ ತಾಲೂಕಿನ ಮಲೆಬೆನ್ನೂರು ಗ್ರಾಮದಲ್ಲಿ ನಡೆದಿದೆ. ಇದನ್ನೂ ಓದಿ: ಚಿಕಿತ್ಸೆಗಾಗಿ ಕರುವನ್ನು ಒಯ್ದರೆ ಜನ್ರನ್ನೇ ಹಿಂಬಾಲಿಸಿ ಓಡೋಡಿ ಬಂತು ತಾಯಿ ಹಸು!
ಎಮ್ಮೆಯೊಂದು ಹೊಲದಲ್ಲಿಯೇ ಕರುವಿಗೆ ಜನ್ಮ ನೀಡಿದೆ. ಹೀಗಾಗಿ ಎಮ್ಮೆ ಮಾಲೀಕರು ಹೊಲದಿಂದ ಮನೆಗೆ ಕರುವನ್ನು ಬೈಕ್‍ನಲ್ಲಿ ಹಾಕಿಕೊಂಡು ಕರೆದುಕೊಂಡು ಹೋಗುತ್ತಿದ್ದರು. ಆದರೆ ಬೈಕಿನಲ್ಲಿ ಕರುವನ್ನು ಕರೆದುಕೊಂಡು ಹೋಗುವುದನ್ನು ನೋಡಿದ ಎಮ್ಮೆ ತನ್ನ ಕರುವಿಗಾಗಿ ಬೈಕ್ ಹಿಂದೆಯೇ ಓಡಿದೆ.
ಎಮ್ಮೆ ತನ್ನ ಕರುವನ್ನು ನೋಡಲು ಪರಿತಪಿಸಿ ಬೈಕ್ ಹಿಂದೆಯೇ ಕಿಲೋಮೀಟರ್ ದೂರ ಓಡಿದೆ. ಬೈಕ್ ಹಿಂದೆ ಓಡುತ್ತಿರುವ ದೃಶ್ಯ ಮೊಬೈಲ್‍ನಲ್ಲಿ ಸೆರೆಯಾಗಿದೆ. ಎಮ್ಮೆ ಹಿಂದೆ ಬೈಕಿನಲ್ಲಿ ಹೋಗುತ್ತಿದ್ದವರು ಇದನ್ನು ನೋಡಿ ತಮ್ಮ ಮೊಬೈಲಿನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದಾರೆ. ವಿಡಿಯೋದಲ್ಲಿ ಬೈಕ್ ಹಿಂದೆಯೇ ಕರುವಿಗಾಗಿ ಎಮ್ಮೆಯೂ ಕೂಡ ತುಂಬ ವೇಗವಾಗಿ ಓಡುತ್ತಿರುವುದನ್ನು ಕಾಣಬಹುದಾಗಿದೆ.
