Wednesday, 21st August 2019

ಕಿಟಕಿ ಬಳಿ ಜೋಡಿಯಿಂದ ಸೆಕ್ಸ್ – 9ನೇ ಮಹಡಿಯಿಂದ ಬಿದ್ದು ಮಹಿಳೆ ಸಾವು

ಮಾಸ್ಕೋ: ಜೋಡಿಯೊಂದು ಕಿಟಕಿ ಬಳಿ ಸೆಕ್ಸ್ ಮಾಡುತ್ತಿದ್ದ ವೇಳೆ 9ನೇ ಮಹಡಿಯಿಂದ ಬಿದ್ದು ಮಹಿಳೆ ಸ್ಥಳದಲ್ಲೇ ಮೃತಪಟ್ಟು, ವ್ಯಕ್ತಿ ಬದುಕುಳಿದ ಘಟನೆ ರಷ್ಯಾದ ಸೆಂಟ್ ಪೀಟರ್ಸ್‍ಬಗ್‍ನಲ್ಲಿ ನಡೆದಿದೆ.

ಸ್ಥಳೀಯರ ಪ್ರಕಾರ ಜೋಡಿಗಳಿದ್ದ ಫ್ಲಾಟ್‍ನಲ್ಲಿ ವೈಲ್ಡ್ ಪಾರ್ಟಿ ನಡೆಯುತ್ತಿತ್ತು. ಮೊದಲು 9ನೇ ಮಹಡಿಯ ಕಿಟಕಿಯಿಂದ ಟಿವಿ ಕೆಳಗೆ ಬಿತ್ತು. ನಂತರ ಮಹಿಳೆ ಕೆಳಗೆ ಬಿದ್ದು ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ. ಬಳಿಕ ವ್ಯಕ್ತಿ ಆಕೆಯ ಮೇಲೆ ಬಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾನೆ ಎಂದು ಸ್ಥಳೀಯರು ಹೇಳಿದ್ದಾರೆ.

ಪೊಲೀಸರು ಮಹಿಳೆಯ ಮೃತದೇಹವನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ವೇಳೆ ಮಹಿಳೆಯ ಮೇಲೆ ಯಾವುದೇ ಬಟ್ಟೆ ಇರಲಿಲ್ಲ. ನಗ್ನನಾಗಿದ್ದ ವ್ಯಕ್ತಿ ಬೀಳುತ್ತಿದ್ದಂತೆ ಎದ್ದು ಮತ್ತೆ ಪಾರ್ಟಿಗೆ ಹೋಗಿದ್ದಾನೆ ಎಂದು ಸ್ಥಳೀಯರು ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಈ ಘಟನೆ ನಡೆದ ನಂತರ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ಸ್ಥಳಕ್ಕೆ ಬಂದಾಗ ಪಾರ್ಟಿ ಮಾಡುತ್ತಿದ್ದವರು ಅವರ ಮೇಲೆ ನೆಲ ಒರೆಸುವ ಕಸಬರಿಗೆ ಎಸೆದರು ಎಂದು ಸ್ಥಳೀಯರು ಆರೋಪಿಸಿದ್ದಾರೆ.

ಜೋಡಿ ಕಿಟಕಿಯ ಬಳಿ ದೈಹಿಕ ಸಂಬಂಧ ಬೆಳೆಸುತಿತ್ತು. ಹಾಗಾಗಿ ಅವರು ಕೆಳಗೆ ಬಿದ್ದಿದ್ದಾರೆ ಎನ್ನುವ ವಿಚಾರ ಪೊಲೀಸರ ಪ್ರಾಥಮಿಕ ತನಿಖೆಯಲ್ಲಿ ಗೊತ್ತಾಗಿದೆ. ಜೋಡಿ ಕೆಳಗೆ ಬೀಳುವಾಗ ಫ್ಲಾಟ್‍ನಲ್ಲಿ ಇನ್ನು ಇಬ್ಬರು ಪುರುಷರು ಇದ್ದು, ಅವರು ಈ ಘಟನೆಯಲ್ಲಿ ಭಾಗಿಯಾಗಿಲ್ಲ ಎಂದು ಹೇಳಲಾಗುತ್ತಿದೆ. ಪೊಲೀಸರು ಕೊಲೆ ಪ್ರಕರಣ ದಾಖಲಿಸಿಕೊಂಡು ಈಗ ತನಿಖೆ ನಡೆಸುತ್ತಿದ್ದಾರೆ.

Leave a Reply

Your email address will not be published. Required fields are marked *