Saturday, 25th January 2020

ಶಾಪಿಂಗ್ ಹಬ್ಬದಲ್ಲಿ 38 ಲಕ್ಷ ಕ್ಸಿಯೋಮಿ ಫೋನ್‌ಗಳ ಮಾರಾಟ

ನವದೆಹಲಿ: ದಸರಾ ಹಬ್ಬದ ವೇಳೆ ಆಯೋಜನೆಗೊಂಡಿದ್ದ ಆನ್‍ಲೈನ್ ಶಾಪಿಂಗ್ ಹಬ್ಬದಲ್ಲಿ ಒಟ್ಟು 38 ಲಕ್ಷ ಸ್ಮಾರ್ಟ್ ಫೋನ್‍ಗಳನ್ನು ಮಾರಾಟ ಮಾಡಲಾಗಿದೆ ಎಂದು ಕ್ಸಿಯೋಮಿ ಕಂಪನಿ ಹೇಳಿದೆ.

ಹಬ್ಬದ ಸಂದರ್ಭದಲ್ಲಿ ಅಮೆಜಾನ್, ಫ್ಲಿಪ್‍ಕಾರ್ಟ್, ಎಂಐ.ಕಾಂ ನಲ್ಲಿ 38 ಲಕ್ಷ ಸ್ಮಾರ್ಟ್ ಫೋನ್‌ಗಳು ಸೇರಿದಂತೆ ಒಟ್ಟು 53 ಲಕ್ಷ ಸಾಧನಗಳು ಮಾರಾಟವಾಗಿದೆ ಎಂದು ಕ್ಸಿಯೋಮಿ ಕಂಪನಿ ತಿಳಿಸಿದೆ.

ಪ್ರತಿ ವರ್ಷದ ಹಬ್ಬದ ಸಂದರ್ಭದಲ್ಲಿ ಶೇ.50 ರಷ್ಟು ಮಾರಾಟ ಹೆಚ್ಚಳವಾಗುತ್ತದೆ. ಫ್ಲಿಪ್ ಕಾರ್ಟಿನಲ್ಲಿ ರೆಡ್‍ಮೀ ನೋಟ್ 7 ಅತಿ ಹೆಚ್ಚು ಮಾರಾಟಗೊಂಡಿದ್ದರೆ ಅಮೇಜಾನ್ ತಾಣದಲ್ಲಿ ರೆಡ್‍ಮೀ 7ಎ ಹೆಚ್ಚು ಮಾರಾಟಗೊಂಡಿದೆ ಎಂದು ಕ್ಸಿಯೋಮಿ ಹೇಳಿದೆ.

ಆನ್‍ಲೈನ್ ಶಾಪಿಂಗ್ ತಾಣಗಳ ಪೈಕಿ ಅತಿ ಹೆಚ್ಚು ಮಾರಾಟ ಕಂಡಿರುವ 10 ಫೋನ್ ಗಳ ಪೈಕಿ 5 ಫೋನ್‍ಗಳು ಕ್ಸಿಯೋಮಿಯದ್ದು ಎಂದು ತಿಳಿಸಿದೆ. ಹಬ್ಬ ಆರಂಭಗೊಂಡ ಬಳಿಕ ಅ.3 ರಂದು ಕ್ಸಿಯೋಮಿ ಟ್ವೀಟ್ ಮಾಡಿ, 2.5 ಲಕ್ಷ ಎಂಐ ಟಿವಿಗಳನ್ನು ಮಾರಾಟ ಮಾಡಿದ್ದೇವೆ ಎಂದು ಹೇಳಿಕೊಂಡಿತ್ತು.

Leave a Reply

Your email address will not be published. Required fields are marked *