ಐದು ತಿಂಗಳ ಬಳಿಕ ಕೊಡಗಿನಲ್ಲಿ ಬಾರ್ ಓಪನ್- ಮದ್ಯಪ್ರಿಯರು ಫುಲ್ ಖುಷ್

ಮಡಿಕೇರಿ: ಕೊರೊನಾದಿಂದಾಗಿ ಐದು ತಿಂಗಳಿಂದಲೂ ಮುಚ್ಚಿದ್ದ ಬಾರ್ ಗಳು ಇಂದು ಮತ್ತೆ ಓಪನ್ ಆಗಿರುವುದಕ್ಕೆ ಮದ್ಯಪ್ರಿಯರು ಫುಲ್ ಖುಷಿಯಾಗಿದ್ದಾರೆ. ಬಾರ್ ಗಳು ಓಪನ್ ಆಗುತ್ತಿದ್ದಂತೆ ಮದ್ಯಪ್ರಿಯರು ಸ್ನೇಹಿತರೊಂದಿಗೆ ಬಾರ್ ಗಳತ್ತ ಮುಖ ಮಾಡಿದ್ದಾರೆ.

ಇಷ್ಟು ದಿನ ಬಾರ್ ಗಳು ಮುಚ್ಚಿದ್ದರಿಂದ ಲಿಕ್ಕರ್ ಶಾಪ್ ಗಳಿಂದ ಇಷ್ಟ ಬಂದ ಬ್ರಾಂಡ್ ತೆಗೆದುಕೊಂಡು ಹೋಗುತ್ತಿದ್ದೆವು. ಆದರೆ ಮನೆಯಲ್ಲಿ ಒಬ್ಬರೇ ಕುಳಿತು ಕುಡಿಯಬೇಕಿತ್ತು. ಇದರಿಂದ ಯಾವುದೇ ರೀತಿಯ ಮಜಾ ಎನಿಸುತ್ತಿರಲಿಲ್ಲ. ಆದರೆ ಈಗ ಬಾರ್ ಓಪನ್ ಆಗಿರುವುದರಿಂದ ಸ್ನೇಹಿತರೊಂದಿಗೆ ಸೇರಿ ಎಣ್ಣೆ ಹೊಡೆಯೋದೆ ಮಜಾ ಎನ್ನುತ್ತಿದ್ದಾರೆ ಮದ್ಯಪ್ರಿಯರು.

ಇಂದಿನಿಂದ ಶೇಕಡ 50 ರಷ್ಟು ಗ್ರಾಹಕರಿಗೆ ಅವಕಾಶ ನೀಡಿ, ಬಾರ್ ಓಪನ್ ಆಗಿರುವ ಹಿನ್ನೆಲೆಯಲ್ಲಿ ಅಷ್ಟೇ ಗ್ರಾಹಕರಿಗೆ ಅವಕಾಶ ನೀಡಿ ಬಾರ್ ತೆರೆಯಲಾಗಿದ್ದು, ಕೊಡಗಿನಲ್ಲಿ ಮದ್ಯಪ್ರಿಯರು ಬಾರ್ ಗಳಲ್ಲಿ ಕುಳಿತು ಸ್ನೇಹಿತರೊಂದಿಗೆ ಎಣ್ಣೆ ಎಂಜಾಯ್ ಮಾಡುತ್ತಿದ್ದಾರೆ. ಲಾಕ್‍ಡೌನ್ ಸಂದರ್ಭದ ಕಷ್ಟ ಸುಖಗಳನ್ನು ಸ್ನೇಹಿತರೊಂದಿಗೆ ಹಂಚಿಕೊಳ್ಳುತ್ತಿದ್ದಾರೆ. ಈ ಮೂಲಕ ಖುಷಿ ಖುಷಿಯಾಗಿ ಬಾರ್‍ನಲ್ಲಿ ಕಾಲ ಕಳೆಯುತ್ತಿದ್ದಾರೆ.